Chapletajic 22:1 - Quiché Bible

¹ Oc'owinak chi jun k'ijol, ri Dios xuc'ambejej ri u cojonic ri Abraham. Xucoj ri u bi' che u siq'uixic, ri are' xutzelej u bixic, “In c'o waral.”

Chapletajic 22:1 Referans Kwoze

Hebreos 11:17

Rumal ri cojonic, aretak ri Abraham xtijtobex rumal ri Dios, ri are' xujach ri Isaac che ri Dios. Ri Abraham ri u c'amom ri chi'nic, xusuc'umaj ri u chi'xic ri Isaac ri u c'ojol ri xa' jun c'olic, jacha' che tabal tok'ob.

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.

1 Pedro 1:7

Are c'u ri i cojonic ix xak junam ruc' ri k'an puak: ri cätijtobex rumal ri k'ak'. Ri cojonic ri cuch'ijo cac'ambejexic pakal na rajil chuwäch ri k'an puak, ri cäsach u wäch. Je c'u ri' we ri i cojonic ix, we je u tijtobexic wa' curik na juluwem xukuje' cäya' na u k'ij aretak cuc'utunisaj rib ri Jesucrist.

Santiago 2:21

Ri Abraham ri ka mam, ¿la ma ta xk'alajisaxic chi suc' rumal ri u chac, aretak xuya' ri Isaac ri u c'ojol puwi' ri porobal?

1 Corintios 10:13

Man i rikom ta c'u jun c'ambejenic ri ma ta aj winak; jic c'ut ri Dios chi man cuya' taj quixc'ambejexic xane' xak xuwi ri quixcuin che u k'atixic u wäch, cuya' c'u xukuje' junam ruc' ri c'ambejebal ri elebal.

E C'ambal tak Tzij 17:3

Ri k'an puak xukuje' ri sak puak, ri k'ak' quetijtobenic; ri e chomanic tak quebutijtobej ri Ajawaxel.

U Camulixic ri Pixab 8:16

Jaswa' xutzukbej ri iwech pa ri chaki'j uwo sak, ri wa ri' man xquetamaj ta u wäch ri e i mam, che i mach'irisaxic, che i c'ambejexic xukuje' che u banic utzil chiwe chuq'uisbalil.

Elem 3:4

Aretak xril ri Ajawaxel chi xkeb ri Moises che rilic ri k'ak', xuch'abej ulok chupam ri k'ak', xubij che: “¡Moises! ¡Moises!” “In c'olic ri',” xcha' ri Moises.

Chapletajic 22:11

ri u tako'n ri Ajawaxel xusiq'uij ulok kas pa ri caj: “¡Abraham! ¡Abraham!” “In c'o waral,” xcha' ri are'.

Chapletajic 22:7

E bininak chi jubik' ri Isaac xubij che ri Abraham: “¡Tat!” “¿Jas ri cawaj nu c'ojol?” xcha' ri Abraham che. Ri Isaac xubij che: “Kuc'am ri si', kuc'am ri k'ak', ¿jawije' c'u c'o wi ri alaj ama' chij che ri tabal tok'ob ri cächajirisaxic?”

Ri Isaiy 6:8

Xinta' c'u ri u ch'abal ri Ajawaxel ri je cubij wa: “¿Jachin ta ri quintak bic? ¿Jachin ta ri cux ka tako'n?” Ri in xinbij: “In c'olic ri'. Chinataka' la bic.”

Ucab Tzijobelil 32:31

E are' tak c'ut ri e k'atal tak tzij re Babilon xequitak ulok jujun achijab che u solixic xukuje' che retamaxic ri mayibal ri c'ulmatajinak pa ri ulew. Ri Dios xuya' can u tuquiel ri Ezequiy, che u c'ambejexic rumal rech c'u kas caretamaj ri chomanic ri c'o chupam ri ranima'.

Elem 16:4

Ri Ajawaxel xubij che ri Moises; “Quinbana' na chi cäjabin ulok qui wa chicaj. Conojel c'u ri winak quebel na bic che u molic ulok ri cäquitij che ri jun k'ij. Quinwaj quinwilo jachin cäniman che ri nu takanic, xukuje' jachin ri man cäniman taj.

U Camulixic ri Pixab 13:3

Minimaj ri cubij chiwe. Are c'u cäraj ri Ajawaxel ri i Dios quixuc'ambejej che retamaxic we kas qui lok'ok'ej ruc' ronojel iwanima' xukuje' ruc' ronojel i c'aslibal.

K'atal tak Tzij 2:22

Ruc' wa' ri Ajawaxel craj cärilo we ri aj israelib cäquiterenej ri u be ri Ajawaxel jacha' ri xquiban ri e qui mam, o jayi'.

Ucab Samuel 24:1

Ri Ajawaxel xyactaj chi royowal chque ri aj israelib, xutakchi'j c'u ri David chquij, xuya' c'u takanic chi chban jun ajilanic pa Israel xukuje' pa Juda.

Salmib 11:5

Ri Ajawaxel queralwächij ri e suc' xukuje' ri e banal tak etzelal, ruc' ronojel u c'aslibal cäretzelaj qui wäch ri cäkaj chquiwäch ri u banic ri tokinic.

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Chapletajic 21:11

Sibalaj c'ax xuna' ri Abraham aretak xuto chi quesax bic ri u c'ojol.

Chapletajic 37:13

Are c'u ri Israel cubij che ri Jose: “Ampe', ri e awachalal e c'o pa Siquem cätajin quequilij ri chij. Quinwaj chi catbe che quilic.” “Ruc' ronojel wanima' quinbec,” xcha' ri Jose.

Chapletajic 46:2

Pa ri chak'ab ri' ri Dios xuch'abej ri Israel pa jun c'utwächinic, xucoj ri u bi' che u siq'uixic, Jacob, ri are' xutzelej u bixic: “In c'o waral.”

Nabe Samuel 3:4

Xsiq'uix c'ut rumal ri Ajawaxel: “¡Samuel!” “¡In c'o waral!,” xcha' ri are'.