Chapletajic 26:34 - Quiché Bible

³⁴ Aretak c'o chi cawinak (40) u junab ri Esau, xc'uli' ruc' ri Judit u mia'l ri Beeri aj hitit. Xukuje' xc'uli' ruc' ri Basemat, ri u mia'l chi jun aj hitit ri cäbinax Elon che.

Chapletajic 26:34 Referans Kwoze

Chapletajic 36:2

Ri Esau xc'uli' cuc' alitomab aj cananeyib: ri Ada u mia'l ri Elon ri aj hititib; ri Aholibam u mia'l ri Ana ri' u mam ri Zibeon ri aj hebey;

Elem 34:16

o quequic'ulba' ta ne ri qui mia'l cuc' tak ri i c'ojol, aretak c'ut quequik'ijilaj tak ri e qui diosib, quequitakchi'j ta c'u ne tak ri e i c'ojol che u mejic quib chquiwäch che qui k'ijilaxic.

Chapletajic 36:13

Ri Nahat, ri Zera, ri Sam, ri Miz, e are wa' ri e u c'ojol ri Reuel ri e rija'lil ri Basemat ri jun chic chque ri e rixokil ri Esau.

Chapletajic 36:5

ri Aholibam xralaj ri Jeus, ri Jaalam, ri Core. E are wa' ri u c'ojol ri Esau ri xebalaxic aretak xc'oji' pa ri ulew re Canaan.

Chapletajic 28:9

rumal ri' ri Esau xbe che u ta'ic ri Mahalat, ri u mia'l ri Ismael (ri Abraham are' ri u tat ri Ismael). Xc'uli' c'u ruc' ri Mahalat ri rana'b ri Nebaiot. Xc'uli' ruc', pune' ta ne e c'o chi niq'uiaj rixokil aj cananeyib.

Chapletajic 24:3

chabana' ri chi'nic ri kas cäban na pa ri u bi' ri Ajawaxel, ri Dios ri ajchak'e ri caj ulew, chi mac'uluba' ri nu c'ojol Isaac ruc' jun ali ri quel waral pa Canaan jawije' ri in c'o wi,

Hebreos 12:16

c'o jun muban macunic cuc' ixokib achijab, o märetzelaj u wäch ri jastak re ri Dios, jas xuban ri Esau, ri xuc'ayij ri u nabealil che u q'uexwäch jun lak riquil.

1 Corintios 7:2

Xa' c'u ne, u mac rech ri quibanic macunic cuc' ixokib achijab, chquijujunal c'ut ri achijab rajawaxic cac'oji' ri kas ri quixokil, chquijujunal c'ut ri ixokib rajawaxic cac'oji' ri kas cachajil.

Chapletajic 27:46

Ri Rebec xutzijobej ri Isaac, xubij che: “Ri in sibalaj in k'itajinak chi che ri c'aslemal, u mac quech ri alitomab aj hititib ri xec'uli' ruc' ri Esau. We ri Jacob cäc'uli' ruc' jun chque ri aj hititib ri e c'o waral pa Canaan, are utz na we quincämic.”

Chapletajic 28:8

Jeri' xretamaj ri Esau chi ri u tat man utz ta queril wi ri alitomab aj cananeyib;

Nabe Samuel 26:6

Xtzijon c'u ri David ruc' ri Ahimelec ri aj hitit xukuje' ruc' ri Abisay ral ri Sarb rachalal ri Joab xuc'ot qui chi': “¿Jachin chiwe cuya' u tzij cäkaj bic wuc' pa ri kajebal c'ä jawije' c'o wi ri Saul?” “In quinkaj bic uc' la,” xcha' ri Abisay.