Chapletajic 24:3 - Quiché Bible

³ chabana' ri chi'nic ri kas cäban na pa ri u bi' ri Ajawaxel, ri Dios ri ajchak'e ri caj ulew, chi mac'uluba' ri nu c'ojol Isaac ruc' jun ali ri quel waral pa Canaan jawije' ri in c'o wi,

Chapletajic 24:3 Referans Kwoze

1 Corintios 7:39

Ri ixok ri c'ulanic rajawaxic cäc'oji' ruc' ri rachajil joropa' junab ri cäc'asi ri achi. We c'u cäcäm ri rachajil, cuya' ri' cäc'uli' ruc' jachin ri cäraj wi, xak xuwi we cojonel che ri Ajawaxel.

Ri Nehemiy 13:25

Xinc'anan c'u chque xeben c'okoj c'ut. Jujun chque xebench'ayo xebenmich' che ri qui wi', xebench'ay c'ut chi quibana' ri chi'nic ri kas cäban na, pa u bi' ri Dios chi maquiya' chi c'olbal chi ri e qui mia'l xukuje' ri e qui c'ojol quec'uli' ta cuc' winak ri man e qui winakil taj, mawi quequic'am ta che quixokil ri e qui c'ojol mawi kas chque tak ri e are' ri e quixokib tak wa'. Xinbij chi c'u ne na chque:

Chapletajic 28:8

Jeri' xretamaj ri Esau chi ri u tat man utz ta queril wi ri alitomab aj cananeyib;

Ri Jeremiy 10:11

(Ix, israelib, chibij chque tak ri e k'ijilal diosib: “Ri diosib ri man e are' taj xebanow ri caj mawi ri ulew casach na qui wäch cho ri uwächulew; mawi jun chque cacanaj ta can chuxe' ri caj.)”

Ucab Ajawinelab 19:15

je ch'awem wa' xuban ruc' ri Dios: “Ajawaxel, u Dios ri Israel, ri c'o ri u tem re ajawibal paquiwi' ri aj cajalaj tak to'banelab ri e c'o qui xic': xuwi ri lal lal Dios ri lal c'o paquiwi' conojel ri ajawibal ri e c'o cho ri uwächulew; lal xbanow la ri caj xukuje' ri ulew.

Elem 34:16

o quequic'ulba' ta ne ri qui mia'l cuc' tak ri i c'ojol, aretak c'ut quequik'ijilaj tak ri e qui diosib, quequitakchi'j ta c'u ne tak ri e i c'ojol che u mejic quib chquiwäch che qui k'ijilaxic.

Ri Nehemiy 9:6

Xubij c'ut ri Esdras: “Lal ri' ri Ajawaxel, man c'o ta chi c'u jun. Lal xbanow la ri caj xukuje' ri sibalaj chicaj na che ri caj, xukuje' conojel tak ri e u ch'imil; xban la ri ulew xukuje' ronojel ri c'o chuwäch, ri plo xukuje' ronojel ri e c'o chquipam. Lal cäyo'w la qui c'aslemal conojel ri jastak. Rumal ri' cäk'ijilax la cumal tak ri ch'imil re ri caj.

Ucab Tzijobelil 2:12

Xutik c'ut: “¡Tewichital ri Ajawaxel, ri u Dios ri Israel, ri xbanow ri caj xukuje' ri ulew, u yo'm c'u che ri ajawinel David jun u c'ojol ri c'o u no'j, ri tijom xukuje' utzalaj cächomanic, ri cuyaca' jun rachoch ri Ajawaxel xukuje' jun rachoch ajawinel che are'!

Ri Josue 2:12

Rumal ri' quintz'onoj chiwe chi chibana' ri chi'nic ri kas cäban na chnuwäch waral, rumal ri Ajawaxel, chi quitok'obisaj qui wäch ri walaxic, je jas ri tok'obisam wächaj ri xinban in chiwe. Chiya' c'u jun etal chwe ri quinjiquiba' ta wi nu c'u'x,

U Camulixic ri Pixab 10:20

Nim chiwila' wi ri Ajawaxel ri i Dios, xuwi ri are' chik'ijilaj; chixbin jic chuwäch, aretak c'ut rajawaxic quiban na jun chi'nic ri kas cäban na, chibana' pa ri u bi'.

U Camulixic ri Pixab 6:13

Chik'ijilaj ri Ajawaxel ri i Dios, xuwi ri are' chipatanij. Aretak c'u rajawaxic quiban ri chi'nic ri kas cäban na, chibij xuwi pa ri u bi' ri Ajawaxel.

Ajilanic 5:21

chubana' ri Ajawaxel chawe chi catux jun c'utbal re c'okotajic chuwäch ri tinimit, chubana' c'ut chi chsipoj ri a pam xukuje' chi xa chattzakanok.

Elem 23:13

Chibana' ronojel ri nu bim chiwe, mawi c'u jumul mätatajic chi quel ulok pa i chi' ri qui bi' ri jule' tak diosib chic.”

Elem 20:7

Itzel u cojic ri u bi' ri Ajawaxel ri a Dios mabano, ri are' c'ut man cuya' ta c'u can ri winak chi xak ta jeri' chi ma ta cuc'äjisaj u wäch ri itzel u cojic ri u bi' cubano.

Chapletajic 50:25

Xuban c'ut chi ri e u c'ojol ri Israel chi cäquiban ri chi'nic ri kas cäban na chnuwäch xubij c'u chque: “Ri quinbij chiwe, ri Dios cäpe na che iwesaxic bic waral. Aretak cäc'ulmataj wa', quic'am na bic ri nu bakil iwuc' pa Canaan, miya' can waral.”

Chapletajic 27:46

Ri Rebec xutzijobej ri Isaac, xubij che: “Ri in sibalaj in k'itajinak chi che ri c'aslemal, u mac quech ri alitomab aj hititib ri xec'uli' ruc' ri Esau. We ri Jacob cäc'uli' ruc' jun chque ri aj hititib ri e c'o waral pa Canaan, are utz na we quincämic.”

Chapletajic 21:23

Rumal ri' chabana' ri chi'nic ri kas cäban na pa ri u bi' ri Dios, kas pa we c'olbal ri', chi man c'o ta lawaloyil cäban na chke mawi chwe in mawi chque ri walc'ual mawi chque ri e awija'lil. Chabanaa' ri chi'nic ri kas cäban na chi cäban na ri utzil chwe jacha' ri nu banom chawe, chi junam cäban na chque ri winak ri e re we ulew ri' jawije' ri at jekel wi camic.”

Chapletajic 14:19

Xutewichi'j ri Abram, xubij: “Chatutewichi'j ri Dios aj chicaj, ri xbanow ri caj ulew;

Chapletajic 6:4

Ri nimak tak achijab xec'utun cho ri uwächulew aretak ri e ralc'ual ri Dios xcuc'aj quib cuc' tak ri e qui mia'l ri achijab rech quec'oji' calc'ual cuc', chumatam chi c'ut. E are tak wa' ri xebux nimak tak qui k'ij pa tak ri ojer tak k'ijol.

Chapletajic 6:2

ri e ralc'ual ri Dios xquilo chi ri alitomab ri' sibalaj e je'lic. Xequicha' quixokil chquixo'l, xec'uli' c'u cuc' jachin ri xcaj wi.

Hebreos 6:16

Aretak ri winak cuban ri chi'nic ri kas cäban na, cäquicoj ri u bi' jun ri nim na chquiwäch, aretak caquijiquiba' jun chi'nic ri kas cäban na, man c'o ta chi u c'ulelaxic.

Ri Soponiy 1:5

Quinsachisaj na qui wäch ri quepaki' paquiwi' tak ri ja che qui k'ijilaxic tak ri ch'imil, xukuje' tak ri quexuquic ri quequiban ri chi'nic ri kas cäban na pa ri nu bi' xukuje' pa ri u bi' ri dios Milcom.

Ri Jeremiy 12:16

Kas c'u ne tzij e are' xetijon ri nu tinimit che u banic ri chi'nic ri kas cäban na pa ri u bi' ri Baal, are c'u ri camic cuya' quejeki' pa u niq'uiajil ri nu tinimit, we kas caquic'amowaj ri u cojonic ri nu tinimit cäquiban ri chi'nic ri kas cäban na pa ri nu bi' je ta c'u cubij wa': ‘Rumal ri u c'aslemal ri Ajawaxel.’

Ri Jeremiy 4:2

c'äte c'u ri' catcuinic caban ri chi'nic ri kas cäban na pa ri nu bi' ruc' kastzij, suq'uilal xukuje' colomal. Ri nu bi' cux na chque ri nimak tak tinimit che tewichibal xukuje' che k'ijilanic.

Ri Isaiy 65:16

Apachin ta ne ri c'o pa ri ulew ri cutz'onoj jun tewichibal, cutz'onoj na che ri Dios ri jic apachin ta ne ri c'o pa ri ulew ri cuban jun chi'nic ri kas cäban na, cuban na pa ri u bi' ri Dios ri jic. Ri c'axc'ol ri e re ojer xeboc'owic, man quec'utun ta chi chnuwäch.

Ri Isaiy 48:1

“Chatatabej wa', ralaxic ri Jacob, ri cojom Israel che a bi' at rija'l c'u ri Juda ri caban ri chi'nic ri kas cäban na pa ri u bi' ri Ajawaxel ri canataj ri u bi' ri u Dios ri Israel, pune' man ch'ajch'oj ri awanima' mawi at jicom

Ri Isaiy 45:23

Kastzij xincha', pa ri nu bi' xinban jun chi'nic ri kas cäban na ruc' colomal, chi conojel cäquimej na ri qui ch'ec chnuwäch, chi conojel cäquiban ri qui chi'nic ri kas cäcan na ruc' ri qui chi' pa ri nu bi'.

Salmib 115:15

¡Ri Ajawaxel, ri xbanow ri caj ulew, chuya' ri u tewichibal chiwe!

Nabe Samuel 20:17

rumal rech chi ri Jonatan sibalaj ulok' ri David, xuban ri chi'nic ri kas cäban na, xcha' chi che jumul sibalaj c'u culok'ok'ej je ta ne ri kas are' chbil rib.

Aj Levitib 19:12

Mebaban tak chi'nic ri xak e cawäch pa ri nu bi', cawawasij c'u ri u bi' ri a Dios. In ri' ri Ajawaxel.

Elem 22:11

ri winak ri' cuban na jun chi'nic ri kas caban na pa u bi' ri Ajawaxel chuwäch ri ajchak'e ri awaj chi man xutzak ta u k'ab che ri okxanim ruc'. Ri ajchak'e ri awaj cuc'am na u k'abal ri xbix che, man c'o ta cutoj na ri jun chic.

Chapletajic 14:22

Ri Abram xubij che ri ajawinel re Sodom: “Xinban ri chi'nic ri kas cäban na in chokinak chuwäch ri Ajawaxel, chi ri Dios aj chicaj ri xbanow ri caj ulew,

Chapletajic 24:7

Ri Ajawaxel ri ajchak'e ri caj, ri xinesan ulok cho rachoch ri nu tat pa ri qui culew ri wachalaxic, ri xukuje' xubij chi cuya' we ulew ri' chque ri e wija'lil, cutak na ulok ri u tako'n aj caj rech cänabej bic chawäch, cäc'am c'u ulok jun rixokil ri nu c'ojol.

Chapletajic 28:1

Ri Isaac xusiq'uij ri Jacob, xutewichi'j, xuya' we takanic ri' che, xubij: “Matc'uli' ruc' jun ali aj waral.

Chapletajic 47:31

“¡Chabana' ri chi'nic ri kas cäban na chwe!,” xcha' ri u tat. “Quinban ri chi'nic ri kas cäban na,” xcha' ri Jose che. Are' c'u ri Israel xtzali chuwäch ri u jolom ri u ch'at.

K'atal tak Tzij 14:3

Are c'u ri u nan u tat xquibij che: “¿Jasche catbe che u tzucuxic awixokil chquixo'l ri aj pilisteyib ri man queta'm ta u wäch ri Dios? ¿La xa pu man c'o ta chi ixokib chquixo'l ri kachalaxic o chquixo'l conojel ri aj israelib?” Ri Sanson xubij: “Are ali wa' ri cäkaj chnuwäch, are wa' ri quinwaj quinc'ama' che wixokil.”

Salmib 136:26

¡Chiya' maltioxinic che ri Dios aj caj, junalic c'ut ri u lok'ok'ebal c'u'x!

Chapletajic 34:9

chixoc che kachalaxic; jeri' ri uj cujc'uli' na cuc' ri i mia'l xukuje' ri ix quixc'uli' na cuc' ri ka mia'l uj.

Chapletajic 38:2

Chila' c'o wi aretak xretamaj u wäch ri u mia'l jun aj cananey, Sua u bi', xc'uli' c'u ruc'.

Nabe Samuel 30:15

Ri David xuban we c'otoj chi'aj ri' che: “¿La cawaj quinac'am bic jawije' e c'o wi we eläk'omab ri'?” Ri aj ejipt xutzelej u bixic: “We cäban la ri chi'nic ri kas cäban na chuwäch ri Dios chi man quincämisaj ta la mawi quinjach la pu k'ab ri wajaw, quinc'am be la c'ä jawije' ri e c'o wi.”

Ri Esdras 5:11

Ri e are' xquitzelej u bixic chke chi are caquik'ijilaj ri Dios ri aj chak'e ri caj xukuje' ri uwächulew, cätajin c'u caquiban u banic u yaquic ri Rachoch Dios, ri sibalaj ojer utzalaj u yaquic xban can rumal jun ajawinel ri sibalaj nim u banic pa Israel.

Ri Jeremiy 29:6

Chixc'ulanok, chec'ol i c'ojol xukuje' tak i mia'l, xukuje' c'u ri e are' chec'ulanok chec'ol c'u calc'ual. Chixq'uiyirok c'u chila', mabe c'ut i q'uisic.