Chapletajic 11:31 - Quiché Bible

³¹ Ri Tare xel bic pa Ur ri culew ri aj caldeyib xbe pa Canaan, xuc'am bic ri Abram ri u c'ojol, ri Lot ri ri' u mam, xukuje' ri Saraiy ri ralib. Aretak c'u xebopan pa ri u tinimit ri Aran, xejeki' c'u chila'.

Chapletajic 11:31 Referans Kwoze

Ri Nehemiy 9:7

Lal, Ajawaxel, lal ri Dios ri xacha' la ri Abram; lal xesan la ulok pa Ur, qui tinimit ri aj caldeyib, xcoj c'u la Abraham che u bi'.

Chapletajic 24:10

Xuchaplej c'u qui cha'ic utzalaj tak sipanic chquixo'l ri jastak rech ri Abraham, xebuc'am bic lajuj camey, xbe pa ri u tinimit ri Nacor ri c'o pa Mesopotam.

Chapletajic 12:4

Xel c'u bic ri Abram pa Aran jas ri takanic ri xya' che rumal ri Ajawaxel. Oxc'al olajuj (75) u junab aretak xel bic chila' xbe pa Canaan.

Chapletajic 15:7

Xubij c'u che: “In ri' ri Ajawaxel, in xatinwesaj ulok pa Ur ri culew ri aj caldeyib, che u ya'ic we ulew ri' chawe che awechbal.

Chapletajic 11:32

Ri Tare xcäm pa Aran aretak c'o chic quieb sient ruc' job (205) u junab.

Chapletajic 10:19

Ri culew ri aj Canaan xopan c'ä chuchi' ri ulew re Jerar, cächapletaj ulok pa Sidon copan c'ä pa Gaz; chuwäch tak ri tinimit Sodom, Gomor, Adma, Zeboim, xopan c'ä pa Las.

Hebreos 11:8

Rumal ri cojonic, ri Abraham aretak xsiq'uixic, xnimanic xbe pa ri c'olbal ri cuc'am na che rechbal. Xel bic, pune' man reta'm ta c'ut jawije' cäbe wi.

Chapletajic 27:43

Rumal ri', wal, chabana' ba' ri quinbij chawe; mabey awib jät cho rachoch ri nu xibal Laban, ri c'o pa Aran.

Chapletajic 24:15

Ri pataninel cätajin cäch'aw ruc' ri Dios aretak xrilo chi petinak ri Rebec ri u mia'l ri Betuel, u yo'm ri u k'ebal puwi' u teleb. Ri Betuel ral ri Milca ruc' ri Nacor ri u chak' ri Abraham.

Chapletajic 12:5

Xuc'am bic ri Saraiy ri rixokil, xukuje' ri Lot ri u c'ojol ri u chak', xequic'am bic conojel ri jastak quech xukuje' conojel ri winak ri xequilok' pa Aran. Aretak xebopan pa Canaan,

Ucab Ajawinelab 19:12

Ri diosib, ¿La xa' pu xequito' ri jule' tak tinimit chic ri xsachisax qui wäch cumal ri xetakan can nabe chnuwäch: ri Gozan, ri Aran, ri Resep, xukuje' ri winak re Bel-eden ri xejeki' pa Telasar?

Ri Job 1:17

C'ä maja' c'u ne chutaba' tzijonem we achi ri', aretak xopan jun urox xubij c'ut: “Oxib mulaj aj caldeyib xepe pakawi' xequeläk'aj tak c'u bic ri camey. Xequicämisaj tak c'ut ri achijab che ch'ich' re ch'o'j. Xuwi ri in xincuinic xinanimajic rech xinpe che u bixic che la.”

Ri Isaiy 37:12

¿La xecuin puch ri diosib xequito'tajisaj ri jule' tak tinimit chic, ri xsachisax qui wäch cumal ri e nu mam: ri Gozan, ri Haran, ri Resep, xukuje' ri winak aj Bet-eden ri e jekel pa Telasar?

Chapletajic 14:12

Pa Sodom c'ut jekel wi ri Lot ri u c'ojol ri u chak' ri Abram, xquiyut bic xukuje' xquic'am bic conojel ri jastak rech.

Chapletajic 28:10

Xel bic ri Jacob pa Beerseb, xumajij c'u ri be ri cäbe pa Aran.