Chapletajic 28:1 - Quiché Bible

¹ Ri Isaac xusiq'uij ri Jacob, xutewichi'j, xuya' we takanic ri' che, xubij: “Matc'uli' ruc' jun ali aj waral.

Chapletajic 28:1 Referans Kwoze

Chapletajic 24:3

chabana' ri chi'nic ri kas cäban na pa ri u bi' ri Ajawaxel, ri Dios ri ajchak'e ri caj ulew, chi mac'uluba' ri nu c'ojol Isaac ruc' jun ali ri quel waral pa Canaan jawije' ri in c'o wi,

Chapletajic 27:46

Ri Rebec xutzijobej ri Isaac, xubij che: “Ri in sibalaj in k'itajinak chi che ri c'aslemal, u mac quech ri alitomab aj hititib ri xec'uli' ruc' ri Esau. We ri Jacob cäc'uli' ruc' jun chque ri aj hititib ri e c'o waral pa Canaan, are utz na we quincämic.”

Chapletajic 24:37

Ri wajaw xinutakchi'j chi quinban ri chi'nic ri kas cäban na, xubij c'u chwe: ‘Mac'uluba' ri nu c'ojol ruc' jun ali ri quel waral pa ri ulew Canaan ri in jekel wi.

Chapletajic 6:2

ri e ralc'ual ri Dios xquilo chi ri alitomab ri' sibalaj e je'lic. Xequicha' quixokil chquixo'l, xec'uli' c'u cuc' jachin ri xcaj wi.

Ri Josue 22:7

Che ri jun pa niq'uiaj ri ramak' ri Manases, ri Moises e u yo'm can culew pa ri rulew ri Basan. Ri jun pa niq'uiaj chic ri ramak' ri Manases ri Josue xuya' culew chquixo'l tak ri aj israelib pa ri u kajebal k'ij che ri Jordan, chque tak ri e nabe xebutewichi'j xebutako chi chetzelejok.

U Camulixic ri Pixab 33:1

Aretak xa co'l man cäcäm ri Moises, ri nimanel che ri Dios, xebutewichi'j ri aj israelib, je qui tewichi'xic wa' xubano.

Chapletajic 49:28

E are wa' ri e cablajuj (12) amak' ri Israel, are c'u wa' ri xubij ri qui tat chque ri u c'ojol aretak xebutewichi'j, chquijujunal.

Chapletajic 48:15

Je c'u u tewichi'xic ri Jose wa' xubano: “Are' ri Dios ri xquinimaj ri Abraham, xukuje' ri Isaac ri e nu mam; ri Dios ri in chajininak ulok kas pa ri k'ij ri xinalaxic,

Chapletajic 34:16

We je quiban wa' cuya' quixc'uli' cuc' ri e ka mia'l, xukuje' ri uj cujc'uli' na cuc' ri e i mia'l; cujc'oji' na iwuc', cujux na xa jun tinimit.

Chapletajic 34:9

chixoc che kachalaxic; jeri' ri uj cujc'uli' na cuc' ri i mia'l xukuje' ri ix quixc'uli' na cuc' ri ka mia'l uj.

Chapletajic 27:4

Chasuc'umaj jun qui'laj nu riquil jas ri cäkaj chnuwäch, cäc'am c'u ulok rech quintijo. Quinwaj catintewichi'j canok xa c'u quieb oxib k'ij chic in c'aslic.”

Chapletajic 24:4

xane' catbe na pa ri wulew, cacha' na ulok jun rixokil ri nu c'ojol chquixo'l ri wachalaxic.”

Chapletajic 28:6

Xril ri Esau aretak ri Isaac xutewichi'j ri Jacob, xutak bic c'ä pa Padan-aram rech cäc'uli' chila'. Xukuje' kas xuto aretak xutewichi'j xubij che chi mäc'uli' ruc' jun ali aj Canaan,

Chapletajic 38:2

Chila' c'o wi aretak xretamaj u wäch ri u mia'l jun aj cananey, Sua u bi', xc'uli' c'u ruc'.

Ri Jeremiy 29:6

Chixc'ulanok, chec'ol i c'ojol xukuje' tak i mia'l, xukuje' c'u ri e are' chec'ulanok chec'ol c'u calc'ual. Chixq'uiyirok c'u chila', mabe c'ut i q'uisic.