Chapletajic 18:20 - Quiché Bible

²⁰ Ri Ajawaxel xubij che ri Abraham: “Ri winak aj Sodom, aj Gomor nu tom qui tzijol chi sibalaj e itzel tak winak, xukuje' chi sibalaj e nimak tak ajmaquib,

Chapletajic 18:20 Referans Kwoze

Chapletajic 19:13

Cäkasach c'u u wäch we c'olbal ri'. Sibalaj q'ui chi c'u ri tzujunic banom chuwäch ri Ajawaxel chquij ri winak re we tinimit ri', rumal ri' xujutak ulok che u sachic u wäch.”

Ri Isaiy 3:9

Chisakil quemacunic, man cäquic'u' ta ri cäquibano e junam ruc' ri Sodom, cäquiya' u bixic chque conojel ri winak. Tok'ob qui wäch, e are' quesuc'uman ri c'äjisabal qui wäch.

Chapletajic 13:13

jawije' ri e c'o wi ri winak ri sibalaj e banal tak etzelal chuwäch ri Ajawaxel.

Chapletajic 4:10

Ri Ajawaxel xubij che ri Cain: “¿Jas ri xaban che ri a chak'? Ri u quiq'uel ri a chak' ri xatix cho ri ulew, curak u chi' cuta' chwe chi quinc'äjisaj a wäch.

Santiago 5:4

Chiwilampe', ri puak, ri man tz'akat taj ri i yo'm chque ri ajchaquib ri xeyicow qui wäch ri e iwulew. We puak ri' cätajin quixuc'okoj; are' c'u ri Ajawaxel ri c'o ronojel u cuinem u tom ri qui tzujunic we ajchaquib ri'.

Ri Jeremiy 14:7

¡Ajawaxel, pune' cujquitzujuj ri ka mac, chtok'obisaj la ka wäch rech cäya' u k'ij ri bi' la! Sibalaj q'ui mul man uj uxinak ta jic chwäch la, uj macuninak chwäch la.

Ri Isaiy 5:7

Ri ticbal u uva ri Ajawaxel ri c'o ronojel u cuinem ri u tico'n ri sibalaj lok' chuwäch, are ri rulew ri Israel, u tinimit ri Juda. Ri Ajawaxel reye'm chi queniman che ri u pixab, xuwi c'u cämisanic curik cuc' reye'm suq'uilal, xuwi c'u cuta' rakoj tak chi'aj re k'oxom.

Chapletajic 19:4

Maja' c'u quek'oyic aretak conojel ri achijab aj Sodom, xquisutij rij ri rachoch ri Lot, chi alabom chi ri'jab,

Ri Jeremiy 23:14

In e wilom ri e k'axal tzij pa Jerusalen quequiban xibibalalaj tak jastak: quekaj pa mac ruc' jun winak chic xukuje' t'orinic, je tak caquiban wa' che quiya'ic tak chajin anima' chque ri banal tak etzelal rech man caquitanaba' ta u banic ri quetzelal. Ri e are' xukuje' tak ri winak ri e jekel chupam ri tinimit xak e junam tak qui banic wa' chwe jacha' ri Sodom xukuje' ri Gomor.

Ri Ezequiel 16:46

Pa ri u wiquiak'ab ri elebal k'ij c'o wi ri awatz, ri tinimit Samar, e rachil ri alaj tak u tinimit; pa ri u mox ri elebal k'ij, c'o wi ri a chak', ri tinimit re Sodom, e rachil ri alaj tak u tinimit.

Ri Joel 3:13

Rumal c'u rech chi sibalaj e itzel tak winak, chek'atok jacha' ri caban che ri trico aretak chaki'j chic, u k'ijol chi c'ut ri k'atoj; chebixak'alela' jacha' cäban chque tak ri uva, ronojel c'ut suc'umatal chic che resaxic u wa'l uva.

Ri Jonas 1:2

Chacowij, jät pa ri Ninibe, tinimit ri nim u k'ij, chabij c'u che chi quinsach na u wäch, ulinak c'u u tzijol ri quetzelal wuc'.

Chapletajic 6:12

Conojel ri winak e uxinak nimak tak ajmaquib. Aretak xril ri Dios chi sibalaj nojinak ronojel ri uwächulew che ri etzelal,