Chapletajic 1:9 - Quiché Bible

⁹ Xubij c'u ri Dios: “Chumulij rib ri ja' ri c'o chuxe' ri caj xa pa jun c'olbal, rech cäc'utun ri chaki'j.” Je c'u xbantajic.

Chapletajic 1:9 Referans Kwoze

2 Pedro 3:5

Xa man cäcaj taj cäquetamaj chi ojer rumal ri u tzij ri Dios xebantaj ri caj, chi ri ulew pa ri ja' xel wi ulok xukuje' chi co c'o pa ri ja'.

Ri Jonas 1:9

Ri Jonas xubij chque: “In aj hebrey, quink'ijilaj ri Ajawaxel, ri Dios aj caj ri banowinak ri plo xukuje' ri ulew.”

Ri Jeremiy 5:22

In, ri Ajawaxel quinbij: ¿La xa' man quina' ta iwib chnuwäch? ¿La xa' man quixbirbob ta chnuwäch in? In xincoj ri sanyeb che u c'ulbatil ri plo, jun c'ulbat ri man cäcuin ta ri plo coc'ow ta puwi'. Ri e u rekbala' xak lok' caquicoj qui chuk'ab quebel c'u ch'u'j, man c'u quecuin ta che u xalk'atixic.

Salmib 95:5

Ri plo rech are', are' c'u xbanowic; ¡cuc' ri kas e u k'ab xunuc' ri chaki'j ulew!

Ri Tzijonel 1:7

Conojel tak ri nima' quebe chupam ri plo, mawi c'u ne jubik' canoj ta ri plo; quetzelej c'u ri nima' jawije' ri e petinak wi rech caquibinibej chi jumul ri qui be.

Salmib 33:7

Ri are' cumulij cut'ajij c'u ri ja' re ri nimalaj plo.

Ri Job 26:10

u cojom ri u q'uisbalil ri u wäch ri plo xukuje' ri u q'uisbalil ri sakilal ruc' ri k'ekumalil.

Apocalipsis 10:6

Quincha' ri chi'nic ri kas cäban na chuwäch ri c'asal amak'el chbe k'ij sak, ri e u banom ri caj ri ulew xukuje' ri jastak ri e c'o chquiwäch, ri plo xukuje' conojel ri jastak ri e c'o chupam. Xubij: “Man c'o ta chi cäkeyej na.

Salmib 104:3

¡Co xjekba' la ri rakan tak ri achoch la puwi' ri ja', chila' chicaj! Caban carwaj la chque ri sutz'; ¡cäbin la puwi' ri u xic' ri quiakik'!

Ri Job 26:7

Ri Dios xuliq'uiq'uej ri caj puwi' ri tolonic u colobam c'u ri uwächulew puwi' ri man c'o taj.

Chapletajic 1:8

xucoj “caj” che u bi' ri qui xo'l. Jewa' ri u tz'akatisaxic ri ucab k'ij.

Ri Nehemiy 9:6

Xubij c'ut ri Esdras: “Lal ri' ri Ajawaxel, man c'o ta chi c'u jun. Lal xbanow la ri caj xukuje' ri sibalaj chicaj na che ri caj, xukuje' conojel tak ri e u ch'imil; xban la ri ulew xukuje' ronojel ri c'o chuwäch, ri plo xukuje' ronojel ri e c'o chquipam. Lal cäyo'w la qui c'aslemal conojel ri jastak. Rumal ri' cäk'ijilax la cumal tak ri ch'imil re ri caj.