Chapletajic 46:5 - Quiché Bible

⁵ Xel c'u bic ri Jacob pa Beerseb. Ri e u c'ojol ri Israel xquiya' ri qui tat xukuje' tak ri alc'ualaxelab xukuje' tak ri quixokil chquipam tak ri cäret ri xebutak ulok ri ajawinel che qui c'amic bic.

Chapletajic 46:5 Referans Kwoze

Chapletajic 45:21

Ri e u c'ojol ri Israel je xquibano jas ri xbix chque. Ri Jose xebusuc'umaj ri caret jas ri takanic ri xuya' ri ajawinel, xukuje' xuya' bic ri qui wa ri cäquitij pa ri be;

Chapletajic 45:19

Chaya' takanic chque chi waral, pa Ejipt, chequic'ama' bic caret che qui c'amic ulok ri quixokil xukuje' ri ac'alab xukuje' c'u ne ri i tat ix. Chepetok.

Chapletajic 45:27

Ri e are' xquiya' u bixic che ri qui tat ronojel ri xubij ri Jose chque, xukuje' xequic'ut ri caret ri xebutak ulok ri Jose che u c'amic bic, sibalaj c'u xquicotic.

Elem 10:26

Xukuje' ri kawaj quebe na kuc'. Mawi jun awaj cäcanaj canok, quekacha' c'u na jujun chquixo'l ri quekaya' che u ya'ic k'ijilanic che ri Ajawaxel. Cujopan c'u na chila' c'äte ri' caketamaj jachique ri quebajwataj chke che u ya'ic u k'ij ri Ajawaxel.”

Elem 10:24

Ri ajawinel xutak u siq'uixic ri Moises, xubij che; “Jix che u k'ijilaxic ri Ajawaxel, chebic'ama' bic ri iwalc'ual, chebiya' c'u can ri i chij xukuje' tak ri i wacax.”

Hechos 7:15

Xak jeri' xejekel ri Jacob pa Ejipt. Chila' xcäm wi. Xukuje' ri e ka mam xecäm chila'.

Chapletajic 21:14

Sibalaj ak'ab chucab k'ij, ri Abraham xuya' bic wa che ri Agar xukuje' jun c'olbal ja' re tz'um nojinak che ja'; xuya' bic cho rachak, xujach c'u bic ri Ismael pa u k'ab. Quiwil iwib xcha' bic chque. Xbe ri Agar, pa ri chaki'j uwo sak re Beerseb, man reta'm ta c'ut jawije' cäbe wi.

Nabe Samuel 12:8

Aretak ri Jacob xukuje' ri e rija'lil xekaj bic pa Ejipt, ri e i mam xetzujun chuwäch ri Ajawaxel, ri are c'u ri are' xutak ri Moises xukuje' ri Aaron, ri xebesan ulok ri e i mam xixquijekeba' c'ut pa we c'olbal ri'.