Chapletajic 22:3 - Quiché Bible

³ Chucab k'ij sibalaj ak'ab xwalij ri Abraham, xucoj reka'bal ri u bur; xuc'al ri si' ri cucojo che ri tabal tok'ob ri cächajirisaxic, xbe pa ri c'olbal ri xbix che rumal ri Dios, junam xebe ruc' ri Isaac ri u c'ojol. Xachilax bic cumal quieb pataninel tak rech.

Chapletajic 22:3 Referans Kwoze

Salmib 119:60

Wanextam c'ut, man xinbey ta wib che qui nimaxic tak ri e takomal la.

Ri Matey 10:37

Apachin ri are lok' na ri u tat o ri u nan chnuwäch in, man in takal ta che; apachin ri are lok' na ri u c'ojol o ri u mia'l chnuwäch in, man in takal ta che.

Ri Lucax 14:26

“We c'o jun cäpe wuc', ma ta c'u in lok' chuwäch, chuwäch ri u tat, u nan, rixokil, ralc'ual, rachalal xukuje' rana'b, xukuje' ne ri u c'aslemal, man cäcuin taj cux nu tijoxel.

Gálatas 1:16

xuk'alajisaj ri u C'ojol chnuwäch, rech quintzijoj chquixo'l ri man aj judeyib taj. Aretak xc'ulmataj wa' man xinta' ta nu no'j che jun winak.

Ri Tzijonel 9:10

Ronojel c'ut ri c'o pa a k'ab che u banic, chabana' ruc' ronojel chuk'ab, rumal rech chi pa ri mukubal, ri catetac'al wi na, ma c'o ta jas cabanic mawi c'o jas cächomax chic, mawi c'o chic etamanic mawi no'j.

Chapletajic 21:14

Sibalaj ak'ab chucab k'ij, ri Abraham xuya' bic wa che ri Agar xukuje' jun c'olbal ja' re tz'um nojinak che ja'; xuya' bic cho rachak, xujach c'u bic ri Ismael pa u k'ab. Quiwil iwib xcha' bic chque. Xbe ri Agar, pa ri chaki'j uwo sak re Beerseb, man reta'm ta c'ut jawije' cäbe wi.

Chapletajic 17:23

Kas pa ri k'ij ri' ri Abraham xukopij ri u wi' ri u tz'umal ri achi wi ri Ismael, ri u c'ojol, che retal. Xebuc'am ri pataninel tak rech ri xebalax pa ri rachoch, xukuje' ri xelok' ruc' puak, conojel ri achijab ri e c'o pa rachoch xekopix ri u wi' ri qui tz'umal ri achijab wi che quetal, jas ri xtak wi rumal ri Dios.

Hebreos 11:8

Rumal ri cojonic, ri Abraham aretak xsiq'uixic, xnimanic xbe pa ri c'olbal ri cuc'am na che rechbal. Xel bic, pune' man reta'm ta c'ut jawije' cäbe wi.

Chapletajic 22:2

Ri Dios xubij che: “Chac'ama' ri Isaac, ri a c'ojol ri xa jun ri sibalaj lok' chawäch, jät pa ri ulew Mor. Aretak catopan chila', chachi'j che tabal tok'ob ri cächajirisaxic puwi' jun chque ri juyub ri quinc'ut na chawäch.”

Chapletajic 22:4

Churox k'ij ri Abraham xril apan ri c'olbal chi naj.

Chapletajic 22:18

conojel c'ut ri nimak tak tinimit cho ri uwächulew caquirik na tewichibal rumal quech. Rumal rech chi at nimaninak chwe.’ ”

Ri Josue 8:10

Chucab k'ij, sibalaj ak'ab xwalij ri Josue xebusolij ri u winak. Xuya' c'u rib chquiwäch, junam cuc' ri e qui rija'l ri Israel, xebe c'u che u banic ch'o'j ruc' ri Hai.

Ri Josue 3:1

Chucab k'ij, sibalaj ak'ab, ri Josue xukuje' conojel ri aj israelib xebel bic pa Sitim xebopan chuchi' ri nima' Jordan c'ä majok c'u que k'axic xekaj na chila'.