Chapletajic 42:2 - Quiché Bible

² Bim chwe chi c'o trico pa Ejipt. Jix ba' chila', jilok'o ulok ka trico che ka wa' rech cuya' cäkatakej c'aslemal.”

Chapletajic 42:2 Referans Kwoze

Chapletajic 43:8

Ri Juda xubij che ri Israel ri u tat: “We caj la chi cujc'asi'c, jacha' la bic ri ala pa nu k'ab in, rech cujbe chi jumul che u lok'ic trico. Jeri' man cujcäm taj mawi ri lal, mawi ri uj, mawi ri kalc'ual.

Ri Matey 4:4

Ri Jesus xubij che: “Tz'ibatalic: Man xuwi ta rumal ri wa cäc'asi ri winak, xane' rumal ronojel tzij ri quebel ulok chuchi' ri Dios.”

Ri Isaiy 38:1

Pa tak ri k'ij ri' xkaj ri Ezequiy che jun nimalaj yabil, are c'u ri Isaiy ri u c'ojol ri Amoz, xbe che rilic, xubij c'u che: “Cubij ri Ajawaxel: ‘Chabij canok jas ri cawaj cabij can chque ri e c'o pa ri awachoch, catcäm c'ut, man catcunataj taj.’ ”

Salmib 118:17

¡Man quincäm ta na, xane' quinc'asi' na, che u tzijoxic ri u banom ri Ajawaxel!

Chapletajic 45:9

Jix aninak che u bixic che ri nu tat: ‘Jewa' cubij ri Jose ri c'ojol la: Ri Dios in u cojom che ajaw puwi' ronojel Ejipt. Saj la che wilic. Mabey ib la.

Chapletajic 43:4

We caj la chi cäbe ri Benjamin kuc', cujbe che u lok'ic ri trico;

Chapletajic 43:2

aretak c'u xquiq'uis u tijic ri trico ri qui c'amom ulok pa Ejipt, ri Jacob xubij chi chque ri u c'ojol: “Jix chi jumul, jilok'o chi ulok jubik' ka trico.”

Hechos 7:12

Aretak c'u xretamaj ri Jacob chi c'o trico pa Ejipt, xebutak bic ri e u c'ojol, ri u bixic ri e ka mam. Are nabe qui bic wa'.

Chapletajic 42:3

E lajuj c'ut rachalal ri Jose xebe che u lok'ic trico pa Ejipt;

Salmib 33:18

Ri Ajawaxel amak'el quebuchajij ri nim quil wi cumal xukuje' ri cu'l qui c'u'x chrij ri lok'ok'ebal u c'u'x,

Salmib 33:19

che quesaxic pa ri cämical cuya' c'u qui c'aslemal pa tak ri k'ijol re wi'jal.