Chapletajic 38:12 - Quiché Bible

¹² Oc'owinak chi quieb oxib junab, xcäm ri rixokil ri Juda ri u mia'l ri Sua. Aretak c'ut oc'owinak chic ri u bis ri Juda, xbe pa ri tinimit Timnat jawije' cäsocax wi quij ri u chij, xachilax bic ri Juda rumal ri Ira ri aj Adulam ri sibalaj canima' quib ruc'.

Chapletajic 38:12 Referans Kwoze

Ri Josue 15:10

Quel pa Baala, ri c'ulbatil catzelej pa ri u kajebal k'ij quetakal c'ä pa ri juyub re Seir, coc'ow c'u pa Quesalon, pa uxcut ri riquiak'ab elebal k'ij che ri juyub Jearim, c'äte chi c'u cakaj c'ä pa Bet-sems coc'ow c'u pa Timna

Ucab Samuel 13:39

aretak c'u xoc'ow ri u bisoxic ri cäminak, xpe jun nimalaj rayinic pa ri ranima' che rilic u wäch ri Absalon.

K'atal tak Tzij 14:1

C'o jun k'ij xkaj bic ri Sanson pa ri tinimit Timnat, xuya' c'u u wäch che jun ali aj pilistey,

Chapletajic 24:67

Ri Isaac xroquisaj bic ri Rebec chupam ri rachoch ri Sara ri u nan, xc'uli' c'u ruc'. Ri Isaac sibalaj xulok'ok'ej ri Rebec, jeri' xcu'bi' u c'u'x man xubisoj ta chic ri u cämical ri u nan.

Nabe Samuel 25:36

Aretak xopan ri Abigail jawije' c'o ri Nabal, xrilo chi cätajin cuban jun nimak'ij pa ri rachoch cajunamataj ruc' ri cuban jun ajawinel. Sibalaj cätajin cäquicotic sibalaj c'u k'abarel. Rumal ri' man c'o ta jas xubij ri Abigail che xane' c'ä chucab kij.

Ri Josue 19:43

ri Elon, ri Timnat, ri Ecron,

Ri Josue 15:57

Cain, Gabaa xukuje' Timna, e lajuj tinimit tak cuc' ri alaj tak tinimit ri e qui k'ab.

Ri Josue 15:37

Tak ri tinimit re Zenan, Hadas, Migdal-gad,

Ri Josue 15:35

Jarmut, Adulam, Soc, Azec, Saaraim,

Chapletajic 38:1

Pa tak ri k'ij ri', ri Juda xutas rib chquij ri rachalal, xk'ax c'u pa rachoch jun achi Ira u bi' ri aj Adulam.

Chapletajic 31:19

Benak c'u can ri Laban che u socaxic quij ri u chij ri e c'o naj, ri Raquel xereläk'aj bic ri e u c'u'x u k'inomal, ri u tat ri e c'o pa ri rachoch.