Chapletajic 8:20 - Quiché Bible

²⁰ Xuban c'ut ri Noe jun porobal ri che u ya'ic u k'ij ri Ajawaxel. Xebuc'am awaj xukuje' chicop ri c'o qui xic' ri e ch'ajch'oj jujun che jujun qui wäch, xebuporoj che tabal tok'ob ri quechajirisaxic chuwäch ri Ajawaxel.

Chapletajic 8:20 Referans Kwoze

Romanos 12:1

Jeri' wachalal, quixinbochi'j pa ri u tok'ob ri Dios chi quijach ri i cuerp pa u k'ab ri Dios, che jun tabal tok'ob cho ri Dios, jun tastalic sipanic, ri c'aslic, ri cäkaj chuwäch ri Dios. Are wa' ri kas k'ijilanic ri quiya' che ri Dios.

Chapletajic 22:9

Aretak xebopan pa ri c'olbal ri u bim ri Dios, ri Abraham xuban ri porobal, xuban u banic ri si' puwi' ri porobal, xuyut ri u c'ojol xuya' puwi' ri si' ri c'o puwi' ri porobal;

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.

Hebreos 13:10

Jun chi wi ri tabal tok'ob kech uj, ri man ya'tal ta chque ri cojol tak tabal tok'ob re ri k'ijilabal chi cäquitij ta quech.

Elem 10:25

Ri Moises xubij che: “Man je ta wa' cäbanic, xane' xukuje' ri lal quebe ya' na la bic ri awaj ri quebekaya' che tabal tok'ob xukuje' ri quekaporoj che u ya'ic u k'ij ri Ajawaxel ri ka Dios.

Chapletajic 35:7

Xuban jun porobal chila', xucoj “El-Betel” che u bi' we c'olbal ri', chila' c'ut xuc'ut wi rib ri Dios chuwäch aretak xanimaj chuwäch ri Esau.

Chapletajic 35:1

Ri Dios xubij che ri Jacob: “Chatwalijok, chatpakal pa Betel, chatc'ol chila'. Chabana' jun porobal chila' che u k'ijlaxic ri Dios ri xuc'ut rib chawäch aretak xatanimaj chuwäch ri awachalal Esau.”

Chapletajic 33:20

Xuyac c'u jun porobal ri u bi' xucojo “El-Elohe-Israel.”

Chapletajic 26:25

Ri Isaac xuban jun porobal chila' xuya' c'ut u k'ij ri Ajawaxel. Xjeki' c'u pa ri c'olbal ri', ri e pataninel tak rech xquic'ot jun c'ua'.

Chapletajic 13:18

Je c'u ri', ri Abram xuwalijisaj bic ri u lic'om rachoch, xejekel pa ri c'ache'laj aj räx che' ri rech jun achi Mamre u bi', chunakaj ri tinimit Hebron. Chila' xuyac wi jun porobal che u ya'ic u k'ij ri Ajawaxel.

Chapletajic 13:4

Are c'olbal wa' ri xuyac wi can jun porobal nabe, chila' c'ut xutz'onoj wi tok'ob pa ri u bi' ri Ajawaxel.

Chapletajic 7:2

Chebamajij wukub ama'ib xukuje' wukub ati'tab che ronojel awaj ch'ajch'oj, xa c'u jun ama' xukuje' xa jun ati't chque ri e tz'il.

Chapletajic 4:4

Xukuje' ri Abel xebuc'am bic jujun chque ri nabe tak cal ri e u chij ri e chomak xebuya' che tabal tok'ob chuwäch ri Ajawaxel. Ri Ajawaxel nim xril wi ri Abel, xukuje' ri u sipanic,

Chapletajic 22:2

Ri Dios xubij che: “Chac'ama' ri Isaac, ri a c'ojol ri xa jun ri sibalaj lok' chawäch, jät pa ri ulew Mor. Aretak catopan chila', chachi'j che tabal tok'ob ri cächajirisaxic puwi' jun chque ri juyub ri quinc'ut na chawäch.”

Chapletajic 8:19

Xukuje' xebel ulok conojel ri awaj ri e aj uwo ja, xukuje' ri e juyubal tak awaj, ri awaj ri cäquijururej quib, xukuje' ri chicop ri c'o qui xic'.

Ri Job 1:5

Aretak queq'uis ri k'ij re ri ula'nic, ri Job quebusiq'uij ri e u c'ojol, sibalaj c'u ak'ab cäwalijic, quebuchi'j tabal tok'ob che qui q'uexwäch chquijujunal, che qui ch'ajch'obisaxic chque tak ri qui mac. Ri Job je cuban wa' amak'el, cuchomaj c'ut chi craj ne xemacun ri e u c'ojol craj ne c'o tzij xquibij chrij ri Dios pa canima'.

Chapletajic 7:3

Xukuje' quebacojo pa ri jucub wukutak c'ulaj chque ronojel qui wäch chicop ri c'o qui xic', rech man cäsach ta qui wäch we awaj ri' cho ri uwächulew.

Elem 29:18

Chachi'j c'u ri ama' chij puwi' ri porobal, jacha' tabal tok'ob ri cächajirisaxic che u ya'ic u k'ij ri Ajawaxel, jacha' sipanic porom ri cäc'oc'atic.

Elem 29:25

Chebac'ama' c'ut pa qui k'ab, chaporoj puwi' ri porobal cärachilaj ri tabal tok'ob ri cächajirisaxic ri cäc'oc'at chuwäch ri Ajawaxel. Sipanic wa' ri porom che u ya'ic u k'ij ri Ajawaxel.