Chapletajic 10:25 - Quiché Bible

²⁵ Ri Heber xec'oji' quieb u c'ojol: Peleg u bi' jun chque, pa tak c'u ri k'ij ri' xquitasala' quib ri winak cho ri uwächulew; ri rachalal ri Peleg, Joctan u bi'.

Chapletajic 10:25 Referans Kwoze

Nabe Tzijobelil 1:19

Ri Heber rumal rech chi xebalax quieb u c'ojol: ri nabeal Peleg u bi', pa tak c'ut ri u k'ijol xquitasala' quib ri winak ri e c'o chuwäch ri uwächulew. Ri rachalal ri Peleg, Joctan u bi'.

Hechos 17:26

Xa' c'u che jun achi xeresaj wi conojel ri nimak tak tinimit, rech quec'oji' cho ronojel ri uwächulew. U c'utum chi ulok ri k'ij xukuje' ri c'olbal ri cäcoc'owisaj wi ri qui c'aslemal waral cho ri uwächulew,

U Camulixic ri Pixab 32:8

C'o jumul ri aj chicajil xujach qui wäch ri e winak tak xukuje' xujach qui wäch ri e nimak tak tinimit xucoj c'u ri qui c'ulbatil ri e tinimit tak Man c'u xesach ta ri aj israelib pa u jolom,

Chapletajic 10:32

E are wa' ri e calaxic ri e u c'ojol ri Noe, ri xquitasala' quib pa tak alaxic, xec'oji' c'u pa tak ri culew, e are c'u xepok'isan conojel ri nimak tak tinimit cho ri uwächulew aretak oc'owinak chic ri k'ekal jäb.

Chapletajic 10:21

Ri Sem, ri nabeal chuwäch ri Japet, xukuje' xc'ojolanic. Conojel ri e ralc'ual ri Heber e rija'lil ri Sem.

Chapletajic 10:26

Ri e u c'ojol ri Joctan, are ri Almodad, ri Selep, ri Hazar-mabet, ri Jera,

Chapletajic 10:5

E are' tak wa' ri e rija'lil ri Japet ri xenojisan tak ri tak'aj, chquijujunal tak ri nimak tak tinimit xukuje' tak ri ija'lil chupam tak ri kas culew xukuje' ruc' tak ri kas qui ch'abal.

Ri Job 15:19

chque c'u wa' xya' wi ri ulew man xequiyuj ta quib jule' tak winak chic chquixo'l.