Chapletajic 23:2 - Quiché Bible

² xcäm pa Quiriat-arba, are wa' ri tinimit Hebron ri c'o pa Canaan. Ri Abraham xrok'ej ri u cämical ri Sara, xuchajij u bisoxic.

Chapletajic 23:2 Referans Kwoze

Chapletajic 23:19

Xumuk c'u ri Abraham ri Sara, ri rixokil pa ri pec ri c'o pa ri ulew re Macpel, pa elebal k'ij che ri Mamre, ri xukuje' cäbix Hebron che, we c'olbal ri' c'o pa Canaan.

Chapletajic 13:18

Je c'u ri', ri Abram xuwalijisaj bic ri u lic'om rachoch, xejekel pa ri c'ache'laj aj räx che' ri rech jun achi Mamre u bi', chunakaj ri tinimit Hebron. Chila' xuyac wi jun porobal che u ya'ic u k'ij ri Ajawaxel.

Nabe Tzijobelil 6:57

Chque ri e rija'lil ri Aaron xjach wi ri Hebron, tinimit to'bal ib, e c'o chi c'u wi na ri alaj tak u tinimit ri Libna, Jatir, Estemo,

K'atal tak Tzij 1:10

Xukuje' xech'ojin cuc' ri aj cananeyib ri e c'o pa Hebron, ri cäbix Quiriat-arb che nabe, xquich'äc c'u ri Sesay, ri Ahiman xukuje' ri Talmay.

Hechos 8:2

Jujun tak achijab ri e nimanelab che ri Dios, xquimuk ri Estebn, sibalaj c'u xcok'ej.

Ri Xuan 11:35

Xok' ri Jesus.

Ri Xuan 11:31

Are c'u ri aj judeyib ri e c'o ruc' cho rachoch, ri cätajin cäquicu'bisaj u c'u'x, aretak xquilo chi ri Mariy aninak xwalijic xel bic, xquiterenej bic. Are pa qui c'u'x chi cäbec jawije' ri mukutal wi, che ok'ej chila'.

Ri Jeremiy 22:18

Ri Ajawaxel je cubij wa' che ri cuc'ulmaj na ri Joasim, u c'ojol Josiy, ajawinel re Juda: “Man c'o ta jachin jun cok'em ta na ri u cämical. Man c'o ta jachin jun cok'ic ri cubij ta c'u na: ‘¡Uy, wachalal! ¡Uy wanab! ¡Uy, Ajawaxel! ¡Uy, Ajawinel!’

Ri Jeremiy 22:10

Miwok'ej ri ajawinel Josiy, miwok'ej ri u cämical; are chi wok'ej ri Salum ri u c'ojol, ri cäbec man cätzelej ta chi c'u ulok mawi c'u jumul cäril ta chi na ri ulew ri xalax wi. Jewa' cubij ri Ajawaxel che ri cuc'ulmaj na ri Salum, u c'ojol ri Josiy, ajawinel re Juda, ri xcanaj can che u q'uexwäch ri u tat puwi' ri tem re ajawibal, xel c'u bic chupam we c'olbal ri': “Man cätzelej ta chi c'u na ulok,

Ucab Tzijobelil 35:25

Ri Jeremiy xusuc'umaj jun bix re cämical che u ya'ic u k'ij. C'ä pa ri k'ij camic ri bixonelab chi achijab chi ixokib caquinataj ri Josiy chquipam tak ri qui bix re cämical. We bix tak ri' e nak'atisam qui banic pa Israel e tz'ibatal c'ut chquixo'l tak ri bix ri e je tak wa'.

Ucab Samuel 5:5

Pa Hebron xajawin wukub (7) junab ruc' niq'uiaj puwi' ri Juda, aretak c'o chic pa Jerusalen xajawin juwinak oxlajuj (33) junab puwi' ronojel ri Israel xukuje' puwi' ri Juda.

Ucab Samuel 5:3

Je c'u wa' ri xbanic, conojel ri nimak tak tatayib ri e c'o pa Israel xebe che u ch'abexic ri ajawinel David pa Hebron, xuban c'u jun c'ulwächinic cuc', xquicoj c'u ri Ajawaxel che k'alajisanel. Xquijamij c'u aseit puwi' ri David rech cacanaj che ajawinel puwi' ri Israel.

Ucab Samuel 2:11

Ri David xux ajawinel wukub junab ruc' wakib ic' pa Juda, ri tinimit ri xajawin wi are' ri Hebron.

Ucab Samuel 1:17

Ri David xubixoj we bisobal ri' rumal ri u cämical ri Saul xukuje' ri Jonatan.

Ucab Samuel 1:12

xebok' c'ut xquibisoj ri u cämical ri Saul, xukuje' ri Jonatan ri u c'ojol, xukuje' rumal ri tzakmajic ri xquic'ulmaj ri aj israelib ri e rajch'ojab ri Ajawaxel Dios, man xquitij ta c'u wa c'a xkaj na ri k'ij.

Nabe Samuel 28:3

Pa tak ri k'ij ri' cäminak chic ri Samuel conojel c'ut ri pa Israel cok'em ri u cämical, aretak c'u xbantaj wa' qui mukum chic pa Rama, are c'u kas u tinimit wa'. Ri Saul, e resam chi bic pa ri ulew ri ch'obonelab xukuje' ri quetzijon cuc' cäminakib.

Nabe Samuel 20:31

Joropa' c'u k'ij cäc'asi cho we ulew ri', mawi ri at mawi ri awajawinic co e c'olic. Chattakan ba' che u tzucuxic chac'ama' c'u ulok chnuwäch, ¡takal c'u che chi cäcämic!”

Ri Josue 20:7

Ri aj israelib xequicha' c'ut we tak tinimit ri' che to'bal ib ri Seds pa Galiley, pa tak ri u c'ache'laj ri Neptali, ri Siquem pa tak ri u juyub ri Eprain, xukuje' ri Quiriat-arba, ri xukuje' cäbix Hebron che, pa tak ri u juyub ri Juda.

Ri Josue 10:39

xquicämisaj ri rajawinel ruc' ch'ich' re ch'o'j xukuje' tak ri winak ri e c'o che u c'ulja tak ri tinimit. Mawi ta c'u ne xa ta jun aj Debir xc'asi' ta canok; conojel xsachisax qui wäch, jacha' ri xquiban che ri Hebron ri Libna xukuje' tak ri cajawinelab.

U Camulixic ri Pixab 34:8

Ri aj israelib juwinak lajuj (30) k'ij xcok'ej ri Moises pa ri chaki'j uwo sak re Moab, je c'u xquiban wa' che u tz'akatisaxic ri k'ij re ok'ej xukuje' re bisonic rumal ri u cämical.

Ajilanic 20:29

Aretak xoc pa qui jolom ri aj israelib chi xcäm ri Aaron juwinak lajuj k'ij xcok'ej.

Ajilanic 13:22

Xebocbic pa ri Negueb xebopan c'u pa Hebron. Chila' e jekel wi ri Ahiman, ri Sesay xukuje' ri Talmay, e rija'lil ri Anac. Wukub junab yacom chic ri Hebron aretak xyac ri Zoan pa Ejipt.

Chapletajic 50:10

Aretak xebopan pa Goren-ha-atad ri c'o pa elebal k'ij che ri nima' Jordan, xquiban jun nimalaj ok'ej chila' che u bisoxic ri Jacob. Ri Jose wukub k'ij xrok'ej ri u tat chila'.

Chapletajic 27:41

Kas chi' c'ut ri Esau xretzelaj u wäch ri Jacob, rumal ri tewichibal ri xya' che rumal ri u tat, xubij: “Xak pa quieb oxib k'ij, cäcäm ri nu tat, aretak c'u cäminak chic, quincämisaj ri Jacob ri nu chak'.”

Chapletajic 23:1

Ri Sara xc'asi' jun sient ruc' juwinak wukub (127) junab,

Chapletajic 24:67

Ri Isaac xroquisaj bic ri Rebec chupam ri rachoch ri Sara ri u nan, xc'uli' c'u ruc'. Ri Isaac sibalaj xulok'ok'ej ri Rebec, jeri' xcu'bi' u c'u'x man xubisoj ta chic ri u cämical ri u nan.

Chapletajic 35:27

Ri Jacob xbe che u ch'abexic ri u tat pa Mamre, ri tinimit ri xukuje' cäbix Arba che o Hebron. Chila' c'u xc'oji' wi ri Abraham xukuje' ri Isaac.

Chapletajic 37:14

Ri Israel xubij che: “Jät ba', jawila' jas qui banom ri awachalal xukuje' ri chij, cattzelej c'u ulok chanim che u bixic chwe.” Pa ri ulew Hebron c'o wi ri Israel, aretak xutak bic ri Jose pa Siquem,

Ri Josue 15:13

Ri Josue xuya' che ri Caleb, ri u c'ojol ri Jepon, jubik' rulew ri ramak' ri Juda. Je jas ri takanic ri u yo'm ri Ajawaxel, xuya' ri Quiriat-arba che, che u bixic, Hebron, tinimit ri nim u k'ij chquiwäch ri e rija'l ri Anac ri tac'atak rakan.

Ri Josue 15:54

Humta, Quiriat-arba (ri xukuje' cäbix Hebron che), xukuje' Sior, belejeb tak tinimit e cachil ri e qui k'ab tak qui tinimit.

Ri Josue 21:11

Pa ri c'ache'laj ulew re ri Juda xeya' ri Quiriat-arba chque, ri u bixic, ri Hebron, u chuch qui tinimit ri e u k'ab tak rachalaxic ri tac'atic Anac, e cachil tak ri qui juyub re yuk'bal.

Ri Nehemiy 11:25

Jujun chque ri aj ramak' ri Juda xquijekeba' quib pa Quiriat-arb, pa Dibon, pa Jecabseel,

Chapletajic 50:1

Are c'u ri Jose xulak'apuj ri u cuerp ri u tat, xutz'umaj, xukuje' xrok'ej u wäch.

Nabe Samuel 25:1

Xcäm ri Samuel, conojel c'ut ri aj israelib xquimulij quib che rok'exic ri u cämical. Xquimuk pa ri rachoch, ri c'o pa Rama. Xuwi c'u xbantaj wa' ri David xbe pa ri chaki'j uwo sak re Paran.