Chapletajic 7:1 - Quiché Bible

¹ Chwi' chi c'ut ri Ajawaxel xubij che ri Noe: “Chquixo'l conojel ri winak re we k'ijol ri', xuwi ri at a banom ri nu rayibal. Rumal ri' chatoc chupam ri jucub quebawachilaj ri e awachalal.

Chapletajic 7:1 Referans Kwoze

Chapletajic 6:9

Are wa' ri u tzijobelil ri Noe. Ri Noe are' ri jun achi ri utz, ri amak'el nimaninak che ri Dios. Chquixo'l conojel ri winak pa tak ri k'ij ri' xuwi ri are' xniman che ri Dios.

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

Chapletajic 7:13

Kas pa ri k'ij ri' xoc ri Noe pa ri jucub e rachil ri Sem, Cam, Japet ri e u c'ojol, ri rixokil xukuje' ri e oxib ralib.

1 Pedro 3:20

E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.

Hechos 2:39

We chi'nic ri' chech alak xchi'x wi xukuje' chque ri e alc'ual alak, xukuje' chque conojel ri e c'o naj ri u bixic, chque conojel jachin tak ri quebusiq'uij ri Ajawaxel ri ka Dios.”

Ri Lucax 17:26

Jas ri xc'ulmax pa tak ri u k'ij ri Noe, jeri' xukuje' cäc'ulmax na pa tak ri u k'ij ri Rija'l Winak.

Ri Soponiy 2:3

Chitzucuj ri Ajawaxel iwonojel ix ri imach'om iwib ri ix aj we uwächulew ri', ri quebinimaj tak ri e u takomal. Chicolomaj iwib xukuje' chi mach'a' iwib we je qui ban wa' craj ne quirik to'bal iwib pa ri k'ij ri cäpe ri nimalaj royowal ri Ajawaxel.

E C'ambal tak Tzij 14:26

Ri u ya'ic u k'ij ri Ajawaxel cuya' jun jicalaj eyebal c'uxaj chque ri alc'ualaxelab rech man c'o ta caquic'ulmaj.

Chapletajic 7:7

Ri Noe rachil ri rixokil, ri e u c'ojol xukuje' ri quixokil, xeboc pa ri jucub chuto'ic quib chuwäch ri k'ekal jäb.

E C'ambal tak Tzij 18:10

Ri u bi' ri Ajawaxel are' jun tac'atic ja ri sibalaj nim u cuinem, ruc' c'u quebopan wi ri e suc'ab che u tzucuxic to'bal ib.

E C'ambal tak Tzij 10:9

Ri man c'o ta jubik' subunic cubano, man c'o ta jas cuxe'j wi rib; ri quieb u wäch u be, etzelal cuq'uisa' wi na u wäch.

Ri Lucax 1:6

Ri Zacariy ruc' ri Elisabet e suc' chuwäch ri Dios. Cäquinimaj ronojel ri u takanic ri Ajawaxel. Cäquinimaj ronojel ri pixab. Man c'o ta etzelal xriktaj chquij.

Ucab Samuel 22:24

In bininak colom chuwäch; nu najtajisam wib che ri etzelal.

Ri Ezequiel 14:14

We c'u jekel ri Noe, ri Danel xukuje' ri Job pa we ulew ri', xuwi ta ri e are' oxib queto'tajic rumal rech chi e suc'. In, ri Ajawaxel, quinjiquiba' u bixic.

Chapletajic 6:18

Awuc' c'u at quinjekeba' wi ri nu c'ulwächinic, queboc na ri e a c'ojol pa ri jucub, ri awixokil, ri e awalib xukuje' ri at.