Chapletajic 8:22 - Quiché Bible

²² “Joropa' k'ij ri cäjeki' ri uwächulew, kas amak'el c'o wi ticonijic xukuje' wächinic; cuban na k'ak', cuban na tew, cuban na k'alaj, cuban na sak'ij, cuban na pa k'ij, cuban na chak'ab.”

Chapletajic 8:22 Referans Kwoze

Santiago 5:7

Are c'u ri ix wachalal, chiweyej na c'ä cäpe na ri Ajawaxel. Je jas ri ajchac cäreyej na ri u wächinic ri u tico'n. Cäreyej na c'ä cäpe na ri nabe tak jäb xukuje' ri q'uisbal tak jäb.

Ri Jeremiy 5:24

Man xechoman taj mawi xquibij taj: Nim kila' wi ri Ajawaxel ri ka Dios, ri cuya' ri ka jäb pa ri u k'ijol ri cäkaj atam xukuje' ri cäkaj matam, chupam c'ut ri nabe tak ic' re ri junab cuya' chke ri u yaquic ri qui wächinic tak ri kulew.

Ri Jeremiy 31:35

Ri Ajawaxel, ri xucoj ri k'ij rech catunun pa k'ij xukuje' ri ic' xukuje' tak ri ch'imil rech quetunun chak'ab, ri cabanowic chi cuyujula' rib ri plo xukuje' chi quejinin tak ri rekbala', ri cabinax Ajawaxel ri c'o ronojel u cuinem, je cubij wa':

Elem 34:21

Wakib k'ij chixchacunok, pa ri uwuk k'ij chixuxlanok, pune' pa u k'ijol ticonijic o pa u k'ijol k'atoj.

Chapletajic 45:6

Quieb junab chic u banom wi'jal pa ri ulew. C'ä c'o c'u na job junab ri man c'o ta wächinic cuya' ri ulew pune' cäban ticonijic.