Chapletajic 2:2 - Quiché Bible

² Aretak xurik ri uwuk k'ij ri Dios u q'uisom chic u banic ri xuchaplej u banic, xtani' c'ut.

Chapletajic 2:2 Referans Kwoze

Hebreos 4:4

Pa jun c'olbal c'ut je cubij wa' ri Tz'ibatalic chrij ri uwuk k'ij: “Xuxlan ri Dios che ronojel ri u chac pa ri uwuk k'ij.”

Elem 31:17

Jun etal c'u wa' ri cajeki' chquixo'l, ri aj israelib xukuje' wuc' in.” Pa wakib k'ij c'ut xuban ri Ajawaxel ri caj xukuje' ri ulew, pa ri uwuk k'ij xutanaba' u banic chac, xutakej c'u uxlanem.

U Camulixic ri Pixab 5:14

Are c'u ri uwuk k'ij, k'ij wa' re uxlanem tasom che u k'ijilaxic ri Ajawaxel ri a Dios. C'o jun chac maban pa we k'ij ri', mawi ri a c'ojol, mawi ri a mia'l, mawi ri a pataninel lok'om, we achi o ixok, mawi ri a wacax, mawi ri a bur, mawi jun chque ri awawaj, mawi ri man a winakil ta ri jekel pa tak ri a tinimit, rech cuxlan ri a pataninel lok'om, achi o ixok junam awuc'.

Elem 23:12

Ronojel ri rajawaxic u banic awumal, chabana' can pa ri wakib k'ij, pa ri uwuk k'ij c'ut rajawaxic catuxlanic, rech cuxlan ri a wacax, ri a bur, rech cuc'ac'arisaj ri u chuk'ab ri lok'om a pataninel xukuje' ri man a winakil taj.

Ri Xuan 5:17

Xch'aw ri Jesus, xubij chque: “Ri nu Tat c'ä cächacun camic, xukuje' c'u ri in quinchacunic.”

Ri Isaiy 58:13

“Nim chawila' wi ri k'ij re uxlanem mebaban ch'äcoj chupam ri tastalicalaj nu k'ij. Chach'obo' chi we k'ij ri' k'ij wa' re quicotemal, jacha' jun tastalicalaj k'ij che ri Ajawaxel ri takal u ya'ic u k'ij nim chawila' wi mebaban ri jastak awech pa we k'ij ri', mawi are catzucuj ri utz chawe at ri c'o cach'äc chquij.

Chapletajic 1:31

xril c'u ri Dios chi ronojel ri u banom sibalaj utz xelic. Jewa' ri u tz'akatisaxic ri uwak k'ij.

Hebreos 4:10

Apachin c'ut ri coc pa ri ruxlanem ri Dios, are' xukuje' uxlaninak che ri u chac, jas ri Dios xuxlan che ri rech.

Chapletajic 2:3

Xutewichi'j c'ut ri uwuk k'ij, xuk'alajisaj c'ut chi tastalicalaj k'ij, rumal rech chi pa we k'ij ri' xtani' che u banic ronojel ri chac ri xebubano'.

Elem 31:15

Wakib k'ij cuya' cäban chac, are c'u ri uwuk k'ij, k'ij wa' re uxlanem che u ya'ic u k'ij ri Ajawaxel. Apachin c'u ri cächacun pa ri k'ij re uxlanem, cäcämisaxic.