Chapletajic 26:24 - Quiché Bible

²⁴ Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Chapletajic 26:24 Referans Kwoze

Elem 3:6

Xutakej u bixic xubij che: “In ri' ri qui Dios ri e a mam; ri u Dios ri Abraham, ri Isaac, xukuje' ri Jacob.” Ri Moises xuch'uk ri u palaj, xuxe'j c'u rib che u ca'yexic ri Dios,

Chapletajic 17:7

Ri c'ulwächinic ri quinban awuc', ri xukuje' quinban cuc' conojel ri e awija'lil ri quepe na, chi ri in quinux na a Dios amak'el xukuje' qui Dios ri e are'.

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Hechos 7:32

Ri Ajawaxel xubij: ‘In ri' ri qui Dios ri a mam, ri qui Dios ri Abraham, ri Isaac, xukuje' ri Jacob.’ Are c'u ri Moises xbirbitic, man cucoch' ta chic cärilo.

Chapletajic 24:12

Xuchaplej c'u u banic ch'awem ruc' ri Dios, xubij: “Ajawaxel u Dios ri wajaw Abraham, bana' la chi utz quinel camic, c'utu' ri utzil la ruc' ri wajaw Abraham.

Apocalipsis 1:17

Aretak xinwilo, xintzak chquiwäch ri rakan jacha' jun cäminak. Ri are' c'ut xuya' ri u k'ab re u wiquiak'ab panuwi', xubij: “Maxe'j awib. In ri' ri nabe xukuje' ri q'uisbal.

Chapletajic 28:13

Xukuje' cärilo chi tac'al ri Ajawaxel pa u xc'ut, xubij c'u che: “In ri' ri Ajawaxel ri u Dios ri a mam Abraham xukuje' ri a tat Isaac. Chawe at xukuje' chque ri e awija'lil quinya' wi na ri ulew ri at k'oyol wi.

Chapletajic 13:16

In quinban na chi ri e are' quebux na e jacha' ri u puc'uq'uil ri ulew. Je c'u ri' jacha' chi man ya'tal taj quebajilax ri e u bak'wäch ri puc'uc', mawi xukuje' ya'talic chi quebajilax ri e u k'ab tak awachalaxic.

Hebreos 13:6

Je c'u ri' cäcu'bi ka c'u'x, cuya' cäkabij: “Ri Ajawaxel are to'l wech, man quinxe'j ta wib chuwäch ri cäquiban na ri winak chwe.”

Ri Lucax 12:32

“Mixe'j iwib, ch'utinalaj jumulaj nu chij. Cäkaj c'u chuwäch ri i Tat ri u ya'ic ri rajawibal chiwe.

Ri Matey 22:32

‘In ri' ri u Dios ri Abraham, ri u Dios ri Isaac, xukuje' ri u Dios ri Jacob.’ Ri Dios c'ut man are ta qui Dios ri cäminakib, xane' are ri qui Dios ri e c'aslic.”

Ri Isaiy 44:2

In ri' ri Ajawaxel, ri a winakirisanel, ri xatinnuc' ulok c'ä majok chatalaxok, catinlo c'ut xukuje'. Maxe'j awib, Jesurun, u tinimit ri Jacob, ri pataninel wech, ri cha'tal wumal,

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Chapletajic 31:5

xubij chque: “Quinwilo chi ri i tat man je ta chi cuban chwe jas ri nabe; are c'u ri u Dios ri nu tat, c'o wuc' amak'el.

Ri Isaiy 51:12

“In, kas in, quinyo'w u chuk'ab ri awanima'. ¿Jachin chquiwäch caxe'j ta wi awib? ¿La chquiwäch ri winak? ¿La chquiwäch ri winak ri xa quecämic ri xa e junam ruc' ri k'ayes?

Ri Isaiy 51:7

Chinitatabej, ix ri iweta'm jachique ri suq'uilal, tinimit ri quixoc il che retamaxic ri no'jibal ri quinya'o. Mixe'j iwib chuwäch ri qui yok'onic ri winak, mawi mixk'itaj rumal ri itzel tak tzij ri cäquibij,

Chapletajic 22:19

Xtzelej ri Abraham pa ri c'olbal jawije' e canajinak wi can ri e quieb pataninel tak rech, xetzelej c'u pa Beerseb cho rachoch ri Abraham.

Hebreos 11:16

Ri e are' c'ut sibalaj cäcaj jun c'olbal ri utz na, are wa' ri aj chicaj. Rumal ri' ri Dios man cäq'uix taj chi cäbinax qui Dios. U suc'umam chi c'u jun tinimit chque.

Chapletajic 17:8

Chawe at, xukuje' chque ri e are' quinya' wi na ronojel ri ulew Canaan ri at c'o wi camic, quinya' na che quechbal re chbe k'ij sak; are c'ut ri in quinux na i Dios.”

Chapletajic 21:17

Ri Dios xuto chi cok' ri ala, kas c'u pa ri caj ri tako'n aj caj xusiq'uij ulok ri Agar, xubij c'u che: “¿Jas xac'ulmaj Agar? Maxe'j awib, ri Dios xuta' ri rok'ej ri ac'al chila' jawije' ri c'o wi.

Chapletajic 22:17

Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,

Chapletajic 28:3

Ri Dios ri c'o ronojel u cuinem cattewichi'n na, chebuya' ta ba' na e q'ui ri e awija'lil rech chawe quebel wi tinimit tak winak.

Chapletajic 28:15

In c'o awuc'; catinchajij na apawije' ta ne ri catbe wi, kas c'u catintzelej na ulok pa we ulew ri'. Man catinwonoba' ta canok we ta ma ta quinban na awuc' jas ri nu bim chawe.”

Chapletajic 30:27

Xutzelej c'u u bixic ri Laban che: “Chabana' tok'ob, chatcanaj canok wuc'. In cuininak che retamaxic rumal ch'obonic chi ri Ajawaxel in u tewichi'm rumal awech.

Chapletajic 46:1

Ri Israel xutakej ri u be ruc' ronojel ri c'o ruc'. Aretak xopan pa Beerseb, xucoj tabal tok'ob chuwäch ri u Dios ri Isaac ri u tat.

U Camulixic ri Pixab 13:17

C'o jun jasach mic'am canok chque ri jastak ri ya'tal u sachisaxic u wäch mawi c'u jumul cäpe ta na royowal ri Ajawaxel chiwij, cutok'obisaj c'u na i wäch, quixupok'isaj na, jas ri xubij chque ri e i mam;

Chapletajic 39:2

C'o c'ut ri Ajawaxel ruc' ri Jose, rumal ri' ronojel ri cubano, utz quel chuwäch aretak xc'oji' pa rachoch ri aj Ejipt.

Chapletajic 39:3

Ri Potipar xuch'obo chi ri Ajawaxel ri c'o ruc' ri Jose are cäbanowic chi ronojel ri cubano, utz quelic.

Elem 14:13

Ri Moises xubij chque: “Mixe'j iwib. Muban quieb i c'u'x, chiwila' na jas ri cuban ri Ajawaxel camic che i to'ic, mawi c'u jumul quiwil chic qui wäch ri aj ejiptib ri quebiwil camic.

Aj Levitib 26:42

Cänataj c'u na ri nu c'ulwächinic chwe ri nu banom ruc' ri Jacob, ri Isaac, ri Abraham, cänataj na ri ulew chwe,

Aj Levitib 26:45

Quenataj c'u na chwe ri c'ulwächinic ri xinban cuc' aretak xebenwesaj ulok pa Ejipt chquiwäch ri nimak tak tinimit rech quinux qui Dios. In ri' ri Ajawaxel.”

U Camulixic ri Pixab 31:6

Chc'ol i chuk'ab xukuje' co chixc'olok; mixe'j iwib maoc xibriquil iwuc', aretak quixch'ojin cuc', c'o c'u ri Ajawaxel ri i Dios iwuc', man quixutzak ta c'u canok mawi quixuxutuj canok.”

Ri Rut 3:11

Maxe'j awib, nu mia'l, conojel pa ri nu tinimit queta'm chic chi at jun suc'alaj ixok. Rumal ri' quinban na ri catz'onoj chwe.

Nabe Ajawinelab 17:13

Ri Eliy xutzelej u bixic che: “Maxe'j awib. Jät jasuc'umaj ri a bim. Nabe c'u chabana' jun alaj nu lej ruc' ri c'äj ri c'o awuc'; chac'ama' ulok chwe, c'äte chi c'u chebabana' niq'uiaj chic chawe at xukuje' che ri awal.

Juyuwem 3:57

Pa ri k'ij ri chinsiq'uin che la saj la wuc', chbij c'u la chwe: “Maxe'j awib.”