Chapletajic 47:28 - Quiché Bible

²⁸ Ri Jacob xc'asi' chi na wuklajuj (17) junab pa Ejipt. Xtz'akat c'u na jun sient ruc' cawinak wukub (147) u junab.

Chapletajic 47:28 Referans Kwoze

Salmib 90:10

E oxc'al lajuj (70) ri junab ri cujc'asi'c, ri c'o na qui chuk'ab, quec'asi' jumuch' junab; are c'u ri banoj nimal chi naj cac'asi' jun xuwi quebuc'am ulok yabal tak latz' xukuje' rikoj c'ax. Ri junab aninak queboc'owic, xukuje' c'u ri uj.

Salmib 119:84

¿Joropa' lo k'ij quinweyej chi na? ¿Jampa' cäk'at la tzij paquiwi' ri in quiterenem pa wakan?

Salmib 90:12

C'utu' la chkawäch ri tz'akatalaj cajilaxic tak ri ka k'ij, rech ri ka chomabal curik no'j.

Chapletajic 37:2

Are wa' ri u tzijobelil ri rija'lil ri Jacob. Ri Jose aretak wuklajuj (17) chic u junab, are jun cuc' ri rachalal che qui yuk'uxic ri chij, ri e ral ri Bil xukuje' ri e ral ri Zilp, xukuje' ri man e kas ta rixokil ri u tat. Ri Jose cubij che ri u tat ri etzelal ri cäquiban ri rachalal.

Ri Esdras 2:38

ri e re ri Pasur, e jun mil quieb sient ruc' cawinak wukub (1,247);

Chapletajic 25:7

Ri Abraham xc'asi' jun sient ruc' oxc'al olajuj (175) junab chi ronojel,