Chapletajic 4:2 - Quiché Bible

² Xalax chi c'u ri Abel u chak' ri Cain. Ri Abel xebutic chij, are c'u ri Cain xutic u wäch ri ulew.

Chapletajic 4:2 Referans Kwoze

1 Juan 3:15

Apachin ta ne ri cäretzelaj u wäch ri rachalal, cämisanel ri'. Iweta'm c'ut chi ronojel cämisanel man cäcuin taj cäc'oji' junalic u c'aslemal.

1 Juan 3:12

Mäkaban ke jas xuban ri Cain, ri xuya' rib pa u k'ab ri itzel, xucämisaj ri u chak'. ¿Jas c'u che xucämisaj? Rumal rech chi ri Cain xuban etzelal, are c'u ri u chak' xuban ri suc'.

Ri Lucax 11:51

Cächapletaj ulok ruc' ri u quiq'uel ri Abel, c'ä ruc' ri u quiq'uel ri Zacariy, ri xsach u wäch chuxo'l ri porobal ruc' ri k'ijilabal, je, quinbij chiwe, cätok'ix na ri qui quiq'uel conojel chque ri winak cho ri uwächulew camic.

1 Juan 3:10

Cuya' quetamatajic e jachin tak ri e ralc'ual ri Dios xukuje' e jachin tak ri e ralc'ual ri itzel: apachin ta c'u ne ri man cuban ta ri utzil, o man culok'ok'ej ta ri rachalal, man ralc'ual ta ri Dios.

Ri Xuan 8:44

Ri ix ix rech ri i tat ri itzel. Ri u rayinic ri i tat quiwaj quibano. Ri itzel cämisanel kas pa ri tiquiritajic. Man jekelinak ta pa ri kastzij, rumal rech chi man c'o ta ri kastzij ruc'. Aretak cubij banoj tzij, are cutzijoj ri jastak rech, rumal rech chi ri are' banal tzij, xukuje' ri are' u tat ri banoj tzij.

Chapletajic 47:3

Ri ajawinel xuc'ot qui chi' ri rachalal ri Jose, xubij chque: “¿Jas ri chac ri quibano?” Ri e are' xquibij: “Ri uj uj yuk'ul tak chij, uj junam cuc' ri e ka mam.

Elem 3:1

Ri Moises cätajin quebuyuk'uj ri u chij ri Jetro ri u ji', ri xukuje' cäbix Reuel che, ri cojol tabal tok'ob re Madian, xurika' c'u jun k'ij xebuc'am bic ri chij pa ri chaki'j uwo sak, xopan c'ä pa ri juyub Horeb ri cäbix u juyub ri Dios che.

Ri Amos 7:15

are' c'u ri Ajawaxel xinresaj chquij tak ri chij, xubij c'u chwe: ‘Jät chach'abej ri nu tinimit Israel pa ri nu bi'.’

Salmib 127:3

Ri e ka c'ojol ri quebalaxic, e je'lalaj tak u tewichibal ri Ajawaxel.

Chapletajic 37:13

Are c'u ri Israel cubij che ri Jose: “Ampe', ri e awachalal e c'o pa Siquem cätajin quequilij ri chij. Quinwaj chi catbe che quilic.” “Ruc' ronojel wanima' quinbec,” xcha' ri Jose.

Chapletajic 9:20

Ri Noe xux ajticonijel, are' ri nabe ri xticow uva.

Chapletajic 3:23

Rumal ri' ri Ajawaxel xresaj bic ri achi pa ri ticonijibal ri c'o pa Eden, xutak che u tiquic u wäch ri ulew ri esam wi'.

Ri Lucax 11:50

Jeri' ri qui quiq'uel conojel ri k'axal tak tzij ri tixinak ulok kas pa ri u tiquiritajic ri uwächulew cätok'ix na chque ri winak cho ri uwächulew camic.

Chapletajic 4:1

Ri Adan, ri Eva xcuc'aj quib, xc'oji' c'u ri Cain ri qui nabeal, xubij ri Eva: “Ri Ajawaxel u yo'm jun wal ala.”

Chapletajic 4:3

Xoc'ow ri k'ijol c'o c'u jun k'ij aretak ri Cain xuc'am bic jubik' qui wächinic ri u tico'n, xuya' che tabal tok'ob chuwäch ri Ajawaxel.