Chapletajic 26:22 - Quiché Bible

²² Ri Isaac xbe naj che ri c'olbal ri', xuc'ot chi c'u jun c'ua'. Man xech'ojin ta chi c'u puwi', xucoj “Torotajic” che u bi', xubij: “Ri Ajawaxel u yo'm chke chi cuya' cujk'inomar waral.”

Chapletajic 26:22 Referans Kwoze

Elem 1:7

are c'u ri aj israelib xepok'ic, sibalaj xeq'uiyiric xec'oji' q'ui calc'ual xc'oji' c'u sibalaj qui chuk'ab. Xnoj ri ulew cumal.

Chapletajic 17:6

Quinbano chi sibalaj queq'uiyir ri e awija'lil; quebel na ajawinelab chquixo'l xukuje' nimak tak tinimit.

Salmib 118:5

Pa ri nu c'axc'obic xinsiq'uij ri Ajawaxel; ri are' xinutatabej, xuya' c'u ri nu torotajic.

Chapletajic 41:52

Ri ucab u c'ojol xucoj Eprain che u bi', xubij c'ut: “Ri Dios u banom chi quec'oji' nu c'ojol pa ri ulew ri xinrik wi c'ax.”

Salmib 18:19

Xinuya' pa ri torotajic; xinto'tajisaj c'u rumal rech chi in lok' chuwäch.

Salmib 4:1

Dios, to'l wech, ¡Chinch'abej la aretak quinsiq'uin che la! Ri lal chi chupam ri nu rikoj c'ax xinto' la. ¡Chtok'obisaj la nu wäch chtatabej la ri nu ch'awem!

Chapletajic 28:3

Ri Dios ri c'o ronojel u cuinem cattewichi'n na, chebuya' ta ba' na e q'ui ri e awija'lil rech chawe quebel wi tinimit tak winak.

Chapletajic 26:21

Xquic'ot chi jun c'ua' ri pataninel tak rech ri Isaac ri xukuje' xech'ojin puwi', ri Isaac xucoj “C'ulelanic” che u bi' ri c'ua' ri'.

Ri Isaiy 54:2

Chanimarisaj ri a lic'om cäbal re binem, maxe'j awib che u liq'uic ri panibal ri at c'o wi chayuku' rakan tak ri tanibal, co chebabajij tak ri ch'ic,

Ri Isaiy 54:3

calic' c'u na awib pa awiquik'ab xukuje' pa a mox k'ab ri e awija'lil quequich'äc na q'ui nimak tak tinimit, quequinojisaj na c'u na ri tinimit tak ri e tolon camic.

Salmib 119:32

Quincowij qui tz'akatisaxic ri e takomal la canojisaj c'u la ri wanima' che quicotemal.