Chapletajic 24:27 - Quiché Bible

²⁷ je xubij wa': “¡Tewichital ri Ajawaxel, ri u Dios ri wajaw Abraham, uxinak c'u jic xukuje' utz ranima' ruc' ri wajaw, u c'amom c'u nu be pa ri be ri copan cho cachoch ri e rachalaxic.!”

Chapletajic 24:27 Referans Kwoze

Chapletajic 24:48

Xinxuqui' c'ut xink'ijilaj ri Ajawaxel; xinya' u k'ij ri Ajawaxel ri u Dios ri wajaw Abraham, rumal chi u c'amom nu be pa suc'alaj be che u c'amic ri u mia'l ri rachalaxic ri wajaw Abraham che rixokil ri u c'ojol.

Salmib 98:3

man resam ta ri lok'ok'ebal u c'u'x xukuje' ri u jicomal puwi' ri u tinimit Israel. ¡C'ä pa ri q'uisbal u jutz' ri uwächulew ilitajinak wi ri u ch'äcanic ri ka Dios!

Chapletajic 32:10

Man takal ta chwe ri utzil ri banom la chwe, amak'el c'ut banom la ri bim la. In xink'ax chupam we nima' Jordan ri', man c'o ta jas wuc'am xak xuwi ri nu ch'ämiy, camic c'ut e wuc'am chi cak'at winak xukuje' cak'at awaj.

Chapletajic 24:12

Xuchaplej c'u u banic ch'awem ruc' ri Dios, xubij: “Ajawaxel u Dios ri wajaw Abraham, bana' la chi utz quinel camic, c'utu' ri utzil la ruc' ri wajaw Abraham.

Nabe Samuel 25:32

Ri David xutzelej u bixic xubij che: “Tewichi'm ba' ri Ajawaxel, ri u Dios ri Israel, chi xatutak ulok camic che nu c'ulaxic,

Ri Rut 4:14

Xquibij c'ut ri ixokib che ri Noemi: “¡Chk'ijilax ba' ri Ajawaxel chi u yo'm jun u wi' a mam ri coc na il chawe! ¡C'o ta banom wi chi ri u wi' a mam chux ta na nim u banic pa Israel!

Elem 18:10

xubij c'ut: “Tewichital ri Ajawaxel, ri xixesan ulok pa u k'ab ri ajawinel xukuje' pa qui k'ab ri aj ejiptib; xixresaj pa u k'ab ri banal c'ax

Ri Lucax 1:68

“Chnimarisax u k'ij ri Ajawaxel ri qui Dios ri aj Israel, rumal rech chi xebulusolij ri u winak, xebucolo.

E C'ambal tak Tzij 3:6

Chaya' u k'ij ri u c'olem ri Ajawaxel pa ronojel ri cabano, chnataj ri Ajawaxel chawe, are' c'u catc'amow na bic pa ri suc'alaj be.

Salmib 100:5

Utz c'ut ri Ajawaxel; ri u lok'ok'ebal c'u'x junalic, ri u jiquil man c'o ta u q'uisic.

Ucab Samuel 18:28

Xnakajin c'u ri Ahimaas, xupachba' c'u rib c'a cho ri ulew chuwäch ri ajawinel, xuya' rutzil u wäch xubij' c'ut: “Tewichital ri Ajawaxel, ri Dios la, rumal rech chi e resam ri qui walijisam tak quib chi'j la.”

1 Timoteo 1:17

Ri Dios are ri Ajawinel chbe k'ij sak, man cäsach ta u wäch, man quilitaj ta u wäch. Ri are xa' jun Dios, man c'o ta chi jun. Chnimarisax u k'ij, chyok juluwem che amak'el chbe k'ij sak. Je chbanok.

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

Ri Xuan 1:17

Ri pixab xya' rumal ri Moises, are c'u ri tok'ob xukuje' ri kastzij rumal ri Jesucrist.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

E C'ambal tak Tzij 8:20

In in benak pa ri suc'alaj be, pa ri alaj latz' be re suq'uilal.

Salmib 68:19

¡Tewichital ri Ajawaxel, ri ka Dios xukuje' ka colonel, k'ij chi k'ij cuc'am bic ri keka'n!

Nabe Samuel 25:39

Aretak xretamaj ri David chi xcäm ri Nabal, je xubij wa': “Tewichital ba ri Ajawaxel, chi u yo'm rajil u q'uexel ri etzelel ri xuban ri Nabal chwe. In u to'tajisam che u banic ri etzelal, u banom c'ut chi ri retzelal ri Nabal xkaj puwi' ri Nabal.” Oc'owinak chi c'u wa' xtakan ri David ruc' ri Abigail che u bixic c'ulanem che.

Elem 2:13

Xel chi c'u bic ri Moises chucab k'ij, xeril chic quieb achijab aj hebreyib ri quech'ojinic, xuc'ot u chi' ri cätajin cuch'ay ri jun chic: “¿Jasche cach'ay ri kas a winakil?”

Elem 2:11

Aretak achi chic ri Moises, xurika' jun k'ij xel bic che qui solixic ri e u winakil, xril c'ut chi sibalaj c'ax ri chac ri e takom che u banic. Xril jun achi aj ejipt ri cätajin cuch'ay jun aj hebrey u winakil ri Moises.

Chapletajic 24:42

Jewa' ri wopanic chuchi' ri c'ua', pa ri nu ch'awem ruc' Dios ri xinbano, xinbij che ri Ajawaxel ri u Dios ri wajaw Abraham: ‘We kastzij chi cäban la chi utz quel ri nu binem,

Chapletajic 24:21

Are c'u ri pataninel xak xca'y che man c'o ta jas xubij are c'u craj kas cäretamaj chi ri Ajawaxel u banom chi utz elinak che ri u binem.

Chapletajic 24:4

xane' catbe na pa ri wulew, cacha' na ulok jun rixokil ri nu c'ojol chquixo'l ri wachalaxic.”

Chapletajic 14:20

chyo'k ba' u k'ij ri Dios aj chicaj, ri xatuto' che qui ch'äquic ri a c'ulel.” Ri Abram xuya' che ri Melquisedec ri lajujil re ronojel ri u tok'im ulok.

Chapletajic 13:8

Xurika' c'u jun k'ij ri Abram xubij che ri Lot: “Ri at xukuje' ri in kachalaxic kib, rumal ri' man utz taj cäc'oji' ch'o'j chkaxo'l, mawi chquixo'l ri awajyuk'ab cuc' ri e wech.

Chapletajic 9:26

Xubij chi c'ut: “Chi ri Ajawaxel ri nu Dios chtewichi'n ri Sem, are' c'u ri Canaan chux u lok'om pataninel.

Chapletajic 32:11

¡Bana' ba' la tok'ob, chinto' la pa u k'ab ri wachalal Esau! Quinxe'j wib we ne petinak che u banic c'ax chwe, we ne quebucämisaj ri wixokil xukuje' ri alaj tak alabom.

Elem 34:6

Xoc'ow chuwäch ri Moises, je xubij wa' co u bixic ri kas u bi' xubij: “¡Ri Ajawaxel! ¡Ri Ajawaxel! ¡Dios junalic, xukuje' tok'obisal wächaj, coch'onel xukuje' nim pa lok'ok'ebal c'uxaj xukuje' kastzij!