Chapletajic 4:4 - Quiché Bible

⁴ Xukuje' ri Abel xebuc'am bic jujun chque ri nabe tak cal ri e u chij ri e chomak xebuya' che tabal tok'ob chuwäch ri Ajawaxel. Ri Ajawaxel nim xril wi ri Abel, xukuje' ri u sipanic,

Chapletajic 4:4 Referans Kwoze

Hebreos 11:4

Rumal ri cojonic, ri Abel xuya' jun tabal tok'ob cho ri Dios ri utz na chuwäch ri re ri Cain. Rumal ri' ri Dios xuk'alajisaj chi suc' xuc'am c'ut ri u sipanic ri xebuya'o. Jeri' ri Abel, pune' cäminak chic, c'ä c'o cubij chke camic rumal ri u cojonic.

E C'ambal tak Tzij 3:9

Chebacojo' ri a k'inomal che u ya'ic u k'ij ri Ajawaxel xukuje' ri nabe tak qui wächinic ri awulew;

Elem 13:12

rajawaxic quebijach che ri Ajawaxel conojel ri e i c'ojol ri e nabeal xukuje' conojel ri nabe tak ama'ib ri quecalaj ri e i wawaj e rech c'u ri Ajawaxel.

Ajilanic 18:17

Man caya' ta c'u c'olbal chi quetor ri nabe tak cal ri ati'tab tak wacax, ri e chij tak o q'uisic' tak. Wa' e tastal chwe in, rajawaxic c'ut quebapil na; ri u quiq'uel cajamij na puwi' ri porobal, ri u xepoyil caporoj na jacha' che sipanic ri cac'oc'at ruxlab chwe.

Hebreos 9:22

Xa' co'l man conojel ri jastak rajawaxic quejosk'ix ruc' quic', jas ri cubij ri pixab, we man cäturuwisax quic', man cäsachtaj ta ri macaj.

Salmib 20:3

Chenataj conojel ri a sipanic che, chebuc'amowaj ruc' quicotemal ri e a tz'onobal tak tok'ob ri quebaporoj puwi' ri porobal.

Ucab Tzijobelil 7:1

Aretak ri Salomon xuq'uis u banic we ch'awem ri', xkaj ulok k'ak' chicaj xuporoj c'ut ri tabal tok'ob ri cächajirisaxic xukuje' tak ri e tabal tak tok'ob, are c'u ri u juluwem ri Ajawaxel xnojisan ri rachoch,

Nabe Tzijobelil 21:26

chila' c'u xuwoc wi jun c'olbal ri quechi'x wi tabal tak tok'ob che ri Ajawaxel xebuchi'j c'u tabal tak tok'ob ri quechajirisaxic xukuje' tabal tak tok'ob re utzirisan ib. Xunataj c'ut ri Ajawaxel, ri are' xutak ulok k'ak' chicaj puwi' ri tabal tok'ob ri cachajirisaxic che tzelebal u wäch ri u tzij.

Nabe Ajawinelab 18:38

Pa ri jok'otaj ri', ri u k'ak' ri Ajawaxel xtzak ulok chicaj, xuporoj c'ut ri tabal tok'ob ri cächajirisaxic, ri si', tak ne ri abaj, ri puc'uc' ulew, xukuje' xutzajtzobisaj ri ja' ri c'o pa ri u be ja'.

Aj Levitib 9:24

Xel ulok k'ak' chuwäch ri Ajawaxel, xuporoj ri awaj ri poroxic rij, xukuje' tak ri xepo ri c'o puwi' ri porobal. Aretak xquil conojel ri aj israelib xquirak qui chi' ruc' quicotemal, xquimej quib c'ä xquiya' na ri qui palaj cho ri ulew.

Chapletajic 15:17

Aretak chak'ab chic, ronojel c'ut k'ekumarinak chic, xc'utun jun jorno ri cäbukuwic, xukuje' jun k'ak' cänicowic ri coc'ow chquixo'l ri awaj ri banom catakperaj chque.

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

K'atal tak Tzij 6:21

ri aj cajalaj tako'n xunak ri ti'j, ri caxlanwa ruc' ri u wi' ri u ch'amiy ri c'o pu k'ab, xel c'u ulok k'ak' che ri abaj ri xuja'risaj ri ti'j xukuje' ri caxlanwa; xsach c'ut ri aj cajalaj u tako'n ri Ajawaxel chuwäch.

Ajilanic 18:12

Xukuje' quebenya' ri nabe tak wächinic ri quequic'am ulok ri aj israelib chwe chujunab: ri aseit ri utz na ri u wa'l uva, xukuje' ri re ri trico.

Ajilanic 16:35

Xutak c'u ne bic xukuje' ri Ajawaxel jun k'ak' ri xebucämisaj ri quieb sient cawinak lajuj achijab ri qui chi'm c'oc' k'ol.

Nabe Ajawinelab 18:24

Are' c'u ri ix chebinataj tak ri i diosib, are c'u ri in quinnataj na ri Ajawaxel, are' c'u ri Dios ri cutak ulok k'ak', are kas Dios wa'.” “¡Utz we chomanic ri'!” xcha' conojel ri tinimit.

Chapletajic 4:3

Xoc'ow ri k'ijol c'o c'u jun k'ij aretak ri Cain xuc'am bic jubik' qui wächinic ri u tico'n, xuya' che tabal tok'ob chuwäch ri Ajawaxel.

Ajilanic 16:15

Sibalaj c'u xoyowar ri Moises xubij c'u che ri Ajawaxel: “¡Mec'amowaj la ri qui sipanic! Ri in man nu tokim ta chque mawi ta ne xa jun bur, mawi c'u ne nu banom ta jun lawaloyil che jun chque.”

Nabe Samuel 15:22

Xubij c'u ri Samuel: “Are c'u sibalaj cäkaj na chuwäch ri Ajawaxel chi cänimaxic, che u q'uexwäch ri qui chi'xic tabal tak tok'ob xukuje' tak tabal tok'ob ri quechajirisaxic; are nim na u banic ri u nimaxic xukuje' ri u ya'ic xiquinaj che ri cubij che u q'uexwäch ri qui chi'xic tabal tak tok'ob xukuje' ri qui xepoyil tak ri chij.

Ri Tzijonel 4:4

Xinwilo xukuje' chi ri sibalaj u q'uisic ib che u banic ri chac xukuje' aretak utz quel jun comon chac cuwalijisala' quiäk rayinic, xukuje' c'u wa' man c'o ta u beya'l, xak lok', xukuje' xa cajwax u chapic ri quiakik'.