Chapletajic 14:6 - Quiché Bible

⁶ are c'u ri aj horib, xequich'äc puwi' ri juyub Seir, xecokataj c'ä xebopan pa ri ulew re Paran ri c'o chunakaj ri chaki'j uwo sak.

Chapletajic 14:6 Referans Kwoze

U Camulixic ri Pixab 2:22

We c'ulmatajic ri' junam ruc' ri xc'ulmataj cuc' ri e rija'lil ri Esau ri xecanaj pa Seir, xquisach c'u qui wäch ri aj horeyib, rech quecanaj ri e are' chila'.

U Camulixic ri Pixab 2:12

Aj horeyib c'ut ri xec'oji' can pa Seir, are c'u ri rija'lil ri Esau xequisach qui wäch ri winak ri e c'o chila', xquechbej c'u ri ulew, xecanaj c'u chila' jas ri xquiban ri aj Israel che ri ulew ri xuya' ri Ajawaxel chque.)

Chapletajic 21:21

Xc'oji' pa ri chaki'j uwo sak re Paran, ri Ismael xc'ulubax rumal ri u nan ruc' jun ali aj Ejipt.

Ajilanic 13:3

Jacha' ri takanic ri xuya' ri Ajawaxel che, ri Moises xebutak bic kas aretak e c'o chupam ri chaki'j uwo sak ri c'o pa Paran. Conojel e achijab ri c'o qui takanic chquixo'l ri aj israelib,

Ajilanic 12:16

Xuwi c'u xurik chi rib ri Mariy cuc', xquitakej qui be xebel bic kas pa Hazerot, xebekaj c'ut chupam ri chaki'j uwo sak pa Paran.

Ri Habacuc 3:3

Ri Dios quel na ulok chupam ri rulew ri Teman; are c'u ri tastalic Dios petinak wi ulok pa ri juyub Paran. Ri u juluwem culic' rib chuwäch ronojel ri caj, ronojel c'ut ri uwächulew cänoj che u ya'ic u k'ij.

Ajilanic 10:12

Ri aj israelib xquitakej qui be xebel bic chupam ri chaki'j uwo sak re Sinai. Ri sutz' xetok'ol chupam ri chaki'j uwo sak re Paran.

Chapletajic 36:8

Ri Esau ri cäbix Edom che, xejekel pa ri c'ache'laj ulew re Seir.

Chapletajic 16:7

Xriktaj c'u ri Agar rumal jun tako'n re ri Ajawaxel pa ri chaki'j uwo sak, chunakaj ri bulbux ri c'o pa ri be ri cäbe pa Xur,

Chapletajic 32:3

Ri Jacob xebutak bic jujun tako'n rech quebe pa Seir, ri ulew re Edom, che u ya'ic u bixic che ri ropanem ruc' ri Esau, ri rachalal.

Nabe Ajawinelab 11:18

Xebel bic pa Madian xebopan pa Paran, ri xequic'am wi jujun achijab che pataninel tak quech. Xebopan pa Ejipt xquik'alajisaj quib chuwäch paraon, ajawinel re Ejipt, ri paraon xuya' cachoch xukuje' qui wa, xukuje' xusipaj c'u culew.