Chapletajic 18:30 - Quiché Bible

³⁰ Ri Abraham xutz'onoj tok'ob che ri Dios, xubij: “Quintz'onoj jun tok'ob che la, mäpe c'u oyowal la chwe, quintakej u tz'onoxic tok'ob che la; we c'u ne xa e juwinak lajuj (30) ri man c'o ta jubik' qui mac querik la.” Ri Ajawaxel xubij che: “We quebenrik juwinak lajuj (30), quinsach u mac ri tinimit.”

Chapletajic 18:30 Referans Kwoze

Ri Isaiy 6:5

Xinchomaj c'ut: “¡Tok'ob nu wäch, quinecämok! Wilom ri Ajawinel cuc' ri nu bak'wäch, ri Ajawaxel ri c'o ronojel u cuinem; in, ri in jun winak ri e tz'il ri u chi', in c'o chquixo'l ri winak ri e tz'il ri e qui chi'.”

Salmib 89:7

Nimalaj Dios xukuje' xibibal, sutim rij cumal ri e c'o pa ri caj.

Salmib 10:17

Ajawaxel, lal cata' la ri qui ch'awem ri e mach'alic, cäya' la qui chuk'ab xukuje' coc la il chque.

Salmib 9:12

Ri qui rikom c'ax quenataj che ri Dios man quesach ta ri cok'ej pa u jolom; man cuya' ta can ri cämisanel chi ma ta cuc'äjisaj u wäch.

K'atal tak Tzij 6:39

Xubij chic ri Jedeon: “Mäpe oyowal la chwe. We quintz'onoj chic jun jasach che la. Xa jun c'utbal chic quinwaj quinwilo. Quinwaj quinwilo chi cäcanaj chaki'j ri u tz'umal chij, are ta c'u ri räxk'ab cuch'akba' ri ulew ri c'o pa tak u xcut ri u tz'umal chij.”

Chapletajic 44:18

Ri Juda xoc chuwäch ri Jose, xubij che: “Quinwaj quinbij quieb oxib tzij che la. Bana' la jun tok'ob mäpe oyowal la chwe, ri lal xak junam k'ij la ruc' ri ajawinel.

Chapletajic 18:29

“¿We c'u ne xa e cawinak (40) ri man c'o ta jubik' qui mac?” xcha' chi na ri Abraham. “Rumal quech we cawinak (40) ri' man quinsach ta u wäch,” xcha' ri Ajawaxel.

Chapletajic 18:31

Ri Abraham xutakej u tz'onoxic tok'ob che ri Dios xubij: “Wajaw Dios, sibalaj in chajil anima' chi je ch'abexic la wa' quinbano, ¿jas cäc'ulmatajic we ne xa e juwinak (20) ri man c'o ta jubik' qui mac querik la?” Ri Ajawaxel xubij chi che ri Abraham: “Rumal quech we juwinak (20) ri', man quinsach ta u wäch ri tinimit.”