Chapletajic 2:1 - Quiché Bible

¹ Xtz'akat c'u u banic ri caj ulew, xukuje' conojel ri jastak ri e c'o pa ri caj xukuje' ri e c'o cho ri uwächulew.

Chapletajic 2:1 Referans Kwoze

Salmib 33:6

Ri caj xukuje' ronojel ri c'o chuwäch are' ri Ajawaxel xbanowic ruc' ri u tzij xukuje' ruc' ri ruxlab ri xel pa u chi'.

Elem 31:17

Jun etal c'u wa' ri cajeki' chquixo'l, ri aj israelib xukuje' wuc' in.” Pa wakib k'ij c'ut xuban ri Ajawaxel ri caj xukuje' ri ulew, pa ri uwuk k'ij xutanaba' u banic chac, xutakej c'u uxlanem.

Elem 20:11

Rumal rech chi wakib k'ij xucoj ri Ajawaxel che u banic ri caj, ri ulew, ri plo xukuje' ronojel ri c'o chquipam, xoc c'u che uxlanem chupam ri uwuk k'ij. Rumal ri' ri Ajawaxel xutewichi'j ri k'ij re uxlanem xuk'alajisaj c'ut chi tastalic k'ij.

Chapletajic 1:1

Aretak xchapletaj u banic ronojel ri c'olic, ri Dios xuban ri caj ulew.

Ri Isaiy 45:18

Ri xbanow ri caj, ri are Dios xukuje' Ajawaxel, ri xbanow ri ulew xukuje' xunuc'u, ri co xujekeba', ri xbanowic rech man xak tacätolic xane' quec'oji' winak chuwäch, je cubij wa': “In ri' ri Ajawaxel, man c'o ta chi c'u jun.

Ri Isaiy 42:5

Ri Dios, ri Ajawaxel, ri xbanow ri caj xulic' c'ut, ri xnuc'uw ri ulew xukuje' ri c'o chuwäch, ri cuya' qui c'aslemal xukuje' cuxlab ri winak ri e jekel chuwäch, cubij c'u che ri pataninel rech:

Ucab Ajawinelab 19:15

je ch'awem wa' xuban ruc' ri Dios: “Ajawaxel, u Dios ri Israel, ri c'o ri u tem re ajawibal paquiwi' ri aj cajalaj tak to'banelab ri e c'o qui xic': xuwi ri lal lal Dios ri lal c'o paquiwi' conojel ri ajawibal ri e c'o cho ri uwächulew; lal xbanow la ri caj xukuje' ri ulew.

Ri Isaiy 45:12

In xinq'uiyisam ri uwächulew xukuje' conojel ri winak ri e c'o chuwäch, xinlic' ri caj cuc' ri nu k'ab xinya' c'u takanic chi quec'utun conojel tak ri ch'imil.

Salmib 146:6

Are' xbanow ri caj, ri ulew, ri plo, xukuje' conojel ri e c'o chquipam. Ri are' amak'el u jekebam ri u tzij.

Ri Zacariy 12:1

Are tzijobelil wa' ri cuya' ri Ajawaxel che ri Israel. Ri Ajawaxel ri u lic'om ri caj, ri co u tiquibam ri ulew, ri u yo'm ri u c'aslemal ri winak, cujiquiba' u bixic:

Salmib 33:9

Aretak c'u xch'awic, ronojel xbantajic; xtakanic, ronojel c'ut co xjeki'.

Ri Nehemiy 9:6

Xubij c'ut ri Esdras: “Lal ri' ri Ajawaxel, man c'o ta chi c'u jun. Lal xbanow la ri caj xukuje' ri sibalaj chicaj na che ri caj, xukuje' conojel tak ri e u ch'imil; xban la ri ulew xukuje' ronojel ri c'o chuwäch, ri plo xukuje' ronojel ri e c'o chquipam. Lal cäyo'w la qui c'aslemal conojel ri jastak. Rumal ri' cäk'ijilax la cumal tak ri ch'imil re ri caj.

Ucab Tzijobelil 2:12

Xutik c'ut: “¡Tewichital ri Ajawaxel, ri u Dios ri Israel, ri xbanow ri caj xukuje' ri ulew, u yo'm c'u che ri ajawinel David jun u c'ojol ri c'o u no'j, ri tijom xukuje' utzalaj cächomanic, ri cuyaca' jun rachoch ri Ajawaxel xukuje' jun rachoch ajawinel che are'!

Hebreos 4:3

Are c'u ri uj cujoc ruc' pa ri uxlanem, ri uj cojoninak chic, jas ri xubij ri Dios: “Xinbij pa ri woyowal ruc' ri chi'nic ri kas cäban na chi man queboc ta na wuc' pa ri c'olbal ri quinuxlan wi.” Xuq'uis c'u ne ri Dios ri u chac aretak xtiquiritaj ri uwächulew.

Hechos 4:24

Ri e are', aretak xquito, junam xquiban ch'awem ruc' Dios, xquibij: “Kajaw, lal ri' ri Dios ri xbanow la ri caj, ri ulew, ri plo, xukuje' conojel ri jastak ri e c'o chquipam.

Ri Jeremiy 10:16

¡Nim ri u jalbem rib ri u Dios ri Jacob, xuban ronojel ri c'olic! Ri are' xucha' ri Israel jacha' che rechbal. Ri Ajawaxel ri c'o ronojel u cuinem are wa' ri u bi'.

Ri Jeremiy 10:12

Ri Ajawaxel ruc' ri u cuinem, xuban ri ulew; ruc' ri u no'j co xutiquiba' ri uwächulew; ruc' ri retamanic xulic' ri caj.

Ri Isaiy 65:17

Chiwilampe', in quinban na jun c'ac' caj xukuje' jun c'ac' ulew. Ri re ojer man cänatax ta chi na, man c'o ta chi jun cänatan chi na.

Ri Isaiy 48:13

Ruc' ri nu k'ab xinjekeba' ri uwächulew, ruc' ri nu k'ab xinlic' ri caj, xuwi xinbij ri qui bi' xec'utunic.

U Camulixic ri Pixab 4:19

Xukuje' aretak quixca'y cho ri caj, quiwil c'u ri k'ij, ri ic', xukuje' conojel tak ri ch'imil ri e c'o chicaj, mixtzak c'u chupam ri takchibal macaj, che qui k'ijilaxic. Are c'u ri Ajawaxel ri i Dios xebuq'uiyisaj tak ri ch'imil chque conojel ri tinimit cho ri uwächulew.

Chapletajic 2:4

Are wa' ri u tzijobelil ri u banic ri caj xukuje' ri ulew. Aretak ri Ajawaxel Dios xuban ri caj ulew,

Chapletajic 1:10

Ri Dios xucoj “ulew” che u bi' ri chaki'j ri xc'utunic, are c'u ri ja' ri xumulij rib xucoj “plo” che u bi'. Aretak xril ri Dios chi utz xelic,

U Camulixic ri Pixab 17:3

quebuk'ijilaj jule' tak diosib chic, cäxuqui' c'u chquiwäch, we chuwäch ri k'ij, ri ic', o ri ch'imil tak, jun jasach ri man takaninak ta wi ri Ajawaxel.

Ri Jeremiy 8:2

xequiliq'uiba' c'u na can chuwäch ri k'ij, chuwäch ri ic' xukuje' chquiwäch conojel ri ch'imil ri xequilok'ok'ej can nabe, xequipatanij, xeteri chquij, xech'obon chque xukuje' xek'ijilan chque. Man c'o ta jun quemolow na che qui mukic. Quecanaj c'u can cho ri ulew e jacha' mes.

Ri Job 12:9

¿La c'o c'u lo jachin jun ri c'ä maja' reta'm chi are' ri Dios xbanow ronojel ruc' ri u k'ab?

Hechos 7:42

Ri Dios xebuya' canok, xebujach che qui k'ijilaxic ri k'ij, ri ic', ri ch'imil. Jas ri tz'ibatal pa ri qui wuj ri e k'axal tzij: ‘Aj israelib, ¿la xebicämisaj lo awaj che tabal tok'ob chnuwäch, a xebiya' lo sipanic chnuwäch pa ri cawinak (40) junab aretak ix c'o pa tak ri chaki'j uwo sak?

Ri Lucax 2:13

Xak c'ätetal e c'o chi ruc' ri tako'n aj caj q'uialaj tako'nixelab aj caj. Cäquibixoj ri Dios, cäquibij:

Ri Isaiy 34:4

Conojel ri ch'imil ri e c'o chicaj quetuquin na, ri caj cubot na rib jacha' jun wuj, conojel ri ch'imil quechup na, jacha' ri u chaki'jaric xukuje' ri u tzakic jun xakaj ri ch'upch'ubinak che ri juwi' uva o che ri juwi' higo.

Salmib 104:2

bolk'otim ib pa jun sakilal jacha' ta ne jun atz'iak. ¡Lal xlic'ow la ri caj jacha' jun ch'ukubal!