Chapletajic 24:31 - Quiché Bible

³¹ xubij c'u che: “Saj la lal tewichital rumal ri Ajawaxel. ¿Jas ta che cäcanaj la waral? Nu jamom chi c'u ri u pa ja xukuje' nu jamom jun c'olbal chque ri camey.”

Chapletajic 24:31 Referans Kwoze

Ri Rut 3:10

“¡Ri Ajawaxel chattewichinok!” xcha' ri Booz. “Kas c'u camic a c'utum chi at jic che ri k'etz awachajil. Ya'tal chawe chi xatzucuj jun ri c'ojol ta na chnuwäch in, we meba', we k'inom, man je ta c'u a banom wa'.

Chapletajic 26:29

Chi mawi cäban jun etzelal chke, man c'o ta c'u c'ax ka banom uj chawe. Xuwi c'u utzil ka banom chawe, xatkajach ulok ruc' quicotemal, cätajin c'u cattewichi'x rumal ri Ajawaxel camic.”

Salmib 115:15

¡Ri Ajawaxel, ri xbanow ri caj ulew, chuya' ri u tewichibal chiwe!

K'atal tak Tzij 17:2

ri xuk'alajisaj c'u chuwäch ri u nan, xubij che: “Ri jun mil ruc' jun sient (1,100) sak puak ri xebeläk'ax che la, ri rumal wa' xc'okoj la ri eläk'om, wuc' in c'o wi. In xineläk'an che la; camic c'ut quintzelej che la, xinta' c'ut xbij la chi jachom la pu k'ab ri Ajawaxel rech catak la u banic jun dios ri je'l u banic ri cäch'uk rij ruc' sak puak.” Xutzelej c'u ri sak puak che. Xubij c'u ri u nan: “¡Are ta ri Ajawaxel cattewichinic wal!”

E C'ambal tak Tzij 18:16

Ruc' jun sipanic quejak conojel tak ri oquibal cäban c'u opanem chuwäch ri winak ri nim u banic.

E C'ambal tak Tzij 17:8

Ri u nak'atisam rib che u c'amic u pa k'abaj are' pa u c'u'x chi c'o ta mayibalalaj u cuinem, utz c'u quel pa ronojel ri cubano.

Chapletajic 18:3

Xubij c'ut: “Ajawaxel, quinta' tok'ob che la, bana' la tok'ob mabe la chanim.

Chapletajic 19:2

xubij chque: “Tatayib, bana' alak tok'ob, quinbochi'n chech alak chi cäcanaj can alak pa wachoch che we chak'ab camic. Chila' cach'aj wi ri akan alak, ak'ab chwek cätakej chi ri be alak.” Ri e are' xquibij: “Jayi', sibalaj maltiox cakoc'owisaj na ri ak'ab pa ri be.”

Chapletajic 19:3

Are c'u ri Lot sibalaj xucoj na chuk'ab chque, chuq'uisbalil, ri e are' xquinimaj xebe ruc' cho rachoch. Aretak xebopanic, ri Lot xusuc'umaj jun utzalaj wa'im chque re benak k'ij, xuban caxlanwa man c'o ta ch'am ruc', ri tako'nib aj caj xewa'ic.

Chapletajic 24:30

xril c'u ri mulk'ab xukuje' ri e wikbal k'abaj ri e u cojom chic ri rana'b chque ri e u k'ab, xutatabej c'ut aretak xutzijoj ri xubij ri achi che. Ri Laban xopan ruc' ri pataninel re ri Abraham, ri c'ä c'o cuc' ri camey chunakaj ri c'ua',

Chapletajic 29:13

Aretak ri Laban xuta' u tzijol chi ri Jacob, ral ri rana'b, aninak xbe che u c'ulaxic, xulak'apuj, xuya' rutzil u wäch, xutz'umaj ri u palaj, xuc'am bic cho rachoch. Aretak e c'o chi pa ja, ri Jacob xutzijoj che ri Laban ronojel ri u c'ulmam,