Efesios 2:11 - Quiché Bible

¹¹ Rumal c'u ri', chnataj chiwe ri man ix aj judeyib taj: cäquibij c'u ri aj judeyib chiwe chi man ix kopim taj, cäquibij c'ut ri e are' chi e kopim. E kopim c'ut ri e u wi' ri u tz'umal ri e achijab wi cuc' k'abaj che quetal.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Xaq jeriꞌ naꞌtaj chiꞌwe chi ri ix man ix aꞌj Israel taj, man kojtal ta iwetal, jeriꞌ kakibꞌij chiꞌwe ri winaq ri kojtal ketal are wa ri bꞌantal rukꞌ uqꞌabꞌ winaq.

K'iche'

¹¹ Chna'taj ba' chiwe jas ri i banic nabe. Ri ix man ix aj Israel taj, rumal c'u ri' ri winak aj Israel ri cojom ri retal ri ojer trato chque cäquibij chbil quib: “Uj wa', uj rech ri circuncisión,” —quecha'. Cäquibij c'u chiwe chi ri ix man ix jun tä cuc', man cojom tä ri retal ri ojer trato chiwe, —quecha ri'.

K'iche' (New Orthography)

¹¹ Chna'taj b'a' chiwe jas ri i b'anik nab'e. Ri ix man ix aj Israel taj, rumal k'u ri' ri winaq aj Israel ri kojom ri retal ri ojer trato chke käkib'ij chb'il kib': “Uj wa', uj rech ri circuncisión,” —kecha'. Käkib'ij k'u chiwe chi ri ix man ix jun tä kuk', man kojom tä ri retal ri ojer trato chiwe, —kecha ri'.

Efesios 2:11 Referans Kwoze

Colosenses 2:11

Ri ix man xic'amtaj ri etal re ri u kopixic ri u wi' ri u tz'umal ri ix achijab wi je jacha' ri cäquiban ri achijab aj judeyib. Ri ix man xixkopix taj cumal k'abaj, are c'u ri ix xic'am ri etal rumal ri Crist aretak ri are' xebukopij ri e itzel tak e i rayibal aj winak re mac;

Colosenses 2:13

Ri pa jun k'ijol canok ix cäminak pa mac, xukuje' man e kopim taj ri e itzel tak e i rayibal aj winak re mac, are c'u ri camic ri Dios e u yo'm i c'aslemal junam ruc' ri Crist. Ri are' e u cuyum conojel ri e ka mac.

Colosenses 3:11

Man c'o ta chi cubij we aj judey o we man aj judey taj, we kopim ri u wi' ri u tz'umal ri ix achijab wi o man kopim taj, we naj cäpe wi, we man c'o ta retamanic, we lok'om pataninel o tzokopitalic; ri c'o cubij chi ri Crist are' ronojel pa conojel.

Colosenses 1:21

Ri ix nabe naj ix c'o wi che ri Dios, i c'ulel ri Dios pa ri iwanima', rumal ri itzel tak chac ri xibano.

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

Efesios 5:8

Ri i c'aslemal ojer c'o pa ri k'eku'm. Are c'u ri camic c'o chic pa ri sakil rumal rech chi ix jun chic ruc' ri Ajawaxel. Chibana' ba' iwech ri caquiban ri e aj sakilal.

Gálatas 6:12

Ri cäquicoj chuk'ab chiwe che u kopixic ri u wi' ri u tz'umal ri ix achijab wi che iwetal, xuwi cäcaj utz quebil wi cumal ri winak, rech man cäquirik ta c'ax rumal rech ri u ripibal ri Crist.

1 Corintios 12:2

Iweta'm chi aretak c'ä majok chixcojonok i sachom i be, xixc'am bic chquij ri memalaj tak diosib.

1 Corintios 6:11

E c'o c'u jujun chiwe e je tak wa' nabe canok. Camic c'ut ix ch'ajtajinak chic, banom chi tastalic tak winak chiwe, ix k'alajisam chic chi ix suc' chuwäch ri Dios pa ri u bi' ri Ajawaxel Jesucrist, rumal ri Uxlabal re ri ka Dios.

Nabe Samuel 17:26

Ri David xuc'ot qui chi' ri e c'o pa u xcut, xubij chque: “¿Jas lo ri caya' na che ri achi ri cäcämisan we aj pilistey ri' cuyub c'ut ri u yok'ic ri Israel? ¿Jachin ta c'u ne wa' we pilistey ri' ri k'ijilal diosib rech quebutzur ri rajch'ojab ri c'aslic Dios?”

U Camulixic ri Pixab 16:12

Chnataj chiwe chi xukuje' ri ix xixux na lok'om pataninelab pa Ejipt; rumal ri' chixoc che qui nimaxic tak we pixab ri'.

U Camulixic ri Pixab 15:15

Mäsach pa a jolom chi ri at xukuje' xatux can lok'om pataninel lok'om pa Ejipt, are c'u ri Ajawaxel ri a Dios xyo'w ri a tzopitajem. Rumal ri' quinya' we takanic ri' chawe camic.

U Camulixic ri Pixab 9:7

“Mawi jubik' mäsach pa i jolom chi i c'ulelam ulok ri Ajawaxel ri i Dios pa ri chaki'j uwo sak. Kas aretak xixel ulok pa Ejipt c'ä ix ulinak waral, amak'el ix uxinak man nimanelab ta che.

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.

Gálatas 2:15

Ri uj uj aj judeyib uj alam, man uj ta ajmaquib chquixo'l ri man aj judeyib taj.

Ri Ezequiel 36:31

Aretak c'u canataj ri itzel i c'aslemal chiwe xukuje' tak ri e itzel tak i banoj quiq'uibej na iwib qui mac tak ri e i mac xukuje' cumal tak ri e itzel tak i banoj.

U Camulixic ri Pixab 5:15

Chnataj chawe chi xatc'oji' na che lok'om pataninel pa Ejipt, are c'u ri Ajawaxel ri a Dios xatresaj ulok chila' ruc' nimalaj chuk'ab. Rumal c'u ri' ri Ajawaxel ri a Dios catutako chi man catchacun ta pa ri k'ij re uxlanem.

Ri Ezequiel 20:43

Chila' c'u canataj wi na chiwe conojel ri itzel tak banoj ri e i tz'ilobem wi iwib, camuluw c'u na i c'u'x chiwe chbil tak iwib rumal rech chi sibalaj q'ui ri etzelal ri e i banom.

Nabe Samuel 17:36

Pune' ta c'u ne jun coj pune' ta c'u ne os, we pataninel ech la ri' cucämisaj. Are' c'ut we pilistey ri' ri k'ijilal tak diosib je cuc'ulmaj na, u mac rech chi e u tzurum ri e rajch'ojab ri c'aslic Dios.

Romanos 2:26

Je c'u ri', we ri jun man cojom ta ri etal re kopinic che ri u wi' ri u tz'umal ri achi wi, we cunimaj ri takanic re ri pixab, je ta ne cojom ri retal re kopinic che, pune' c'u man cojom taj.

Romanos 2:27

Ri jun ri man cojom ta etal re kopinic che ri u wi' ri u tz'umal ri achi wi, we cunimaj ri pixab, ri are' cuk'at na tzij pawi' at, pune' c'o ri tz'ibatalic awuc' xukuje' cojom ri etal re kopinic chawe, we man canimaj ri pixab.

Romanos 11:17

Chkabana' che chi c'o jun u che'al aseitun, ri at at jun u k'ab aseitun re juyub. We xesax apan jujun chque ri kas u k'ab aseitun, ri at c'ut at catch'ap ocok chquixo'l ri e u k'ab, jeri' catc'asi' na rumal ri u c'amal ri benak pa ri ulew xukuje' rumal ri u räxal ri u che'al aseitun, ri caquiq'uex wichij ri aj judeyib.

Efesios 2:2

Xiban ri mac jas ri u beya'l we uwächulew ri', xinimaj ri nim u banic ri c'o u takanic pa ri quiakik', ri uxlabal ri cätakan paquiwi' ri man queniman ta che ri Dios.

Ri Matey 20:7

Xquibij che: ‘Rumal rech chi man c'o ta jachin jun cäbin chac chke.’ Xubij chque: ‘Xukuje' ri ix, jix pa ri nu tico'n re uva.’