Chapletajic 25:5 - Quiché Bible

⁵ Ri Isaac are xechben ronojel ri u k'inomal ri Abraham.

Chapletajic 25:5 Referans Kwoze

Chapletajic 24:36

Are c'u ri Sara ri rixokil ri wajaw xril u wäch jun ral ala aretak sibalaj nim winak chic, ri wajaw Abraham u yo'm ronojel ri jastak re che ri u c'ojol.

Hebreos 1:2

Pa we q'uisbal tak k'ij ri' xujuch'abej rumal ri C'ojolaxel. Ri xucojo chi are' quechben conojel ri jastak, rumal c'u ri are' xebantaj ronojel ri uwächulew xukuje' ronojel ri c'olic.

Colosenses 1:19

Xraj c'ut ri Dios chi cajeki' ronojel ri are' pa ri Crist,

Gálatas 4:28

Wachalal, ix je jas ri Isaac, ix alc'ualaxelab rumal ri u chi'm ri Dios.

Gálatas 3:29

We ix rech ri Crist, kas ix rija'lil ri Abraham ri', xukuje' echbenelab jas ri u bim ri Dios pa ri u chi'm ulok che ri Abraham.

Romanos 8:32

Ri Dios mawi ne xutok'obisaj u wäch ri u C'ojol, xane' xujach pa cämical rumal kech konojel. ¿La ma ta cusipaj conojel ri jastak chke ruc' ri u C'ojol?

Romanos 8:17

We c'u uj alc'ualaxelab, xukuje' uj echbenelab che ri c'aslemal ri cuya' ri Dios. Cujechben na junam ruc' ri Crist, we junam cäkarik c'ax ruc' ri Crist, rech xukuje' junam cuje' c'ol na pa ri u juluwem.

Ri Xuan 3:35

Ri Tataxel culok'ok'ej ri C'ojolaxel, conojel ri jastak e u yo'm pa u k'ab.

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.

Ri Matey 11:27

Conojel ri jastak xejachtaj chwe rumal ri nu Tat. Man c'o ta jun kas etamaninak u wäch ri C'ojolaxel, xane' xak xuwi ri Tataxel. Man c'o ta jun kas etamaninak u wäch ri Tataxel, xane' xak xuwi ri C'ojolaxel xukuje' jachin tak ri craj wi ri C'ojolaxel u ya'ic retamaxic chque.

Salmib 68:18

Nu Dios, xpaki' la chicaj xec'am tak la bic e alabim; xc'am la tojbal chquixo'l ri winak xukuje' ne' ri man e tal ta tzij xequijach tak quib pa k'ab la, Ajawaxel.

Ri Xuan 17:2

Je jacha' ri yo'm la takanic pa u k'ab puwi' conojel winak, rech cuya' junalic c'aslemal chque conojel ri e yo'm la che.

Chapletajic 24:35

Ri Ajawaxel sibalaj u tewichi'm ri wajaw Abraham, u yo'm u k'inomal: e u yo'm u chij, u wacax, xukuje' u rajil re sak puak re k'an puak, e c'o pataninel tak rech achijab xukuje' ixokib, e c'o u camey, e c'o u bur.

Chapletajic 25:4

Ri e u c'ojol ri Madian e are ri Epa, ri Eper, ri Hanoc, ri Abid, ri Eld. Conojel wa' e rija'lil ri Setura.

Chapletajic 26:14

Xeq'uiyir ri u chij, ri u wacax, xukuje' xeq'uiyir ri pataninel tak rech, rumal ri' xquiäk rayix cumal ri aj pilisteyib.