Chapletajic 46:1 - Quiché Bible

¹ Ri Israel xutakej ri u be ruc' ronojel ri c'o ruc'. Aretak xopan pa Beerseb, xucoj tabal tok'ob chuwäch ri u Dios ri Isaac ri u tat.

Chapletajic 46:1 Referans Kwoze

Chapletajic 31:42

We ta c'u ma ta c'o ri u Dios ri Abraham wuc', ri Dios ri xuk'ijilaj ri nu tat Isaac, xak ta e nu k'alum ri' ri quieb nu k'ab xinesaj la ulok. Rilom c'u ri Dios ri nu bis, xukuje' rilom chi utz elinak ri nu chac, rumal ri' xyaj la rumal ri Dios chak'ab iwir.”

Chapletajic 28:13

Xukuje' cärilo chi tac'al ri Ajawaxel pa u xc'ut, xubij c'u che: “In ri' ri Ajawaxel ri u Dios ri a mam Abraham xukuje' ri a tat Isaac. Chawe at xukuje' chque ri e awija'lil quinya' wi na ri ulew ri at k'oyol wi.

Chapletajic 28:10

Xel bic ri Jacob pa Beerseb, xumajij c'u ri be ri cäbe pa Aran.

Chapletajic 21:33

Chila' pa Beerseb ri Abraham xutic juwi' che, jun tamarin, xuya' c'u u k'ij ri u bi' ri Ajawaxel, ri junalic Dios.

Chapletajic 21:31

Rumal ri' xcoj Beerseb che u bi' we c'olbal ri', chila' c'ut xcan wi jun chi'nic ri kas cäban na qui cabichal.

Chapletajic 21:14

Sibalaj ak'ab chucab k'ij, ri Abraham xuya' bic wa che ri Agar xukuje' jun c'olbal ja' re tz'um nojinak che ja'; xuya' bic cho rachak, xujach c'u bic ri Ismael pa u k'ab. Quiwil iwib xcha' bic chque. Xbe ri Agar, pa ri chaki'j uwo sak re Beerseb, man reta'm ta c'ut jawije' cäbe wi.

Ri Job 42:8

Chebic'ama' wukub ama'ib tak wacax xukuje' wukub ama'ib tak chij jix c'u che rilic ri Job ri pataninel wech, chebichi'j c'ut jacha' che tabal tok'ob ri quechajirisaxic che i q'uexwäch. Ri Job ri pataninel wech cabochi'n na piwi', quinc'amowaj c'u na ri u bochi'nic man c'o ta c'u jun c'ax quinban na chiwe, pune' c'u takal chiwe rumal rech chi man xibij taj ri kastzij chwij, jacha' ri xuban ri Job ri pataninel wech.”

Ri Job 1:5

Aretak queq'uis ri k'ij re ri ula'nic, ri Job quebusiq'uij ri e u c'ojol, sibalaj c'u ak'ab cäwalijic, quebuchi'j tabal tok'ob che qui q'uexwäch chquijujunal, che qui ch'ajch'obisaxic chque tak ri qui mac. Ri Job je cuban wa' amak'el, cuchomaj c'ut chi craj ne xemacun ri e u c'ojol craj ne c'o tzij xquibij chrij ri Dios pa canima'.

Nabe Samuel 3:20

Ronojel c'u ri Israel cächapletaj pa Dan queq'uis c'a pa Beerseb, xretamaj chi ri Samuel kas are jun k'axal u tzij ri Ajawaxel.

Chapletajic 35:7

Xuban jun porobal chila', xucoj “El-Betel” che u bi' we c'olbal ri', chila' c'ut xuc'ut wi rib ri Dios chuwäch aretak xanimaj chuwäch ri Esau.

Chapletajic 35:3

Chixwalijok, chujpakal pa Betel; chila' quinbana' wi na jun porobal che u k'ijlaxic ri Dios ri xinuto' aretak in in ch'ibatajinak, c'olinak c'u wuc' pa apachique c'olbal ri in c'olinak wi.”

Chapletajic 33:20

Xuyac c'u jun porobal ri u bi' xucojo “El-Elohe-Israel.”

Chapletajic 31:53

Ri u Dios ri a mam Abraham, ri u Dios ri nu mam Nacor, chuk'ata' tzij pakawi'.” Are c'u ri Jacob xuban ri chi'nic ri kas cäban na pa ri u bi' ri Dios ri xuk'ijilaj ri Isaac ri u tat.

Chapletajic 22:13

Ri Abraham xtaki' apan u wäch xril jun chij ri ralital ri ruc'a' pa jun patzäpic k'ayes; xuc'ama' ri chij, xujach che tabal tok'ob ri cächajirisaxic che u q'uexwäch ri u c'ojol.

Chapletajic 12:8

Xbextax c'ut pa ri c'achelajalaj ulew ri c'o pa elebal k'ij che ri tinimit Betel, chila' c'u xuwoc wi ri u lic'om rachoch. Ri Betel xcanaj pa ri u kajebal k'ij che ri u lic'om rachoch, are c'u ri tinimit Hai xcanaj pa elebal k'ij. Ri Abram xuban chi jun porobal chila' ri xutz'onoj wi tok'ob pa ri u bi' ri Ajawaxel.

Chapletajic 8:20

Xuban c'ut ri Noe jun porobal ri che u ya'ic u k'ij ri Ajawaxel. Xebuc'am awaj xukuje' chicop ri c'o qui xic' ri e ch'ajch'oj jujun che jujun qui wäch, xebuporoj che tabal tok'ob ri quechajirisaxic chuwäch ri Ajawaxel.

Chapletajic 4:4

Xukuje' ri Abel xebuc'am bic jujun chque ri nabe tak cal ri e u chij ri e chomak xebuya' che tabal tok'ob chuwäch ri Ajawaxel. Ri Ajawaxel nim xril wi ri Abel, xukuje' ri u sipanic,

Hechos 7:15

Xak jeri' xejekel ri Jacob pa Ejipt. Chila' xcäm wi. Xukuje' ri e ka mam xecäm chila'.

Chapletajic 45:28

Xubij c'ut, “¡Cuban ri retamaxic chwe chi c'ä c'asal ri nu c'ojol Jose! Quinbe che rilic c'ä mäjok chincämok.”

Ri Amos 7:9

Ri e u k'ijilabal ri Isaac quesachisax na qui wäch, xukuje' ri cak'ijilan wi tak ri Israel queyojyobitaj canok. ¡Quinwalijisaj na ri ch'ich' re ch'o'j che qui cämisaxic tak ri e ralaxic ri Jeroboam!”

Ri Josue 24:4

Xinya' c'u quieb u c'ojol ri Isaac, ri Jacob xukuje' ri Esau. Xinya' c'ut ri c'ache'laj ulew che ri Esau ri rech can ri Seir, are' c'u ri Jacob xukuje' tak ri e u c'ojol xebe pa Ejipt.

Nabe Samuel 8:2

Ri nabe u c'ojol Joel u bi' xukuje' ri Abiy ri ucab u c'ojol, e k'atal tak tzij pa Beerseb.