Chapletajic 39:3 - Quiché Bible

³ Ri Potipar xuch'obo chi ri Ajawaxel ri c'o ruc' ri Jose are cäbanowic chi ronojel ri cubano, utz quelic.

Chapletajic 39:3 Referans Kwoze

Salmib 1:3

Ri winak ri' junam ruc' juwi' che' ri tiquil chuchi' jun nima', ri cuya' u wächinic pa ri u k'ijol ri mawi jubik' quechaki'jar ta ri u xak. ¡Ronojel ri cubano, utz quelic!

Chapletajic 30:27

Xutzelej c'u u bixic ri Laban che: “Chabana' tok'ob, chatcanaj canok wuc'. In cuininak che retamaxic rumal ch'obonic chi ri Ajawaxel in u tewichi'm rumal awech.

Ri Matey 5:16

Jewa' chtunun ri i chäj chquiwäch ri winak, rech quequil ri utzalaj tak i chac, cäquinimarisaj c'u u k'ij ri i Tat ri c'o pa ri caj.”

Ucab Tzijobelil 26:5

Xucoj u chuk'ab che u nimaxic ri Dios joropa' k'ij xc'asi' ri Zacariy, ri xyo'w ri tijonic che chi nim chrila' wi ri Dios. Joropa' c'u k'ij ri xniman che ri Ajawaxel, ri are' xupok'colij.

Nabe Samuel 18:14

Rumal c'u rech chi are ri Ajawaxel cato'wic, ri David utz quel pa ronojel ri cubano.

Chapletajic 21:22

Pa tak c'u ri k'ij ri' ri Abimelec xbe che u ch'abexic ri Abraham. Xachilax bic rumal ri Picol, qui nimal ri rajch'ojab. Ri Abimelec xubij che ri Abraham: “Cäkilo chi ri Dios catuto' che ronojel ri cäbano.

Chapletajic 26:28

Ri e are' xquibij che: “Kilom chi c'o ri Ajawaxel awuc', rumal ri' xkachomaj chi cakaban jun c'ulwächinic awuc'. Ri c'ulwächinic are wa':

Apocalipsis 3:9

Chawilampe', quinban na chque ri e re ri u comon ri Satanas, ri cäquibij quib chi e aj judeyib, man e aj judeyib ta c'ut, xak c'u cäquiban tzij, chawilampe', quinban na chi quepetic, quexuqui' chquiwäch ri e awakan, cäquetamaj c'ut chi at nu lok'ok'em.

1 Corintios 16:2

Ronojel nabe tak k'ij re ri seman, chijujunal chitasa' jubik' ri i ch'äcom, chimulij apanok, rech aretak quinopanic, man c'äte ta ri' quemol ri cuchuj.

Ri Zacariy 8:23

Chupam ri k'ijol ri' lajuj winak ri e quech jule' nimak tak tinimit chic caquichap na jun aj judey che ri ratz'iak, caquibij c'u na che: ‘¡Cakaj cujbe iwuc', ka tom c'ut chi c'o ri Dios iwuc'!’ ”

Ri Nehemiy 2:20

Xintzelej c'u u bixic chque: “Ri Dios ri c'o pa ri caj cuya' na chke chi utz cujel na puwi' ri cakabano. Uj, ri uj u pataninelab, cäkachaplej na u banic ri yacanic, ri ix man c'o ta jubik' iwe che ri Jerusalen.”

Nabe Tzijobelil 22:13

Ronojel utz quel na chawäch, we cacoj a chuk'ab che qui tz'akatisaxic tak ri u pixab xukuje' tak ri chomanic ri xubij ri Ajawaxel chi cuban ri Israel rumal ri Moises. ¡Chc'ol a chuk'ab xukuje' co chatc'olok; muban quieb a c'u'x mawi maxe'j awib!

Nabe Samuel 18:28

Aretak c'u xuch'ob ri Saul chi ri Ajawaxel cuto' ri David xukuje' chi sibalaj cajwax rumal ri Mical ri u mia'l,

Chapletajic 39:23

Ri takanel paquiwi' ri e c'o pa che' man c'o ta jas cusolij che ri jachom pa u k'ab ri Jose, rumal rech chi c'o ri Ajawaxel ruc' cuban c'ut chi ronojel utz quel chuwäch.

Chapletajic 30:30

aretak xinulic, man e q'ui ta ri chij la e c'olic, camic c'ut sibalaj e pok'irinak chic. Aretak xinulic, chi' xchapletaj tewichi'xic la rumal ri Ajawaxel; ¿jampa' c'u quinchaplej chac in che quilixic ri wixokil xukuje' ri walc'ual?”

Chapletajic 26:24

Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Chapletajic 21:20

Ri Dios xuto' ri ala, ri ala xq'uiyic xc'oji' pa ri chaki'j uwo sak, xux c'u jun utzalaj q'uiakal ch'ab.

Chapletajic 39:2

C'o c'ut ri Ajawaxel ruc' ri Jose, rumal ri' ronojel ri cubano, utz quel chuwäch aretak xc'oji' pa rachoch ri aj Ejipt.

Ucab Ajawinelab 18:7

Rumal ri' xtok'obisax u wäch rumal ri Ajawaxel cuban c'u che chi ronojel ri chuchaplej u banic utz quel chuwäch. Ri Ezequiy xuwalijisaj rib chrij ri ajawinel re Asiriy man xraj ta chic xupatanij.

Chapletajic 21:23

Rumal ri' chabana' ri chi'nic ri kas cäban na pa ri u bi' ri Dios, kas pa we c'olbal ri', chi man c'o ta lawaloyil cäban na chke mawi chwe in mawi chque ri walc'ual mawi chque ri e awija'lil. Chabanaa' ri chi'nic ri kas cäban na chi cäban na ri utzil chwe jacha' ri nu banom chawe, chi junam cäban na chque ri winak ri e re we ulew ri' jawije' ri at jekel wi camic.”

Chapletajic 39:21

ri Ajawaxel xutakej c'olem ruc' ri Jose xuc'ut c'u ri rutzil chuwäch, xuban c'ut chi utz xil rumal ri takanel pa ri che'.

U Camulixic ri Pixab 2:7

Ri Ajawaxel ri i Dios ix u tewichi'm pa ronojel ri i banom, cawinak junab c'ut c'olinak iwuc'. Ix u chajin pa ronojel ri i binem pa we nimalaj chaki'j uwo sak ri', man c'o ta c'u xajwataj chiwe.

Ri Josue 1:9

In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”

Nabe Samuel 3:19

Ri Samuel xnimaric, xto' rumal ri Ajawaxel man c'o ta ne jun chque tak ri e u chi'nic ri ma ta xebutz'akatisaj.

Nabe Tzijobelil 9:20

Nabe canok, ri Pinees, u c'ojol ri Eleazar, are c'amal can qui be nabe. ¡Chc'ol ba' ri Ajawaxel ruc'!

Ucab Tzijobelil 1:1

Ri Salomon (u c'ojol ri David) xurik u cowirisaxic ri rajawinic rumal ri u to'banic ri Ajawaxel, ri sibalaj xunimarisaj ri u cuinem.