Chapletajic 43:21 - Quiché Bible

²¹ aretak xujopan pa ri c'olbal ri xujwar wi, chkajujunal xekajak u wi' ri ka coxtar, xekarik ri ka rajil puwi' tak ri ka coxtar. Tz'akat ri ka rajil e c'o puwi'. E ka c'amom c'u ulok che quitzelexic,

Chapletajic 43:21 Referans Kwoze

Chapletajic 43:12

Chicamulij u c'amic bic ri rajil ri trico, chijacha' pa u k'ab ri tata' ri xtzalen ulok chiwe; we ne xa xesachic.

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.

1 Pedro 2:12

Ronojel utz chibana' chquixo'l ri man cojonelab taj. Jeri', pune' cäquiyac tzij chiwij je jas chquij banal tak etzelal, cäquil ri utzalaj tak chac ri quibano, cäquinimarisaj c'u u k'ij ri Dios pa ri k'ij aretak chuta' chke jas ri ka banom.

Hebreos 13:18

Chibana' ch'awem ruc' Dios pakawi'. Kas cäkana' pa ri kanima' chi man c'o ta etzelal ka banom. Cäkaj c'ut chi utz cujbin pa ronojel.

Hebreos 13:5

Milok'ok'ej ri puak, chubana' chiwe ri c'o iwuc'. U bim c'u ri Dios: Man catintzokopij ta canok mawi catinya' canok.

Romanos 13:8

Mäc'oji' i c'as ruc' jun, xane' chilok'ok'ela iwib. Apachin c'u ri culok'ok'ej ri rajil u tz'akat, are ri' kas u tz'akatisam ri pixab.

Romanos 12:17

we cäban etzelal chiwe, mitoj u q'uexel ruc' etzelal. Are chicojo' i chuk'ab che u banic utzil chquiwäch conojel ri winak.

Chapletajic 43:15

Ri e u c'ojol tak ri Jacob xquic'am bic ri sipanic, xquicamulij u c'amic bic ri puak, xukuje' xquic'am bic ri Benjamin, xebe c'u pa Ejipt. Aretak xebopan chuwäch ri Jose,

Chapletajic 43:20

Xquibij c'u che: “¡Tok'obisaj la ka wäch, Tat!, xujpe can nabe che u lok'ic ka trico,

Chapletajic 43:22

xukuje' e ka c'amom chi ulok niq'uiaj ka rajil che u lok'ic ri ka trico. Man c'u keta'm taj jachin xyo'w bic ri rajil ri ka trico paquiwi' tak ri ka coxtar.”

Chapletajic 44:8

Xkac'am chi ne na ulok jumul ri puak ri xekarik puwi' tak ri ka coxtar, ¿jas ta c'u che cäkeläk'aj ulok k'an puak o sak puak pa ri rachoch ri ajaw la?