Chapletajic 23:20 - Quiché Bible

²⁰ Jewa' xuban ri Abraham che rechbexic ri ulew rachilam ri pec ri c'o pa ri ulew, ri xquic'ayij ri aj hititib che mukubal.

Chapletajic 23:20 Referans Kwoze

Ucab Ajawinelab 21:18

Aretak xcämic, xmuk chupam ri ticbal cotz'i'j ri c'o nakaj che ri rachoch chupam ri ticbal u cotz'i'j ri Uza. Are chi c'u xajawin ri u c'ojol chupam ri u c'olbal, ri Amon u bi'.

Ucab Samuel 24:24

Xutzelej c'ut u bixic ri ajawinel: “Quinmaltioxij chawe, quinlok' c'u na ronojel chawe quintoj na joropa' ri rajil, man quebenchi'j ta na ri nu sipanic chuwäch ri Ajawaxel ri nu Dios ri ma ta e nu lok'om.” Xulok' c'u na ri David ri c'olbal ri' xukuje' tak ri ama'ib tak wacax chi cawinak lajuj (50) sak puak,

Chapletajic 50:13

xquic'am bic pa Canaan, xquimuk pa ri mukubal ri c'o pa ri ulew re Macpel ri u lok'om can ri Abraham che ri Epron ri aj hitit che qui mukubal ri rachalaxic. We ulew ri' xukuje' ri mukubal, c'o chunakaj ri Mamre.

Chapletajic 50:5

chi aretak cämic cuban ri nu tat, xubij chwe chi quinban ri chi'nic ri kas cäban na chuwäch, chi quinmuk na chupam ri u mukubal ri u suc'umam canok c'o c'u pa ri ulew Canaan. Je c'u ri' quintz'onoj jun tok'ob che, chi cuya' quieb oxib k'ij chwe che u mukic ri nu tat, xuwi c'u cämuktaj canok, quintzelej ulok.”

Chapletajic 25:9

Xmuk pa Macpel cumal ri quieb u c'ojol, ri Isaac xukuje' ri Ismael, pa ri ulew ri c'o pa elebal k'ij che ri Mamre pa rulew ri Epron (ri Zohar are' ri u tat ri Epron, ri aj hitit). Chila' xmuk wi ri Abraham chuxcut ri Sara ri rixokil.

Chapletajic 10:15

Ri u nabeal ri Canaan are ri Sidon; Het u bi' ri chak'axel.

Chapletajic 23:4

“Pune' man in ta i winakil chixo'l, chic'ayij jun mukubal chwe ri quinmuk wi ri wixokil ri xcämic.”

Chapletajic 23:19

Xumuk c'u ri Abraham ri Sara, ri rixokil pa ri pec ri c'o pa ri ulew re Macpel, pa elebal k'ij che ri Mamre, ri xukuje' cäbix Hebron che, we c'olbal ri' c'o pa Canaan.

Chapletajic 25:10

We ulew ri' are wa' ri u lok'om can ri Abraham chque ri aj hititib. Chila' xmuk wi ri Abraham chuxcut ri Sara ri rixokil.

Chapletajic 49:29

C'o jun k'ij ri Jacob xuya' we takanic ri' chque ri ralc'ual, xubij: “Xa co'l man quincämic. Aretak quincämic, chinimuku' cuc' ri e nu mam, pa ri mukubal ri c'o pa ri rulew ri Epron ri aj hitit,