Chapletajic 31:35 - Quiché Bible

³⁵ Ri Raquel xubij che ri u tat: “Tat, mape oyowal la we man quinwalij chwäch la, xa cätajin cäkaj ri nu yab camic.” Sibalaj c'u xebutzucuj ri Laban ri u c'u'x u k'inomal, man xcuin ta c'u che qui rikic.

Chapletajic 31:35 Referans Kwoze

Aj Levitib 19:32

Chatwalij che u to'ic ri sak u jolom, nim chebawila' wi ri nimak tak winak, amak'el chana' awib chuwäch ri a Dios. In ri' ri Ajawaxel.

Elem 20:12

Nim chawila' wi ri a tat xukuje' ri a nan, rech naj catc'asi' cho ri ulew ri cuya' ri Ajawaxel ri a Dios chawe.

1 Pedro 3:6

Je xuban ri Sara, xniman che ri Abraham, xubij c'u wajaw che. Ri ix quixux na je jas ri Sara we quiban utzil, we man c'o ta jas quixe'j wi iwib chuwäch.

1 Pedro 2:18

Ix pataninelab, chiya' iwib pa takic chque ri iwajaw, nim chebiwila wi. Man xak xuwi ta chque ri e utz xukuje' ri e ch'uch'uj, xane' xukuje' chque ri e c'a'n.

Efesios 6:1

Alc'ualaxelab, rumal rech chi ix cojoninak che ri Ajawaxel, chebinimaj ri i tat i nan. Are c'u wa' ri suc'.

Nabe Ajawinelab 2:19

Je c'u ri', ri Betsabe xech'aw puwi' ri Adoniy ruc' ri ajawinel Salomon. Ri ajawinel xwalij che u c'ulaxic ri u nan xumej c'u rib chuwäch. Xt'uyi chi c'u jumul puwi' ri u tem re ajawibal xtakanic chi chc'am ulok jun je'licalaj tem che ri u nan; xt'uyi c'ut ri u nan pa ri u wiquiak'ab,

Aj Levitib 19:3

Chijujunal nim chebiwila' wi ri i tat xukuje' ri i nan. Nim chebiwila' wi tak ri e nu k'ij re uxlanem. In ri' ri Ajawaxel ri i Dios.

Aj Levitib 15:19

“Aretak cäyawaj jun ixok chi ic', wukub k'ij cäcanaj tz'il apachin ta ne ri cächapowic, cäcanaj tz'il c'ä coc na ri ak'ab.

Chapletajic 31:19

Benak c'u can ri Laban che u socaxic quij ri u chij ri e c'o naj, ri Raquel xereläk'aj bic ri e u c'u'x u k'inomal, ri u tat ri e c'o pa ri rachoch.

Chapletajic 31:34

Ri Raquel aninak xebuc'am ri e u c'u'x k'inomal, xebuc'ol pa jun chque ri qui xalma ri camey, xt'uyi c'u paquiwi'. Ri Laban xebutzucuj pa ronojel ri lic'om rachoch, man xeburik ta c'ut.

Chapletajic 31:36

Xyactaj royowal ri Jacob, xuc'ulelaj ri Laban, xubij che: “¿Jas ri man utz taj nu banom? ¿Jas ri in macuninak wi chi sibalaj lal k'ak'arinak ulok che wokataxic?