Chapletajic 2:7 - Quiché Bible

⁷ Are' c'u ri Ajawaxel are xucoj ri puc'uc' ulew che u nuq'uic ri achi, xuxlab c'u pa u tza'm xuya' c'u u c'aslemal. Jeri' ri achi xuchaplej c'aslemal.

Chapletajic 2:7 Referans Kwoze

1 Corintios 15:45

Jewa' xukuje' tz'ibatalic: “Xban ri nabe achi, Adan, are jun winak ri xya' u c'aslemal.” Are c'u ri q'uisbal Adan, are jun uxlabal ri cuya' c'aslemal.

Ri Job 33:4

Ri Dios, ri c'o ronojel u cuinem, xinbanowic, xuya' c'ut ri ruxlab chwe.

Ri Tzijonel 12:7

Chuwi' chi c'u wa' ri puc'uc' ulew cätzelej chi na pa ri ulew, jacha' ri u banom can nabe, are' c'u ri uxlabal cätzelej na ruc' ri Dios ri yowinak.

Ri Isaiy 64:8

Pune' c'u jewa' banom la chke, lal ri lal ka tat, Ajawaxel; uj ri uj t'ac, lal, ri lal banal lak; konojel uj bantajinak umal la.

Hechos 17:25

Ri are' man cäpatanix ta cumal winak, je ta ne ri c'o ta rajawaxic che. Are' c'ut ri cäyo'w chke konojel ri ka c'aslemal, are' cäyo'w ri quiakik', xukuje' ri niq'uiaj jastak chic.

1 Corintios 15:47

Ri nabe achi ri xesax che ri ulew, are aj uwächulew. Ri ucab achi, are aj chicaj.

Chapletajic 3:19

Cach'äc na ri a wa ruc' ri u c'atanal ri a palaj, c'ä cattzelej na pa ri ulew ri xatesax wi', at c'u ya' ulew catux chi c'u na ulew.”

Ri Job 27:3

joropa' k'ij cuya' nu chuk'ab che wuxlabic,

Chapletajic 7:22

Xecäm conojel ri e c'o cho ri uwächulew, ri c'o qui c'aslemal, ri quebuxlabic.

Ri Zacariy 12:1

Are tzijobelil wa' ri cuya' ri Ajawaxel che ri Israel. Ri Ajawaxel ri u lic'om ri caj, ri co u tiquibam ri ulew, ri u yo'm ri u c'aslemal ri winak, cujiquiba' u bixic:

Salmib 103:14

ri are' reta'm jas xcoj che kabanic: kas reta'm chi uj puc'uc' ulew.

Salmib 100:3

¡Chich'obo' chi Dios ri Ajawaxel; are' xujbanowic, uj c'u rech; uj u tinimit xukuje' uj u chij re ri u yuk'bal!

Romanos 9:20

Are c'u ri at, winak, ¿At jachinok, chi catc'ulelan che ri Dios? ¿La cubij lo ri lak che ri xbanowic: “Jasche je nu banic wa' xabano?”

Ri Isaiy 2:22

Chitanaba' u cu'bisaxic i c'u'x chrij ri winak, ri man nim ta u k'ij, ri u c'aslemal ri winak xa' jun uxlabic.

Chapletajic 3:23

Rumal ri' ri Ajawaxel xresaj bic ri achi pa ri ticonijibal ri c'o pa Eden, xutak che u tiquic u wäch ri ulew ri esam wi'.

Hebreos 12:9

Xukuje' ri ka tat cho ri uwächulew xquic'äjisaj ka wäch, nim c'u xekil wi. ¿La ma ta are utz na cäkaya' na kib pa takic che ri ka Tat ri c'o chicaj, rech cujc'asi' na?

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

E C'ambal tak Tzij 20:27

Ri uxlabal ri u yo'm ri Dios che ri winak chäj wa' ri cuc'ut ronojel ri c'o chupam ri winak.

Ri Job 33:6

Ri lal xukuje' ri in xak uj junam chuwäch ri Dios; xukuje' ri in in esam che ri t'ac.

2 Corintios 5:1

Ri uj uj junam ruc' jun ja aj uwächulew, jacha' jun lic'om cäbal. Keta'm c'ut chi we cäsach u wäch wa', c'o jun kachoch ri junalic ruc' ri Dios pa ri caj, ri man k'abaj ta banowinak.

2 Corintios 4:7

We k'inomal ri' pa tak ri ka cuerp c'o wi, are je jas ri lak re ulew. Jeri' cäk'alajinic chi ri nimalaj cuinem, ruc' ri Dios cäpe wi, man kuc' ta uj.

Ri Xuan 20:22

Xbitaj wa' rumal, xwupinic, xubij chque: “Chic'ama' ri Ruxlabal ri Dios.

Ri Job 4:19

¡e ta c'u lo pa ri u c'aslemal ri winak, ri sibalaj tukar jacha' jun ja re t'ac ri yacom puwi' ri puc'uc' ulew, caxak' c'ut jacha' puc'upunel!

Ajilanic 27:16

“Dios xukuje' Ajawaxel, lal ri caya' la ri c'aslemal chque conojel ri achijab, cojo la jun c'amal be ri canabej chuwäch ri tinimit la chuc'ama' c'u u be pa ronojel c'olbal ri cäbe wi, rech ma ta xak cabinicatic jacha' ta ne jun tzobaj ri ma ta c'o rajyuk'.”

Ri Tzijonel 3:7

Jun jok'otaj che jisonic, jun jok'otaj chic che t'isomanic. Jun jok'otaj che yinelem, jun jok'otaj chic che tzijtzotem.

1 Timoteo 2:13

Rumal rech chi are nabe xban ri Adan, c'äte ri' ri Eva.

Chapletajic 2:6

Cäq'uiy c'u ulok ja' pa ri ulew, ri cuja'j ronojel ri ulew.

Juyuwem 4:20

Ri cha'tal rumal ri Ajawaxel oquisam pa che', ri cuya' chajin anima' che ri ka c'aslemal, ri ajawinel ri xkabij wi: “Chuxe' ri u mujal cujjeki' wi na chquixo'l tak ri tinimit.”

Ri Ezequiel 37:5

Ri Ajawaxel cubij chiwe: Quenbana' na chi coc chipam ix uxlabic re c'aslemal, rech cac'astaj i wäch.

Chapletajic 1:27

Xuwinakirisaj c'ut ri Dios ri winak jas ri u ca'yebal, xuwinakirisaj jas ri u ca'yebal ri Dios; achi xukuje' ixok xebuwinakirisaj,

Ri Ezequiel 37:6

Quebencoj na iboch' chiwij, quixennojisaj na che ti'j, quincoj na i tz'umal quinya' na iwuxlab re c'aslemal rech cac'astaj i wäch. C'äte ri' quich'ob na ix chi in ri' ri Ajawaxel.’ ”