Chapletajic 15:17 - Quiché Bible

¹⁷ Aretak chak'ab chic, ronojel c'ut k'ekumarinak chic, xc'utun jun jorno ri cäbukuwic, xukuje' jun k'ak' cänicowic ri coc'ow chquixo'l ri awaj ri banom catakperaj chque.

Chapletajic 15:17 Referans Kwoze

K'atal tak Tzij 6:21

ri aj cajalaj tako'n xunak ri ti'j, ri caxlanwa ruc' ri u wi' ri u ch'amiy ri c'o pu k'ab, xel c'u ulok k'ak' che ri abaj ri xuja'risaj ri ti'j xukuje' ri caxlanwa; xsach c'ut ri aj cajalaj u tako'n ri Ajawaxel chuwäch.

Ri Jeremiy 11:4

Are ri c'ulwächinic ri xinban cuc' ri e qui mam aretak xebenwesaj ulok pa Ejipt, ulew ri je ta ne jun jorno re porobal ch'ich' chque. Xinbij chque: chixniman chwe, chibana' ronojel ri quixintak wi are c'u ri ix quixux c'u na nu tinimit are c'u ri in quinux na i Dios.

Nabe Tzijobelil 21:26

chila' c'u xuwoc wi jun c'olbal ri quechi'x wi tabal tak tok'ob che ri Ajawaxel xebuchi'j c'u tabal tak tok'ob ri quechajirisaxic xukuje' tabal tak tok'ob re utzirisan ib. Xunataj c'ut ri Ajawaxel, ri are' xutak ulok k'ak' chicaj puwi' ri tabal tok'ob ri cachajirisaxic che tzelebal u wäch ri u tzij.

Ri Isaiy 62:1

Rumal ri a lok'ok'exic, Sion, man quinyeni ta na rumal ri a lok'ok'exic, Jerusalen, man quinuxlan ta na, c'ä cäjuluw na ri a ch'äcanic jacha' ri u sakaric, are c'ut ri a colotajic jacha' jun chäj ri cänicowic.

Ucab Samuel 22:9

Xel ulok sib pa u tza'm, xel ulok jun cämisanelalaj k'ak' pa u chi'; ¡ak'al quenicowic quebel ulok pa u chi'!

K'atal tak Tzij 13:20

Aretak xwalij ri k'ak' puwi' ri porobal, ri Mano rachil ri rixokil xquil ri aj cajala u tako'n ri Ajawaxel xpaki' chicaj xel bic pa u niq'uiajil ri rak' k'ak'. Xquimej c'u quib c'ä xequiya' na ri qui palaj cho ri ulew.

U Camulixic ri Pixab 4:20

Are c'u ri ix xixuc'am ri Ajawaxel, xixresaj chupam ri jorno ri cäjarisax wi ch'ich', are wa' ri Ejipt, rech quixux u tinimit jas ri i banom camic.

Chapletajic 15:10

Ri Abram xebuc'ama' ulok conojel tak we awaj ri' xebel u ya' chuwäch ri Dios, xebuperejij xuya' ri jun pa niq'uiaj chuwäch ri jun chic man c'u xebuperejij taj ri chicop ri e c'o qui xic'.

Elem 19:18

Ronojel c'u ri juyub Sinai xbukuw sib puwi', rumal rech chi ri Ajawaxel kajinak ulok pa u niq'uiajil ri k'ak'. Ri u sibal ri cäpakic junam ruc' ri u sibal jun jorno, ronojel c'u ri juyub sibalaj cäyicopic.

Nabe Ajawinelab 18:38

Pa ri jok'otaj ri', ri u k'ak' ri Ajawaxel xtzak ulok chicaj, xuporoj c'ut ri tabal tok'ob ri cächajirisaxic, ri si', tak ne ri abaj, ri puc'uc' ulew, xukuje' xutzajtzobisaj ri ja' ri c'o pa ri u be ja'.

Elem 20:18

Conojel ri aj israelib kas xquinabej ri cakulja, xukuje' ri caypa', ri cok'ibal trompet xukuje' ri juyub ri mukutal pa ri sib; xebirbobic, naj xequiya' wi quib.