Chapletajic 9:20 - Quiché Bible

²⁰ Ri Noe xux ajticonijel, are' ri nabe ri xticow uva.

Chapletajic 9:20 Referans Kwoze

Ri Tzijonel 5:9

¡U q'uiyem ri ulew cuchi'x c'u wa' are c'u wa' ri u c'olem ri ajawinel che u patanixic ri ulew!

E C'ambal tak Tzij 24:30

Xinoc'ow chupam ri rulew ri sak'or xukuje' xinoc'ow chupam ri u ticbal uva ri man c'o ta u tzantzak'or:

E C'ambal tak Tzij 12:11

Ri cuchacuj ri rulew tz'ebem ri cutijo; ri con quebuban jastak ri man c'o ta quechbex chque.

E C'ambal tak Tzij 10:11

Ri e u tzij ri suc' e u q'uiyibal c'aslemal, are' c'u ri banal etzelal cäjik'isaxic rumal u banic tokinic.

U Camulixic ri Pixab 28:30

Cach'ic k'ij che ri a c'ulanem, jun chi c'u wi ri cäwar ruc' ri catec'ulan wi; cayac jun awachoch, man catc'oji' ta na chupam; quebatic uva man cawechbej ta ri qui wäch;

U Camulixic ri Pixab 20:6

We c'u ne c'o jun chiwe e u ticom can uva ri c'ä maja' cuyac ri qui wäch, tzelej cho rachoch mäcäm ne can pa ri ch'o'j, jun ta chi c'ut wi ri cäyacow ri qui wäch ri uva.

Chapletajic 5:29

ri xucoj Noe che u bi', xubij c'ut: “Ri Ajawaxel xuc'okoj ri ulew, sibalaj c'u c'ax cäkarik che u josk'ixic; cujuto' c'u na we ac'al ri' rech cujuxlanic.”

Chapletajic 4:2

Xalax chi c'u ri Abel u chak' ri Cain. Ri Abel xebutic chij, are c'u ri Cain xutic u wäch ri ulew.

Chapletajic 3:23

Rumal ri' ri Ajawaxel xresaj bic ri achi pa ri ticonijibal ri c'o pa Eden, xutak che u tiquic u wäch ri ulew ri esam wi'.

1 Corintios 9:7

¿La c'o ta lo jun ajch'o'j ri ma ta cätojic? ¿La c'o ta lo jun cutic uva, ri ma ta cutij re ri u wächinic? ¿La c'o lo jun ri quebuyuk'uj ri q'uisic', ri ma ta cutij re ri leche ri cäquiya'o?

Bixonic Tak 1:6

Mixoc il chwe chi in räxbak'alic, mawi chi c'atisam ri nu tz'umal rumal ri k'ij. Ri e nu xibal xeboyowar wuc', xinquicoj c'u che qui chajixic ri ticbal tak uva, ¡Are c'u ri kas nu ticbal uva man xinwilij ta chic!

Chapletajic 9:19

E are' tak wa' ri e u c'ojol ri Noe, cumal c'ut ri e rija'lil xpok'colij chi jumul ri uwächulew.

Chapletajic 9:21

C'o jun k'ij ri Noe xutij ri u wa'l uva, xk'abar c'ut. Xtzakic, xch'ani c'ut pa u niq'uiajil ri u lic'om rachoch.