Chapletajic 21:17 - Quiché Bible

¹⁷ Ri Dios xuto chi cok' ri ala, kas c'u pa ri caj ri tako'n aj caj xusiq'uij ulok ri Agar, xubij c'u che: “¿Jas xac'ulmaj Agar? Maxe'j awib, ri Dios xuta' ri rok'ej ri ac'al chila' jawije' ri c'o wi.

Chapletajic 21:17 Referans Kwoze

Chapletajic 16:11

At yawab winak chic, cäc'oji' c'u na jun awal ala, Ismael cäcoj na che u bi', ri awok'ej xtataj rumal ri Ajawaxel.

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Elem 3:7

xutakej c'u u bixic ri Ajawaxel: “Kas wilom ri c'ax ri curik ri nu tinimit ri c'o pa Ejipt. Nu tom ri qui rakoj tak chi'aj u mac rech ri c'ax ri cäban chque cumal ri takanelab ri e cojom paquiwi', kas weta'm ri c'ax ri cäquiriko.

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

Marcos 5:36

Ri Jesus xuta' ri qui tzij, xubij che ri Jair: “Maxe'j awib, xuwi chatcojonok.”

Ri Matey 15:32

Ri Jesus xebusiq'uij ri u tijoxelab, xubij chque: “Quel nu c'u'x chque ri winak. Oxib k'ij chi wa' e c'o wuc', man c'o ta c'u jas quitijom. Man quinwaj ta c'ut quebenjach bic pa numic, we ne quetukar pa ri be.”

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Isaiy 22:1

Cäya' u bixic ri cäc'ulmataj na pa ri beya' re ri c'utwächinic: ¿Jas xc'ulmatajic chi conojel quepaki' puwi' tak ri cachoch?

Salmib 65:2

cätatabej c'u la ri ch'awem ri cäban che la! Conojel ri winak quepe na che tzucuxic la.

Ucab Ajawinelab 13:23

Xel c'u u c'u'x ri Ajawaxel chque xukuje' xutok'obisaj qui wäch, xa' rumal rech ri u c'ulwächinic xuban ruc' ri Abraham, ri Isaac xukuje' ri Jacob, xoc c'u il chque man xraj ta c'ut xusachisaj ta qui wäch mawi xeburokij ta bic chuwäch. Man u banom ta c'u c'ä camic.

Ucab Ajawinelab 13:4

Ri Joacaz xuban ch'awem ruc' ri Ajawaxel xc'amowax c'ut ri u ch'awem ri xuban ruc' ri Ajawaxel, rilom c'ut ri c'ax ri cätajin cuban ri ajawinel re Siriy chque ri aj israelib.

Nabe Samuel 11:5

C'äte c'u ri' catzelej ulok ri Saul pa ri juyub, e ruc'am ri wacax, xuc'ot c'u qui chi' ri winak xubij: “¿Jas xquic'ulmaj ri winak? ¿Jasche quebok'ic?” Ri winak xquiya' u bixic che ri xelquibij ri achijab aj Jabes.

K'atal tak Tzij 18:23

Ri aj danib aretak xquita' ri qui rakoj chi'j ri e teren chquij, xeca'y chquij, xquita' c'u che ri Micaiy xquibij: “¿Jas xac'ulmaj? ¿Jas che sibalaj carak a chi' chaki'j?”

Elem 22:27

rumal rech chi xuwi u k'u' wa' c'olic ri cuch'ukbej rib cho ri tew. We man catzelej che, ¿jas ri cucojo cäwaric? We c'u cutz'onoj ri nu to'banic, quinbe na che u to'ic, in nak'atal c'ut chi quinban tok'ob.

Elem 22:23

we c'u caban c'ax chque, cäquita' c'u ri nu to'banic, quinbe c'u na che qui to'ic

Elem 14:13

Ri Moises xubij chque: “Mixe'j iwib. Muban quieb i c'u'x, chiwila' na jas ri cuban ri Ajawaxel camic che i to'ic, mawi c'u jumul quiwil chic qui wäch ri aj ejiptib ri quebiwil camic.

Chapletajic 46:3

Ri Dios xubij che ri Jacob: “In ri' ri Dios, ri u Dios ri a tat. Maxe'j awib che ri a benic pa Ejipt, quinban c'u na chi ri e awija'lil quebux na jun nim tinimit ri nim u k'ij.

Chapletajic 16:9

Ri tako'n re ri Ajawaxel xubij che ri Agar: “Chattzelej cho rachoch ri a chuchu' ri Saraiy, chanimaj pa ronojel ri catutak wi.”

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Chapletajic 16:7

Xriktaj c'u ri Agar rumal jun tako'n re ri Ajawaxel pa ri chaki'j uwo sak, chunakaj ri bulbux ri c'o pa ri be ri cäbe pa Xur,

Chapletajic 22:11

ri u tako'n ri Ajawaxel xusiq'uij ulok kas pa ri caj: “¡Abraham! ¡Abraham!” “In c'o waral,” xcha' ri are'.

Chapletajic 24:7

Ri Ajawaxel ri ajchak'e ri caj, ri xinesan ulok cho rachoch ri nu tat pa ri qui culew ri wachalaxic, ri xukuje' xubij chi cuya' we ulew ri' chque ri e wija'lil, cutak na ulok ri u tako'n aj caj rech cänabej bic chawäch, cäc'am c'u ulok jun rixokil ri nu c'ojol.

Chapletajic 26:24

Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Elem 3:2

Chila' c'u xuc'ut wi rib ri tako'n aj chicaj rech ri Ajawaxel chuwäch ri Moises pa u niq'uiajil jun k'ak' ri cänicow, chupam juwi' q'uix. Ri Moises kas utz rilic xubano, kas xrilo chi ri q'uix cänicow rumal ri k'ak' man c'u cäja'r taj ri q'uix.

U Camulixic ri Pixab 26:7

Xkatz'onoj c'u che ri Ajawaxel ri qui Dios ri e ka mam chi cujuto', xuta' c'u ri ka ch'awem, xril ri ka mebayil, ri c'axalaj tak chac xukuje' ri c'ax ri cäban chke;

Salmib 6:8

¡Chitasa' iwib chwij, banal tak etzelal, opaninak c'u ri wok'ej chuwäch ri Ajawaxel!

Chapletajic 16:8

xuc'ot c'u u chi': “Agar, u lok'om pataninel ri Saraiy, ¿Jawije' a petic wi, jawije' c'u catbe wi?” Ri Agar xubij: “Cätajin quinanimaj chuwäch ri nu chuchu' ri Saraiy.”

Salmib 10:14

Lal ilom la ri c'ax ri cäquiban ruc' ri quetzelal; ¡ilom la, cäya' c'u na la rajil u q'uexel chque! Uc' la cäquito' wi quib ri man c'o ta queto'wic; lal ri to'l quech ri minorib.