Chapletajic 17:17 - Quiché Bible

¹⁷ Xumej rib ri Abraham c'ä xuya' na ri u palaj cho ri ulew, xtze'n c'ut. Cätajin cuchomaj: “¿La cuya' ta lo chi jun achi ri jun sient chic u junab cäcuinic cux ta tataxel? ¿La cuya' ta lo chi ri Sara quec'ol ta jun ral chujumuch' lajuj (90) u junab?”

Chapletajic 17:17 Referans Kwoze

Apocalipsis 11:16

Ri juwinak quiejeb (24) nimak tak tatayib ri e t'uyut'oj pa ri qui tem re ajawibal chuwäch ri Dios, xexuquic, xquikasaj ri qui palaj, xquik'ijilaj c'ut ri Dios.

Ri Xuan 8:56

Ri Abraham ri i mam sibalaj xquicotic chi cäril na ri nu k'ij. Xril c'ut, xquicotic.”

Chapletajic 21:6

Xubij ri Sara pa ranima': “Ri Dios xuya' quicotemal chwe, conojel c'u ri cäquetamaj chi c'olinak jun wal, quequicot na wuc'.

Chapletajic 18:12

Rumal ri' xtze'n ri Sara, je xuchomaj wa': “¿La quinquicot ta chi c'u na chi cäc'oji' jun wal, nim winak chi c'ut ri wachajil xukuje' ri in?”

Chapletajic 17:3

Ri Abram xumej rib c'ä xuya' na ri u palaj cho ri ulew. U takem c'u u bixic ri Dios che:

Ri Ezequiel 1:28

Ri cajunamataj ruc' ri räxquiak'ab aretak cäc'utun pa tak ri sutz' aretak c'o musmul jäb. Jewa' xuban ri u c'utic rib ri u juluwem ri Ajawaxel chnuwäch. Aretak xinwilo, xinmej wib chuwäch, c'ä xinya' na ri nu palaj cho ri ulew.

Apocalipsis 5:8

Aretak xuc'am ri wuj, ri quiejeb awaj xukuje' ri juwinak quiejeb nimak tak tatayib xexuqui' chuwäch ri Alaj Chij. Chquijujunal cuc'am jujun arp xukuje' jujun lak re k'an puak e nojinak che c'oc' k'ol. Are wa' ri qui ch'awem ri e tastalic tak winak aj Dios.

Ri Job 1:20

Xwalij c'u ri Job, nojinak che c'axc'ol xujis ri ratz'iak, xutolorisaj ri u jolom xumej rib che k'ijilanic.

Ri Daniel 8:17

Xkeb c'u ri are' wuc'. Ri in xinxe'j wib, xinmej c'u wib c'ä xinya' na ri nu palaj cho ri ulew, xubij c'u ri are' chwe: ‘Rija'l winak, chawetamaj chi we c'utwächinic ri' che ri q'uisbal tak k'ijol cätzijon wi'.’

Nabe Tzijobelil 21:16

Xca'y c'u apan ri David, xril apan ri u tako'n ri Ajawaxel chi c'o chuxo'l ri caj ruc' ri ulew, ruc'am jun ch'ich' re ch'o'j ch'anal pa u k'ab, ri are' cätajin cuc'ut ri Jerusalen. Are' c'u ri David xukuje' ri nimak tak tatayib, e qui cojom wakwoj tak atz'iak, xquimejela' quib cho ri ulew c'ä xquiya' na ri qui palaj cho ri ulew,

K'atal tak Tzij 13:20

Aretak xwalij ri k'ak' puwi' ri porobal, ri Mano rachil ri rixokil xquil ri aj cajala u tako'n ri Ajawaxel xpaki' chicaj xel bic pa u niq'uiajil ri rak' k'ak'. Xquimej c'u quib c'ä xequiya' na ri qui palaj cho ri ulew.

Ri Josue 7:6

Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.

Ri Josue 5:14

“Mawi ri jun mawi ri jun chic,” xcha' ri achi. “In petinak jacha' che c'amal qui be ri rajch'ojab ri Ajawaxel.” Xpe c'u ri Josue xumej rib c'ä xuya' na ri u palaj cho ri ulew, xuc'ot c'u u chi': “¿Jas ri takanic cuya' ri Wajaw che we pataninel ech la ri'?”

U Camulixic ri Pixab 9:25

Aretak ri Ajawaxel xubij chi cusach i wäch, cawinak k'ij, cawinak ak'ab xinxuqui' chuwäch ri Ajawaxel,

U Camulixic ri Pixab 9:18

Xenmeja' c'u wib chuwäch ri Ajawaxel jacha' ri xinban nabe; cawinak k'ij cawinak ak'ab man c'o ta wa xintijo mawi c'o xinwuq'uiaj, u mac rech ri mac ri xibano, ri xiyacbej royowal ri Ajawaxel, xinicowisaj c'ut ri royowal.

Ajilanic 16:45

“¡Chixel chquixo'l we winak ri', xa c'u pa jok'otaj quinsachisaj na qui wäch!” Ri Moises xukuje' ri Aaron xquimej quib c'ä xquiya' na ri qui palaj cho ri ulew,

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

Ajilanic 14:5

Ri Moises xukuje' ri Aaron xquimej quib c'ä xquiya' na ri qui palaj cho ri ulew chuwäch ronojel ri tinimit,

Aj Levitib 9:24

Xel ulok k'ak' chuwäch ri Ajawaxel, xuporoj ri awaj ri poroxic rij, xukuje' tak ri xepo ri c'o puwi' ri porobal. Aretak xquil conojel ri aj israelib xquirak qui chi' ruc' quicotemal, xquimej quib c'ä xquiya' na ri qui palaj cho ri ulew.

Ri Matey 2:11

Xeboc pa ri ja, xquil c'u ri ac'al c'o chunakaj ri Mariy ri u nan, xexuqui' chuwäch ri ac'al, xquik'ijilaj. Xquijak ri qui c'olbal, xquichi'j sipanic che k'an puak, c'oc'alaj k'ol, xukuje' ri cunabal mir.

Ri Lucax 1:18

Xubij ri Zacariy che ri tako'n aj caj: “¿Jas quinban che retamaxic chi kastzij wa'? Ri in, in nim winak chic, xukuje' ri wixokil.”

Chapletajic 17:18

Xubij c'u ri Abraham che ri Dios: “¡C'o ta banom wi chi ri Ismael cäc'asi na rumal ri tewichibal la!”

Chapletajic 18:11

Ri Abraham xukuje' ri Sara e nimak tak winak chic, ri Sara man c'o ta chic ri u yab chi ic'.

Chapletajic 21:5

Jun sient u junab ri Abraham aretak xalax ri Isaac.

Chapletajic 21:7

¿Jachin ta xbin che ri Abraham chi quebenwalaj na ralc'ual? Xinwalaj c'u jun u c'ojol pune' sibalaj in nim winak chic.”