Chapletajic 44:15 - Quiché Bible

¹⁵ Ri Jose xubij chque: “¿Jas ri i banom? ¿La ma ta iweta'm chi jun achi jas ri in reta'm cäch'obonic?”

Chapletajic 44:15 Referans Kwoze

Elem 32:1

Xquil c'u ri aj israelib chi, xbeytaj ri Moises che ri u kajic ulok puwi' ri juyub, xquimulij quib chrij ri Aaron, xquibij che: “Chatwalijok, chebabana' ka diosib ri cäc'amow ka be, ri Moises ri xujesan ulok pa Ejipt, man keta'm taj jas ri xuc'ulmaj.”

Chapletajic 39:8

Man xraj taj ri Jose, xutzelej c'u u bixic che: “Chilampe la, ri wajaw u jachom ronojel ri jastak rech pa nu k'ab, man c'o ta chi jas coc wi il pa ri rachoch.

Chapletajic 21:26

Ri Abimelec xubij che: “Man yo'm ta u bixic wa' chwe, man nu tom ta in. Mawi jubik' weta'm jachin xbanow wa'.”

Chapletajic 4:10

Ri Ajawaxel xubij che ri Cain: “¿Jas ri xaban che ri a chak'? Ri u quiq'uel ri a chak' ri xatix cho ri ulew, curak u chi' cuta' chwe chi quinc'äjisaj a wäch.

Chapletajic 3:13

Ri Ajawaxel Dios xuc'ot chi u chi' ri ixok, xubij che: “¿Jas ri a banom?” Ri ixok xubij che ri Dios: “Xinusub ri cumätz, rumal ri' xintij ri u wäch ri che'.”

Chapletajic 44:16

Ri Juda xubij che ri Jose: “¿Jas ta ba' ri cäkabij chic che la? ¿Jas ta chic ri cäkatobej kib? Uj u rikom ri Dios pa ri ka mac. Uj c'olic ri', chujcojo' la che lok'om tak pataninel la, junam ruc' ri xriktaj wi ri lak.”