Chapletajic 1:21 - Quiché Bible

²¹ Ri Dios xebuban nimak jilijak tak awaj pa ri plo, ronojel qui wäch awaj xepok' pa ri ja' rech quec'oji' chupam, xukuje' xebuban ronojel qui wäch chicop ri c'o qui xic'. Aretak xril ri Dios chi utz,

Chapletajic 1:21 Referans Kwoze

Chapletajic 1:25

Ri Dios xebuban conojel we awaj ri', xril c'ut chi ronojel utz xcanajic.

Chapletajic 8:19

Xukuje' xebel ulok conojel ri awaj ri e aj uwo ja, xukuje' ri e juyubal tak awaj, ri awaj ri cäquijururej quib, xukuje' ri chicop ri c'o qui xic'.

Chapletajic 8:17

Xukuje' chebawesaj bic ri awaj ri e c'o awuc': ri chicop ri c'o qui xic', ri awaj ri e aj uwo ja, xukuje' ri awaj ri cäquijururej tak quib puwi' ri ulew, cheboj pa ronojel c'olbal, chepok'ok c'ut cheq'uiyir cho ronojel ri uwächulew.”

Elem 8:3

Ri nima' Nil quebupok'isaj na xtutz', quepaki' c'u ulok queboc na chupam ri nimalaj awachoch, chupam ri a warbal, puwi' ri a ch'at, pa tak ri cachoch ri e awach k'atal tzij, xukuje' pa tak ri cachoch ri e a winakil, pa tak ri a jorno, pa tak ri jucub ri cäyok' wi ri u k'oril ri a caxlanwa.

Elem 1:7

are c'u ri aj israelib xepok'ic, sibalaj xeq'uiyiric xec'oji' q'ui calc'ual xc'oji' c'u sibalaj qui chuk'ab. Xnoj ri ulew cumal.

Chapletajic 9:7

Are c'u ri ix, ¡chec'ol q'ui iwalc'ual chinojisaj ri uwächulew cumal!”

Chapletajic 7:14

Ronojel qui wäch juyubal tak awaj xeboc cuc' pa ri jucub, xukuje' ronojel qui wäch tak awaj ri e aj uwo ja ronojel qui wäch awaj ri cäquijururej quib xukuje' ronojel qui wäch chicop ri c'o qui xic'.

Chapletajic 6:20

Queboc na awuc' pa ri jucub pa tak c'ulaj ronojel qui wäch awaj: chicop ri c'o qui xic', awaj aj uwo tak ja, xukuje' awaj ri cäquijururej quib puwi' ri ulew, rech quec'asi'c.

Ri Job 26:5

Ri Bildad xubij: “Ri cäminakib ri e jekel chupam ri choalaj plo, quebirbob che xe'n ib chupam ri u choil ri plo.

Ri Job 7:12

¿La xa pu in jun jilijic awaj re ri plo chi je walwachixic wa' caban la?

Chapletajic 1:31

xril c'u ri Dios chi ronojel ri u banom sibalaj utz xelic. Jewa' ri u tz'akatisaxic ri uwak k'ij.

Chapletajic 1:18

Che ri pa k'ij xukuje' che ri chak'ab, che u tasic ri sakilal che ri k'ekumalil, xril c'u ri Dios chi utz xelic.

Ri Matey 12:40

Je jas ri Jonas xc'oji' chupam ri nimalaj cär oxib k'ij oxib ak'ab, jeri' ri Rija'l winak cäc'oji' na pa ri ulew oxib k'ij oxib ak'ab.

Ri Jonas 1:17

Are' c'u ri Ajawaxel xutak ulok jun nimalaj cär che u bik'ic ri Jonas. Xcanaj c'u oxib k'ij oxib ak'ab ri Jonas chupam ri cär.

Ri Ezequiel 32:2

“Chabixoj we bix ri' re cämical che ri paraon, ri rajawinel ri Ejipt: ‘Catjunamataj ruc' jun coj quech ri nimak tak tinimit; at jacha' jun jilijic awaj re ri plo: catchacop pa ri nima', cuc' ri e awakan casakpujij ri ja', caruj ri u ja'il ri cabinic.’

Ri Jonas 2:10

Are' c'u ri Ajawaxel xubano chi ri cär xuxawaj can ri Jonas cho cowilaj ulew.

Chapletajic 1:20

Xubij chi ri Dios: “Chebupok'isaj ri ja' ronojel qui wäch awaj, xukuje' chec'ol chicop ri c'o qui xic' ri querapap chicaj puwi' ri ulew.” Je c'u xbantajic.

Chapletajic 1:22

xebutewichi'j ri awaj ri xebubano, cuc' tak we tzij ri': “Chixalanok chixq'uiyirok, chinojisaj ri plo; xukuje' chepok' chicop ri c'o qui xic' cho ri uwächulew.”

Chapletajic 9:2

Conojel ri awaj re ri uwächulew quebirbob na che xe'n ib chiwäch. Conojel awaj ri e c'o pa ri quiakik', pa ri plo, e c'o chuxe' ri i takanic.

Salmib 148:7

¡Chk'ijilax ri Ajawaxel kas cho ri ulew, jilijak tak awaj aj plo, xukuje' ri u choil ri plo!

Chapletajic 2:19

Are c'u ri Ajawaxel Dios ulew xucoj che qui banic conojel ri awaj xukuje' conojel tak ri chicop ri c'o qui xic', xebuc'am c'u ulok chuwäch ri achi rech quebucoj qui bi'. Ri achi xucoj qui bi' conojel ri awaj aj uwo ja, conojel ri chicop ri c'o qui xic' xukuje' conojel ri juyubal tak awaj, are c'u bi'aj wa' xcanaj chque. Man c'o ta c'u ne jun chque ri utz ta xel che to'l rech ri xtaki' ta che.

Ri Job 12:7

Chac'oto' qui chi' tak ri awaj o ri chicop ri c'o qui xic': e are' wa' quecuinic catquitijoj.