Chapletajic 30:27 - Quiché Bible

²⁷ Xutzelej c'u u bixic ri Laban che: “Chabana' tok'ob, chatcanaj canok wuc'. In cuininak che retamaxic rumal ch'obonic chi ri Ajawaxel in u tewichi'm rumal awech.

Chapletajic 30:27 Referans Kwoze

Hechos 7:10

Xuto'tajisaj pa ri c'axc'olil. Xuya' u no'j, xuban c'u che chi xuch'äc ri u tok'ob ri paraon; ajawinel aj Ejipt, ri xucoj ri Jose che k'atal tzij puwi' ri Ejipt xukuje' puwi' ri rachoch.

Ri Isaiy 61:9

Ri e u k'ab tak cachalaxic quebux na nimak qui k'ij chquixo'l ri nimak tak tinimit conojel ri queilowic caquich'ob na chi e jun tinimit ri e tewichim rumal ri Ajawaxel.

Ri Rut 2:13

Ri are' xutzelej u bixic che: “Ri lal sibalaj cäban la utzil chwe, ri tzij tak la ri quebij la chwe quinquinojisaj che cu'lbal c'u'x. In c'u ch'abem la ruc' ch'uch'ujil, pune' ri in man quinjunamataj ta ruc' jun chque ri ixokib ri e pataninelab la.”

Chapletajic 26:24

Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Elem 3:21

Xukuje', quinban na chi ri aj ejiptib cäquiya' na ri quita' chque rech aretak quixel ulok c'o cäquiya' ulok chiwe.

Chapletajic 12:3

Quebentewichi'j na ri catquitewichi'j, quebenc'okoj na ri catquic'okoj; conojel ri winak cho ri uwächulew cäquirik na tewichibal rumal awech.”

Chapletajic 47:25

Ri winak xquibij che ri Jose: “Sibalaj utz anima' la chke, uj c'asbam la, chujoc ba' che u lok'om pataninel ri ajawinel.”

Chapletajic 33:15

“Ja'e,” xcha' ri Esau, “quebenya' ba' can jujun achijab chawe ri e petinak wuc'.” “¡Jayi', chabana' tok'ob! ¿Jas ta che caya' latz' chawe?” xcha' ri Jacob.

Chapletajic 30:30

aretak xinulic, man e q'ui ta ri chij la e c'olic, camic c'ut sibalaj e pok'irinak chic. Aretak xinulic, chi' xchapletaj tewichi'xic la rumal ri Ajawaxel; ¿jampa' c'u quinchaplej chac in che quilixic ri wixokil xukuje' ri walc'ual?”

Chapletajic 18:3

Xubij c'ut: “Ajawaxel, quinta' tok'ob che la, bana' la tok'ob mabe la chanim.

Ri Daniel 1:9

Rumal ri u tok'ob ri Dios, ri c'amal be re ri patanijic chupam ri rachoch ri ajawinel xuc'ulaj rib u quiq'uel ruc' ri Daniel,

Nabe Ajawinelab 11:19

Sibalaj c'u utz xril ri paraon ri Hadad, chi xuya' ri rixnam che rixokil, ri u chak' ri ixok ajawinel Tapens.

Ajilanic 11:15

We je cätakej la u banic wa' chwe, are utz na chi quesaj la ri nu c'aslemal, we kastzij chi nim quinil wi la. Jeri' quinel na chquixo'l e q'ui tak latz'.”

Chapletajic 34:11

Ri Siquem xubij che ri u tat ri Din xukuje' chque ri e u xibal: “Quixinbochi'j chi chinimaj ri cäkabij chiwe. Xa ta ne joropa' ri quita' chwe quinya' chiwe.

Ri Isaiy 65:8

Ri Ajawaxel cubij: “Aretak sibalaj c'o qui wa'l ri uva ri winak man xak ta cäretzelaj, cuya' c'ut cäresaj rumal rech chi cuya' cäresaj q'ui u wal. Je c'u quinban in xukuje' rumal ri qui lok'al ri e pataninelab tak wech: man quinsach ta u wäch ronojel ri nim tinimit.

Ri Isaiy 6:13

We c'u ne queto'taj can quieb oxib chque ri winak, cäsach na qui wäch xukuje' jacha' aretak cäram jun bakit, o jun räx che', xuwi c'u cäcanaj can ri u cuta'mil.” (Che c'u we cuta'm ri' quel wi na ulok jun tastalicalaj tuxaj).

Salmib 1:3

Ri winak ri' junam ruc' juwi' che' ri tiquil chuchi' jun nima', ri cuya' u wächinic pa ri u k'ijol ri mawi jubik' quechaki'jar ta ri u xak. ¡Ronojel ri cubano, utz quelic!

Ri Nehemiy 2:5

xintzelej c'u u bixic che ri ajawinel: “We utz cuta' ri ajawinel, xukuje' we c'u nu rikom ri tok'ob la, quintz'onoj che la chi chintaka' la bic pa Juda, pa ri tinimit jawije' ri e mukutal tak wi ri e nu mam, rech quenbana' u yaquic.”

Ri Nehemiy 1:11

Quinbochi'n ba' che la, Ajawaxel, chtatabej la ri nu ch'awem ri quinban che bochi'xic la xukuje' tak ri qui bochi'nic tak ri e pataninelab la, ri ka rayinic c'ut xuwi ri u ya'ic u k'ij ri bi' la. Quintz'onoj che la xukuje' chi chya' la ri ch'äcanic la chwe, chbana' c'u la chwe chi chel u c'u'x ri ajawinel chwe.”

Nabe Samuel 16:22

Ri Saul xutak u bixic che ri Isayi, xubochi'j chi chuya' can ri David ruc', rumal rech chi sibalaj xkaj chuwäch.

Ajilanic 11:11

xubij c'u che ri Ajawaxel: “¿Jasche cäban la c'ax chwe in, in c'u ya' pataninel ech la? ¿Jas ri c'ax ri cäna' la chwij chi yo'm la we tinimit ri' che weklem?

Chapletajic 44:5

ri cuq'uian wi ri wajaw, ri xukuje' cäch'obon wi? Sibalaj man utz taj ri xibano.’ ”

Ucab Samuel 6:11

Ri u caxa ri Ajawaxel xcanaj can oxib ic' pa ri rachoch ri Obed-edom, xtewichi'x c'ut rumal ri Ajawaxel xukuje' conojel ri e rachalaxic.