Chapletajic 22:14 - Quiché Bible

¹⁴ Ri Abraham xucoj u bi' we c'olbal ri', ri u bi' ri xucojo are' wa': “Ri Ajawaxel cuya' ri cajwatajic.” Rumal ri' c'ä cäbixic: “Pa ri juyub, ri Ajawaxel cuya' ri rajawaxic.”

Chapletajic 22:14 Referans Kwoze

Chapletajic 22:13

Ri Abraham xtaki' apan u wäch xril jun chij ri ralital ri ruc'a' pa jun patzäpic k'ayes; xuc'ama' ri chij, xujach che tabal tok'ob ri cächajirisaxic che u q'uexwäch ri u c'ojol.

Elem 17:15

Ri Moises xusuc'umaj jun porobal tabal tok'ob, ri u bi' ri xucojo “Ri Ajawaxel are wetal”,

K'atal tak Tzij 6:24

Ri Jedeon xuban jun porobal chila' che u ya'ic u k'ij ri Ajawaxel, ri u bi' ri xucojo are wa': “Ri Ajawaxel are' nu jamaril.” We porobal ri' c'ä xak are c'o camic pa Opra, qui tinimit ri e u k'ab tak rachalaxic ri Abiezer.

Chapletajic 22:8

“Ri Dios cäyo'w na ri chij ri cajwataj che ri tabal tok'ob ri cächajirisaxic, nu c'ojol,” xcha' ri u tat. Xquitakej c'u binem junam.

Nabe Samuel 7:12

Xuc'am c'u na jun abaj ri Samuel xucoj chuxo'l ri Mizpa ruc' ri Sen, xucoj c'u Eben-ezer che u bi' xubij c'ut: “C'ä camic c'ä uj u to'm ri Ajawaxel.”

Chapletajic 28:19

Pa ri c'olbal ri' ojer xc'oji' wi can jun tinimit “Luz” u bi', ri Jacob xuq'uex u bi', xucoj “Betel” che u bi'.

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

Ri Ezequiel 48:35

Ri nimalaj tapia quetan na chi ronojel quieb legua u rabic, are' c'u ri u bi' ri tinimit ri cätakex u bixic: ‘Ri Ajawaxel C'o Waral’.”

U Camulixic ri Pixab 32:36

Ri Ajawaxel quel na ulok che u to'ic ri u tinimit aretak cärilo chi man c'o ta chic u chuk'ab; ri Ajawaxel quel na u c'u'x chque ri e u pataninelab aretak cärilo chi man e c'o ta chi tukarib, mawi e c'o ta qui chuk'ab.

Chapletajic 32:30

Ri Jacob xucoj Penuel che u bi' ri c'olbal ri', xubij: “Wilom ri u palaj ri Dios, man c'u in cäminak taj.”

Ri Xuan 1:14

Ri Tzij xuc'am ri qui banic winak, xc'oji' chkaxo'l. Xkil ri u juluwem, jacha' ri u juluwem ri xa jun chi C'ojolaxel ri elinak ulok ruc' ri Tataxel, nojinak che tok'ob xukuje' kastzij.

Ri Miquey 4:10

Chabak'atila' awib charak c'u a chi', u tinimit Sion, jacha' ta ne jun ixok ri e c'o u k'oxomal re alc'ualanem, rumal rech chi ri e a winak quebel bic awuc' quebejekel c'u na pa jun ulew jamalic, copan c'u na c'ä pa Babilon. Chila' c'ut cuto'tajisaj wi na ri Ajawaxel ri u tinimit; queresaj na ri u tinimit pa qui k'ab ri e u c'ulel.

Chapletajic 22:15

Ri tako'n aj caj re ri Ajawaxel xusiq'uij chi ulok ri Abraham pa ri caj chucamul,

Nabe Samuel 29:10

Rumal c'u ri', ri at xukuje' ri e pataninel tak rech ri Ajawaxel ri a Dios ri e petinak awuc' quewalij na chwek, xuwi casakaric, caquitakej ri tzelejem.”

Nabe Ajawinelab 17:8

Xubij c'ut ri Ajawaxel che ri Eliy: