Chapletajic 22:16 - Quiché Bible

¹⁶ xubij c'u che: “Ri Ajawaxel jewa' u bim: ‘Rumal chi xaban ri xinbij chawe, man xak'il ta c'u u ya'ic ri a c'ojol chwe, pune' ta ne xa jun, quinban ri chi'nic ri kas cäban na pa ri nu bi'. Sibalaj c'u catintewichi'j na.

Chapletajic 22:16 Referans Kwoze

Ri Lucax 1:73

Are wa' ri chi'nic ri kas cäban na ri kas xubij u bixic che ri Abraham ri ka mam,

Salmib 105:9

rech ri c'ulwächinic ri xuban ruc' ri Abraham, che ri chi'nic ri kas cäban na ri xuban che ri Isaac

Ri Jeremiy 51:14

Ri Ajawaxel ri c'o ronojel u cuinem cuban ri chi'nic ri kas cäban na rumal ri u c'aslemal: “¡Catinnojisaj chque tak a c'ulel, e jacha' ta ne sac', ri e are' caquibixoj na ch'äcanic pawi'!”

Ri Jeremiy 49:13

In, ri Ajawaxel, quinban na ri chi'nic ri kas cäban na, quincha' pa nu bil wib: Ri tinimit re Bosra cux na canok jun chaki'j uwo sak, pa etzeletajic, jun c'utbal re mach'irisanic xukuje' c'okotajic, are c'u ri niq'uiaj tak tinimit chic quecanaj pa etzeletajic chbe k'ij sak.”

Ri Isaiy 45:23

Kastzij xincha', pa ri nu bi' xinban jun chi'nic ri kas cäban na ruc' colomal, chi conojel cäquimej na ri qui ch'ec chnuwäch, chi conojel cäquiban ri qui chi'nic ri kas cäcan na ruc' ri qui chi' pa ri nu bi'.

Chapletajic 12:2

Quinban na jun nim tinimit ri nim u k'ij chque ri e awija'lil; catintewichi'j na xukuje' quinnimarisaj na a k'ij, catux c'u na jun tewichibal chque niq'uiaj chic.

Ri Amos 6:8

Ri Ajawaxel xuban ri chi'nic ri kas cäban na, xcha' chbil rib; ri Ajawaxel, ri Dios ri c'o ronojel u cuinem, cujiquiba' u bixic: “Quinxutuj ri nimarisabal rib ri u tinimit ri Jacob; quinwetzelaj qui wäch tak ri e nimak tak rachoch; quinjach na ri tinimit pa u k'ab ri c'ulel, rachil ronojel ri c'o chupam.”

Chapletajic 22:2

Ri Dios xubij che: “Chac'ama' ri Isaac, ri a c'ojol ri xa jun ri sibalaj lok' chawäch, jät pa ri ulew Mor. Aretak catopan chila', chachi'j che tabal tok'ob ri cächajirisaxic puwi' jun chque ri juyub ri quinc'ut na chawäch.”

Chapletajic 22:12

Ri tako'n aj caj xubij: “Maban jun c'ax che ri ala, xinwetamaj c'ut chi caxe'j awib chuwäch ri Dios, man xak'il ta c'u awib che u ya'ic ri a c'ojol chwe, ri xa jun.”

Chapletajic 22:15

Ri tako'n aj caj re ri Ajawaxel xusiq'uij chi ulok ri Abraham pa ri caj chucamul,

Chapletajic 26:3

chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Chapletajic 26:5

Rumal rech chi ri Abraham xniman chwe xebutz'akatisaj c'ut ri e nu takanic, ri e nu takomal, ri e nu pixab xukuje' tak ri e nu tijonic.”

Elem 2:24

Xoc c'u il che ri qui ch'ach'atem, xnataj ri c'ulwächinic ri u banom ruc' ri Abraham, ri Isaac, xukuje' ri Jacob.

Elem 17:16

xubij c'ut: “¡Ri retal ri Ajawaxel pa ri k'abaj! ¡Ri Ajawaxel c'o pa ch'o'j cuc' ri aj amalesib pa ronojel ri qui c'aslemal!”

Elem 32:13

Chenataj ri e pataninel tak ech la che la, ri Abraham, ri Isaac, xukuje' ri Israel, xcha' la chque ri chi'nic ri kas cäban na pa ri bi' la: ‘Quinbano chi ri e u wi' tak i mam sibalaj queq'uiyiric jacha' ri ch'imil ri e c'o pa ri caj, ronojel c'u we ulew ri' ri nu chi'm chiwe, quinya' che quechbal re chbe k'ij sak.’”

Nabe Tzijobelil 16:16

Che ri c'ulwächinic ri xuban ruc' ri Abraham, che ri chi'nic ri kas cäban na xcha' che ri Isaac

Ri Jeremiy 22:5

We c'u ne man caquiya' qui xiquin chque tak we pixbenic ri', we rachoch we ajawinel ri' cäwulitaj na. In, ri Ajawaxel, quinjiquiba' u bixic.’ ”

Ri Jeremiy 44:26

Chi tatabej ix iwonojel, winak re Juda ri ix jekel pa Ejipt, ri in, ri Ajawaxel Dios quinbij chiwe: Quinban ri chi'nic ri kas cäban na rumal ri nimalaj nu bi' chi mawi jun chque ri aj Juda quebel ta chi na ulok ri nu bi' pa u chi' pa ronojel Ejipt, cacha' ta c'ut: Rumal ri u c'aslemal ri Ajawaxel.

Ri Ezequiel 16:8

Xinoc'ow chi chaxcut, xinca'y c'u chawe; chi c'o chic a junab che ri taquenic. Xinlic' ri nu ch'ukubem wib pawi', xinch'uk ri a cuerp ri ch'analic, xinya' c'u nu tzij chawe che awuc'axic; xinban jun c'ulwächinic awuc', xatux c'u wech. In, ri Ajawaxel, quinjiquiba' u bixic.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!