Chapletajic 37:34 - Quiché Bible

³⁴ Ri Jacob xujis ri ratz'iak chrij rumal ri u bis, xucoj atz'iak re bis, q'ui k'ij xrok'ej u wäch ri u cämical ri u c'ojol.

Chapletajic 37:34 Referans Kwoze

Chapletajic 37:29

Xbe c'u ri Ruben xtzelej che rilic ri Jose pa ri chaki'j c'ua', man c'o ta chi c'u jachin xurik chupam, xujis ri ratz'iak rumal ri u bis.

Ucab Samuel 3:31

Ri David xuya' takanic che ri Joab xukuje' chque conojel ri e achilaninak, xubij chque: “Chebijisa' ri iwatz'iak chiwij chebicojo wakwoj tak atz'iak chiwij, chiwok'ej ri u cämical ri Abner.” Ri ajawinel xteri' bic chrij ri Abner aretak xc'am bic pa mukic,

Apocalipsis 11:3

Quinya' na chque ri quieb nu k'alajisanelab, chi cäquitzijoj na ri nu tzij jun mil quieb sient oxc'al (1260) k'ij, qui cojom wakwoj catz'iak che u c'utic chi quebisonic.”

Hechos 14:14

Aretak xquita' wa', ri Bernabe xukuje' ri Pawl xquit'ubij ri catz'iak, aninak xeboc chquixo'l ri winak, xquirak qui chi',

Ri Matey 26:65

Are c'u ri qui nimal ri cojol tabal tok'ob xujis ri ratz'iak, xubij: “¡We achi' cuc'ulelaj ri Dios! ¿La rajawaxic ta chic chi quepe niq'uiaj winak che u ya'ic k'alajisanic chrij? E i tom ri e u tzij ri quec'ulelanic.

Ri Matey 11:21

Ri Jesus xubij: “¡C'ax awe, tinimit Corazin! ¡C'ax awe, Betsaid! Ri nimak tak mayibal ri xinban iwuc' ix, we ta pa Tir, we ta pa Sidon xeban wi, ri e are ojer ta ri' xquiq'uex qui c'u'x. Rumal ri' xquicoj ta chaj xukuje' xquicoj ta wakwoj atz'iak ri' chquij.

Ri Joel 2:13

¡Chixtzelej ba' ix ruc' ri Ajawaxel ri i Dios, chi t'ubu' c'ut ri iwanima' che u q'uexwäch ri u t'ubic ri iwatz'iak! Rumal rech chi ri Ajawaxel ch'uch'uj xukuje' quel u c'u'x, coch'onel xukuje' ronojel lok'ok'ebal c'uxaj, amak'el xak reyem jampa' cuwalijisaj ri c'äjisabal wächaj.

Ri Jeremiy 36:24

Mawi ri ajawinel mawi ri e rach k'atal tak tzij ri nimak qui k'ij ri xquitatabej ronojel ri xya' u siq'uixic, xquixe'j ta quib mawi xquic'utula' chi c'ax ta xbe chque.

Ri Isaiy 36:22

Sibalaj c'u xbison ri Eliaquim ri cätakan puwi' ri rachoch ri ajawinel; ri Sebna, ri yaltzijol; xukuje' ri Joa, ri rajtz'ib ri ajawinel, xquijis ri catz'iak chquij xetzelej ruc' ri Ezequiy che u bixic che ri xubij ri qui nimal ri ajch'ojab aj Asiriy.

Ri Isaiy 32:11

Ix ri man c'o ta jas quixoc ta wi il, chixbirbitok ix ri quina' chi man c'o ta jas quibisoj, chixel ch'u'j, chebiwesaj tal we atz'iak ri', chebicojo' wakwoj tak atz'iak che u c'utic ri i bis.

Salmib 69:11

we quincoj atz'iak re bis, conojel cäquitze'j nu wäch.

Ri Job 2:12

Xquil apan ri Job chinaj, ruc' c'u c'ax xecuin che u ch'obic u wäch, xquichaplej u rakic qui chi' xquitakej c'u ok'ej, e nojinak c'u che k'oxomal xequijisila' tak ri catz'iak chquij xquiq'uiakila' ulew pa ri quiakik' pa tak ri qui jolom.

Ri Job 1:20

Xwalij c'u ri Job, nojinak che c'axc'ol xujis ri ratz'iak, xutolorisaj ri u jolom xumej rib che k'ijilanic.

Ri Nehemiy 9:1

Pa ri k'ij juwinak quiejeb (24) re ri rajilabal ri ic' ri', ri aj israelib xquimulij quib man xquitij ta qui wa; xecatz'iakila' tak quib cuc' wakwoj tak atz'iak, xquijopij c'u ulew pa qui jolom.

Nabe Tzijobelil 21:16

Xca'y c'u apan ri David, xril apan ri u tako'n ri Ajawaxel chi c'o chuxo'l ri caj ruc' ri ulew, ruc'am jun ch'ich' re ch'o'j ch'anal pa u k'ab, ri are' cätajin cuc'ut ri Jerusalen. Are' c'u ri David xukuje' ri nimak tak tatayib, e qui cojom wakwoj tak atz'iak, xquimejela' quib cho ri ulew c'ä xquiya' na ri qui palaj cho ri ulew,

Ucab Ajawinelab 19:1

Aretak ri ajawinel Ezequiy xuta' ri xbixic, xujis ri ratz'iak chrij, xebucoj wakwoj tak atz'iak chrij che u c'utic chi c'axc'obinak ri ranima' xbe c'ut pa ri rachoch ri Ajawaxel,

Nabe Ajawinelab 21:27

Aretak ri Acab xuta' ronojel ri xbixic, xujis ri ratz'iak chrij, xebucoj wakwoj tak atz'iak xukuje' man xwa' taj. Xwar chquipam tak we atz'iak ri' amak'el c'ut cäbisonic.

Nabe Ajawinelab 20:31

Ri e qui nimal tak ri rajch'ojab xquibij che: “Ka tom u tzijol chi ri e cajawinelab tak ri aj israelib e tok'obisal tak wächaj; je chkabana' wa' chekacojo' bic wakawoj tak atz'iak xukuje' jun colob re jitz'abal chkakul, je katac'aba' c'u kib chuwäch ri ajawinel re Israel, che rilic we cusach ka mac ma ta c'u cujucämisaj.”

Ucab Samuel 1:11

Ri David xukuje' ri e achilaninak xequijisila' ri catz'iak che u c'utic chi c'axc'obinak ri canima',

Ri Josue 7:6

Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.

Chapletajic 42:38

Xubij c'u ri Jacob chque: “Man cäbe ta ri nu c'ojol iwuc'. Ri Jose ri rachalal cäminak chic, xuwi chi ri Benjamin canajinak wuc'. We c'u c'o jas cuc'ulmaj pa ri be, ix ri' ri ix ajchak'mac chi xa bis quincämisan bic.”

Chapletajic 44:13

Xquijis ri catz'iak chquij rumal ri qui bis. Conojel xequiq'uiak ri queka'n ri qui bur. Xetzelej chi jumul pa ri tinimit.

Ucab Ajawinelab 2:12

Aretak xril wa', ri Elisey xurak u chi': “¡Nu tat, nu tat, lal uxinak che ri Israel jacha' jun jumulaj cowilaj ajch'ojab!” Mawi chi c'u jumul xril ta chic u wäch ri Eliy. Ri Elisey xumajij ri u k'u' xujiso xuban quieb che.

Ucab Ajawinelab 22:11

Aretak xuta' ri ajawinel ri cubij ri wuj re ri pixab, xujis ri ratz'iak chrij,

Nabe Tzijobelil 7:22

Ri Eprain ri qui tat q'ui k'ij xucoj ratz'iak re bis, xepe c'ut ri rachalaxic che u cu'bisaxic u c'u'x.

Ri Job 16:15

In nojinak che bis, xebencoj wakwoj tak atz'iak xinmuk c'ut ri nu jolom chupam ri puc'uc' ulew.

Ri Jeremiy 48:37

Ronojel jolomaj banom tol che xukuje' ronojel ismachi'aj kopim; conojel e qui banom tak socotajic chque tak ri qui k'ab e quicojom c'u wakwoj tak atz'iak chquij.

K'atal tak Tzij 11:35

aretak c'ut xrilo, xujis ri ratz'iak che u c'utic ri u bis xubij c'u che: “¡Ay, nu mia'l, sibalaj nim ri k'oxow anima' caya' chwe! ¡At, at banowinak chi quinrik nimalaj bis, nu banom c'u jun chi'nic che ri Ajawaxel, quintz'akatisaj c'u na!”