Chapletajic 39:1 - Quiché Bible

¹ Aretak xc'am bic ri Jose pa Ejipt, jun achi aj Ejipt Potipar u bi' xlok'ow chque ri aj ismaelib ri xec'amow bic chila'. Ri Potipar are jun rach k'atal tzij ri paraon, ri ajawinel pa Ejipt, c'amal qui be ri ajch'ojab.

Chapletajic 39:1 Referans Kwoze

Salmib 105:17

Xunabejisaj c'u bic ri Jose chquiwäch, ri xquic'ayij bic jacha' jun lok'om pataninel.

Chapletajic 37:28

Aretak c'u xeboc'ow ri ajc'ayib ri e petinak pa Madian, ri rachalal xquesaj ulok ri Jose pa ri chaki'j c'ua', xquic'ayij bic chque, ri ajc'ayib aj ismaelib chi juwinak (20) sak puak. Xc'am c'u bic ri Jose pa Ejipt cumal ri aj ismaelib.

Chapletajic 37:36

Are c'u ri aj madianib, xquic'ayij ri Jose pa Ejipt che ri Potipar rach k'atal tzij ri paraon ajawinel re Ejipt, c'amal qui be ri rajch'ojab.

Chapletajic 37:25

Xquichaplej c'u u tijic qui wa. Xequil c'u apan juk'at aj ismaelib ri e elinak ulok pa Galaad, ri cuc'am ulok c'oc'alaj tak cunabal chquij ri qui camey, balsamo xukuje' mir rech quequic'ayij pa Ejipt.

Hechos 7:9

“We e u c'ojol we Jacob ri', ri e ka mam, xquiquiäk rayij ri cachalal ri Jose, xquic'ayij c'u bic rech cac'am bic pa Ejipt. Are c'u ri Dios c'o ruc' ri Jose.

Chapletajic 45:4

Ri Jose xubij chque: “Chibana' tok'ob chixkeb wuc'.” Aretak xekeb ruc', xubij chque: “In ri' ri Jose ri i chak', ri xinic'ayij ulok pa Ejipt;

Chapletajic 40:3

xtakan che qui cojic pa che' ri c'o cho rachoch ri c'amal qui be ri ajch'ojab, jawije' c'o wi ri che' kas are' c'u c'olbal wa' ri tz'apital wi ri Jose pa che'.