Chapletajic 3:16 - Quiché Bible

¹⁶ Xubij c'u ri Dios che ri ixok: “Quinbano chi cänimataj ri a k'oxomal aretak cäc'oji' ri awal, ruc' k'oxom cawil qui wäch ri e awal. Pune' cärik ri k'oxomal, lok' ri' ri awachajil chawäch, cätakan c'u na ri awachajil pawi'.”

Chapletajic 3:16 Referans Kwoze

Ri Tit 2:5

utz qui chomanic, e ch'ajch'oj pa ri qui c'aslemal, cäquiban ri qui chac cho tak cachoch, e utz, qui yo'm quib pa takic chque ri cachajilal, rech man cäyok' ta ri u tzij ri Dios.

Colosenses 3:18

Ix ixokib ri ix c'ulanic, chixniman chque ri iwachajil. Are wa' ri rajawaxic quibano pa ri i cojonic che ri Ajawaxel.

1 Corintios 11:3

Quinwaj c'ut quiwetamaj chi ri Crist are' ri qui jolom ri achijab chquijujunal, ri achi are' u jolom ri rixokil, ri Dios c'ut are' u jolom ri Crist.

1 Timoteo 2:15

Ri ixok cacolotaj c'u na cumal ri ralanic xukuje' we caken chupam ri cojonic, chupam ri lok'ok'enic, xukuje' chupam ri u tasic rib man cutakej ta chi c'u ri macunic, c'o c'u u tij puwi' chbil rib.

1 Corintios 14:34

Xak cheyinil ri ixokib pa tak ri comon cojonelab, rumal rech chi man ya'tal ta chque quech'awic. Xane' chquiya' quib pa takic jas ri cubij ri pixab.

1 Corintios 7:4

Mawi ri ixokilaxel xuwi ta ri are' are' ta ajchak'e ri kas u cuerp, c'o c'u rech ri rachajil che. Mawi ri achajilaxel xuwi ta ri are' are ta ajchak'e ri kas u cuerp, c'o c'u rech ri rixokil che.

Ri Xuan 16:21

Aretak jun ixok quealc'ualanok, c'o u bis, petinak c'u ri u k'ijol. Aretak ralam chi c'u ri ac'al, ri u c'axc'olil man cänataj ta chi che, rumal rech ri u quicotemal chi xalax jun ac'al cho ri uwächulew.

Chapletajic 4:7

We ta utz ri cäbano, catcuin ta ri' cawalijisaj ri a palaj; we c'u man utz ri cabano, ri mac xak at reyem jampa' cätkaj pa u k'ab. Catcuin c'u ne che ch'äcanic puwi'.”

Ri Jeremiy 6:24

Ri winak pa Jerusalen caquibij: “Ka tom ri tzijol, uj u tuktubisam c'ut ri xe'n ib; cakana' ri elemch'u'j xukuje' ri k'oxomal, jacha' jun ixok ri cac'oji' ral.

Ajilanic 30:13

Ri achajilaxel ya'tal che cujiquiba' u banic o cuk'il u banic apachique chi'nic o ri kas chi'nic ri cäban na ri chokinak wi ri rixokil xukuje' cätakchi'xic che man cäwa' taj.

1 Tesalonicenses 5:3

Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.

Ri Ester 1:20

We pixab ri' ri u cojom ri ajawinel rajawaxic cäya' retamaxic pa ronojel ri ajawibal, je c'u ri' conojel ri ixokib nim quequil wi na ri cachajilal, we nim u k'ij we man nim ta u k'ij.”

Ri Jeremiy 22:23

Camic utz a banom chupam ri a soc man c'o ta cayo'w latz' chawe, chquixo'l tak ri chacalte' ri e c'amom ulok pa ri Libano, ¡quebarika' c'u na c'ax aretak chepe tak ri k'oxomal pawi', k'oxomal tak e jacha' ta ne e re alc'ualanic!”

Ri Jeremiy 13:21

“¿Jas c'u ri cabij na, Jerusalen, aretak cäk'at na tzij pawi' cumal winak ri kas at xatyo'w tijonic chque? Quepe c'u na u k'oxomal yawab ixok chawe.

Ri Isaiy 21:3

Cäbirbob ri nu cuerp, quinbak'tila' wib rumal k'oxom jacha' jun yawab ixok, ri c'axc'ol cutz'apij ri nu xiquin, man quinca'y ta chi rumal ri xibriquil.

Ri Isaiy 13:8

cäquichaplej na birbitem. C'axc'ol xukuje' k'oxowem cäkaj na paquiwi', cäquibak'atij na quib jacha' jun yawab ixok. E conorinak cäquica'yela' na quib, cäquiäkar na ri qui palaj rumal qui q'uixbal.

Ri Jeremiy 49:24

Ri Damasc, man c'o ta chic u chuk'ab, cuchomaj animajic. Cäch'ac rumal ri xibin ib ri elemch'u'j xukuje' ri k'oxomal, jacha' jun yawab ixok.

Ri Jeremiy 4:31

Quinta' jun rakoj chi'aj jacha' ta ne re jun ixok ri quec'ol u nabeal; e are tak wa' ri e u rakoj tak chi'aj ri Sion, ri cach'ikowic, quebuyuk ri u k'ab cubij c'ut: ‘¡Tok'ob nu wäch! ¡Quinequicämisaj ri cämisanelab!’ ”

Ri Isaiy 53:11

Aretak oc'owinak chic ri nimalaj c'axc'ol cäril na ri chäj, cäquicot c'u na aretak caretamaj, ri suc'alaj u pataninel ri Ajawaxel q'ui quebuk'alajisaj na chi e suc'urisan chic chuwäch ri Dios, cärekaj c'u na ri quetzelal wa'.

Salmib 48:6

Xechaptaj rumal ri xibriquil: xquibak'atila' quib rumal k'oxom, jacha' jun yawab ixok;

1 Timoteo 2:13

Rumal rech chi are nabe xban ri Adan, c'äte ri' ri Eva.

Nabe Tzijobelil 4:9

Ri Jabes are' xux na nim u k'ij chquiwäch ri rachalal, ri u nan xucoj Jabes che u bi', xubij c'ut: “Kastzij ruc' c'ax xinwalaj.”