Efesios 1:18 - Quiché Bible

¹⁸ Quintz'onoj che ri Dios chi cuya' ri i chomanic pa sak, rech kas quiwetamaj jachique ri cu'lbal c'uxaj re ri i siq'uixic rumal, xukuje' quiwetamaj ri u k'inomal ri u juluwem ri echbal ri cuya' chque ri winak ri e rech ri Dios,

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Xuqujeꞌ kinbꞌan chꞌawem piꞌwiꞌ rech kajaqataj ri ibꞌoqꞌoch rech kiwetaꞌmaj jas ri kuꞌlibꞌal kuꞌx rech ri sikꞌinik, xuqujeꞌ jas ri qꞌinomal rech ri echabꞌal ri yaꞌtal chike ri tyoxalaj taq winaq.

K'iche'

¹⁸ Quinta' che ri Dios chi cuya na sakil pa ri i chomabal rech kas quiwetamaj jas ri' ri quicu'ba wi i c'ux ri xixusiq'uij wi. Je' quinta' che rech quiwetamaj chi sibalaj nim, sibalaj je'lic ri cäquechbej na conojel ri winak ri e rech ri Are'.

K'iche' (New Orthography)

¹⁸ Kinta' che ri Dios chi kuya na saqil pa ri i chomab'al rech qas kiwetamaj jas ri' ri kiku'b'a wi i k'ux ri xixusik'ij wi. Je' kinta' che rech kiwetamaj chi sib'alaj nim, sib'alaj je'lik ri käkechb'ej na konojel ri winaq ri e rech ri Are'.

Efesios 1:18 Referans Kwoze

Hechos 26:18

rech quebajak ri qui bak'wäch; rech quebel pa ri k'ek'um, quek'ax pa ri sakil; rech quebel chuxe' ri u cuinem ri Satanas, quek'ax ruc' ri Dios; rech cäquic'am jun quechbal cuc' ri banom tastalic tak winak chque rumal cojonic chwe in.’ ”

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

Ri Lucax 24:45

C'äte ri' xuban chque chi cäquich'ob ri Tz'ibatalic.

Efesios 1:7

Chupam c'ut ri nimalaj u lok'ok'ebal c'uxaj uj u torom ri Dios rumal ri quic' ri xutix ri u C'ojol, e sachtajinak c'ut ri e ka mac.

Efesios 5:8

Ri i c'aslemal ojer c'o pa ri k'eku'm. Are c'u ri camic c'o chic pa ri sakil rumal rech chi ix jun chic ruc' ri Ajawaxel. Chibana' ba' iwech ri caquiban ri e aj sakilal.

Efesios 3:16

Quinta' che ri Tataxel chi jas ri u k'inomal ri u juluwem, cuya' i chuk'ab xukuje' cuinem pa ri iwanima' rumal ri Ruxlabal ri Dios,

Efesios 4:4

Xa' jun ri cuerp ri c'olic, xukuje' xa' jun ri Uxlabaxel. Jeri' xukuje' ri Dios xixusiq'uij che xa' jun cu'lbal c'uxaj.

Salmib 119:18

Chejaka' la ri nu bak'wäch, quebenwil c'u na ri e u mayibal ri tijonic la.

Ri Tit 3:7

Jeri' k'alajisam chic chi uj suc' chuwäch rumal ri u tok'ob, cu'l c'u ka c'u'x chi cäkechbej na ri junalic c'aslemal.

Ri Isaiy 42:7

Quinwaj chi cajak ri qui bak'wäch ri moyab xukuje' chi quebator ri e tz'apitz'oj pa che', chupam ri k'ekumalaj c'olbal ri e c'o wi.

2 Tesalonicenses 1:11

Rumal ri' amak'el cäkaban ch'awem ruc' Dios piwi', rech takal chiwe jas ri xixsiq'uix wi rumal ri ka Dios, rech quiban ronojel ri utz ri cäraj ri Dios chiwe, xukuje' quiban ruc' chuk'ab ronojel chac re ri i cojonic.

Efesios 4:1

In c'ut, in ajpache' rumal ri Ajawaxel, quixinbochi'j chi quibano jas ri takal chque ri winak ri e siq'uim rumal ri Dios, jas ri ix xixsiq'uixic.

Ri Isaiy 6:10

Chatacarisaj ri u chomabal we tinimit ri' chach'uku' ri e qui xiquin, chatz'apij ri e qui bak'wäch, rech man quecuin ta queca'yic, mawi quech'obonic, rech man quetzelej ta wuc' quecunataj ta c'u ne.”

1 Timoteo 6:12

Chatija' a k'ij che ri utzalaj ch'o'j re ri cojonic. Chachapa' ri c'aslemal ri man cäq'uis taj. Che c'u wa' xatsiq'uix wi aretak xak'alajisaj ri utzalaj a cojonic chquiwäch e q'ui winak ri xquita' ri a tzij.

Ri Isaiy 29:10

U takom c'u bic ri Ajawaxel jun nimalaj waram piwi'. Ri e k'axal tzij e are' ri e u bak'wäch ri tinimit, are' c'u ri Ajawaxel u ch'ukum ruc' jun ch'ukubal.

1 Pedro 5:10

Are c'u ri Dios cuban na tz'akat chiwe, quixucowirisaj na, cuya' na i chuk'ab, xukuje' quixutac'aba' na. Are ri' ri Dios ri cäbanow ronojel u wäch tok'ob xukuje' ri xixsiq'uin che ri junalic u juluwem pa ri Crist.

Efesios 1:11

Pa ri are' c'ut uj uxinak echbenelab, uj c'utum ulok jas ri u cholajil ri u chomanic ri quebuban conojel ri jastak jas ri kas u beya'l ri u rayibal.

Hebreos 10:32

Chenataj ba' chiwe ri k'ij ri e oc'owinak, aretak ic'amowam chic ri chäj, xitij i chuk'ab xukuje' xich'ij q'ui c'axc'olil.

1 Tesalonicenses 2:12

Xixkabochi'j chi quixbinic jas ri takal che jun ri terenel ri Dios. Are' ri Dios xixsiq'uinic rech ix jun pa ri rajawibal xukuje' pa ri u juluwem.

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

Ri Isaiy 32:3

Sibalaj jaktal ri qui bak'wäch, sibalaj queboc na il che tatabenic;

Ri Tit 2:13

chi cäkeyej na ri juluwemalaj u petic ri nimalaj ka Dios xukuje' ri ka Colonel Jesucrist, nim u k'ij cäpetic. Are wa' ri ka quicotemal xukuje' ri cu'lbal ka c'u'x.

2 Tesalonicenses 2:16

Ri Kajaw Jesucrist xukuje' ri Dios ka Tat xujulok'ok'ej, xuya' cu'bisabal ka c'u'x ri man cäq'uis taj, xuya' utzalaj cu'lbal ka c'u'x rumal ri u tok'ob.

1 Tesalonicenses 5:8

Ri uj c'ut ri uj re ri sakil, chkachomaj jas cäkabano. Chkacojo' ri ka cojonic xukuje' ri lok'ok'ebal ka c'u'x jas ri ajch'o'j cucoj atz'iak re ch'ich' pa ri ch'o'j, che u to'ic ri uwo u c'u'x. Chkacu'bisaj ka c'u'x chi cujcolotaj na, chkacojo' ba' jas ri ajch'o'j cucoj to'bal u jolom.

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

Ri Matey 13:15

Are c'u ri canima' we winak ri' xcowiric, man cäcaj taj quetan cuc' ri qui xiquin, xequitz'apij ri qui bak'wäch, rech man queca'y taj cuc' ri qui bak'wäch, rech man cäquita' taj cuc' ri qui xiquin, rech man cäquich'ob taj pa ri canima', man cäquitzolk'omij ta quib, man quebencunaj ta c'ut.’

1 Pedro 3:9

Mitoj etzelal che u q'uexel etzelal. Aretak quixyok'ic, mitoj u q'uexel ri yok'obal iwe. Xane' chitewichi'j ri quixyok'owic. Che wa' xixsiq'uix wi, che rechbexic tewichibal.

Hebreos 6:4

Chque c'ut ri c'o jumul xquic'am ri sakilal, quinaom c'ut ri cochinic ri u yo'm ri Dios, xquita' c'ut u tzijol ri Ruxlabal ri Dios,

Colosenses 3:15

Chiya' ba' che ri u jamaril ri Crist chajawin pa tak ri iwanima', xukuje' xixusiq'uij c'ut rech quiban xa' jun cuerp; xukuje' chiya' ta c'u xmaltioxinic.

Colosenses 1:23

we kas co ix tac'al pa ri i cojonic, man quiya' ta canok, we kas cu'l i c'u'x chrij ri tzij re colobal ib ri i tom, man cuban ta quieb i c'u'x. Are utzalaj tak tzij wa' cätzijox pa tak ronojel c'olbal cho ri uwächulew. Ri in, in Pawl in cojom che patanijic.

Colosenses 1:5

rumal rech ri eyebal c'uxaj chrij ri c'olom chiwe pa ri caj. I tom chi c'u wa' rumal ri tzij re kastzij, are wa' ri kastzij re colobal ib.

Efesios 2:12

Chnataj chiwe chi ojer canok man c'o ta ri Crist iwuc', man c'o ta iwe chque ri winak aj Israel, man c'o ta iwe che ri e u c'ulwächinic ri Dios mawi che ri e u chi'm. Xak ix c'o cho ri uwächulew, man c'o ta can ri Dios pa iwanima' mawi c'o cu'bisabal i c'u'x.

Gálatas 5:5

Are c'u ri uj, rumal ri Uxlabaxel xukuje' rumal ri cojonic, c'o ri keyebal c'u'x chi cujsuq'uiritaj na.

Ri Isaiy 29:18

Pa ri k'ij ri' ri e t'oyab quecuin na quetanic aretak cäsiq'uix jun wuj chi qui xiquin, xukuje' ri moyab queca'y na, quebel na chupam ri k'ekumalil xukuje' ri räxcanacojil.

1 Pedro 1:3

Chnimarisax u k'ij ri u Dios xukuje' ri u Tat ri Kajaw Jesucrist, rumal rech chi ri are' sibalaj xel u c'u'x chke, xuya' jun c'ac' ka c'aslemal je ta ne jun alaj ne' c'äte xalaxic, rech c'o c'aslic cu'lbal ka c'u'x rumal ri u c'astajic ri Jesucrist chquixo'l ri cäminakib,

Hechos 16:14

C'o jun chuchu' Lidiy u bi', are ajc'ay utzalaj tak atz'iak re morato re ri tinimit Tiatir, ri cuk'ijilaj ri Dios. Ri are' xutatabej ri tzij. Ri Ajawaxel xujak ri ranima' che u cojic ri tzij ri xubij ri Pawl.

Filipenses 3:14

che ri opanem jawije' c'o wi ri etal quinch'äc c'ut ri tojbal ri quinusiq'uij ri Dios che u c'amic jun c'ac' c'aslemal rumal ri Crist Jesus.

Ri Job 42:5

In wetamam wäch la xa' rumal ri u ta'ic tzijol la, are c'u ri camic quinwil la cuc' ri kas e nu bak'wäch.

Ri Isaiy 11:2

Ri ruxlabal ri Ajawaxel cäjeki' na amak'el puwi', cuya' c'u na u no'j, c'oxomanic, utzalaj chomanic, chuk'ab, etamanic xukuje' u ya'ic u k'ij ri Ajawaxel.

Marcos 10:17

Aretak benam re ri Jesus, xpe jun achi cäxiq'uinic, xxuqui' chuwäch, xuta' che: “Utzalaj Ajtij, ¿jas quinban che rechbexic ri junalic c'aslemal?”

Romanos 2:4

At cawetzelaj u wäch ri rutzil ri man q'uisel taj ri u cuyunic, xukuje' ri u coch'onic ri Dios, man c'u cach'ob taj chi kas are' ri rutzil cätajin catc'amow bic che a k'axexic ruc'.

Romanos 11:29

Ri Dios man c'u q'uex ta u c'u'x chi u cha'om jun xukuje' u tewichi'm ri winak, man cuq'uex ta ri u chomanic.

Colosenses 1:12

Ruc' quicotemal quinmaltioxin che ri Tataxel, rumal rech chi u yo'm chke chi cäkac'am ke ri echbal ri cuya' chque ri tastalic tak cojonelab ri e c'o pa ri sakil.

Colosenses 1:27

Ri xraj wi ri Dios u ya'ic retamaxic ri u k'inomal ri u juluwem we awatalic ri' chquixo'l ri man aj judeyib taj; are Crist wa' pa ri ix, ri cu'lbal i c'u'x che ri juluwem.

Colosenses 2:2

Quintij nu k'ij rech ri e are' caquic'am chajin anima' chupam ri canima', rech quejunataj chupam ri lok'ok'ebal c'uxaj quek'inomar c'ut ruc' jun tz'akatalaj etamanic ri cuya' chque chi cäquich'ob ri awatalic rech ri Dios, ri kas are' ri Crist,