Chapletajic 1:2 - Quiché Bible

² Man c'o ta u beya'l ri uwächulew, man c'o ta jas c'olic; xuwi jun choalaj plo ch'ukutal rumal k'ekumalil, are c'u ri Ruxlabal ri Dios cäwacat puwi' ri ja'.

Chapletajic 1:2 Referans Kwoze

Ri Jeremiy 4:23

Xinwil ri ulew, uxinak c'u jun chaki'j uwo sak ri man c'o ta u cholajil; xinca'y cho ri caj, man c'o ta c'u sakil.

Salmib 104:30

We c'u cätak la ulok ri uxlab la re c'aslemal, queq'uiyic, jeri' cac'aq'uirisaj la ri u bantajic ri uwächulew.

Ri Isaiy 45:18

Ri xbanow ri caj, ri are Dios xukuje' Ajawaxel, ri xbanow ri ulew xukuje' xunuc'u, ri co xujekeba', ri xbanowic rech man xak tacätolic xane' quec'oji' winak chuwäch, je cubij wa': “In ri' ri Ajawaxel, man c'o ta chi c'u jun.

Salmib 33:6

Ri caj xukuje' ronojel ri c'o chuwäch are' ri Ajawaxel xbanowic ruc' ri u tzij xukuje' ruc' ri ruxlab ri xel pa u chi'.

Ri Job 26:7

Ri Dios xuliq'uiq'uej ri caj puwi' ri tolonic u colobam c'u ri uwächulew puwi' ri man c'o taj.

Ri Job 26:14

Xa c'u jubik' wa' chque tak ri e u chac; xak c'u alicha' ka tom jubik' ¿Jachin ta lo ri cacuinic cach'obow ri cuinelalaj u cakulja'?”

Ri Nahum 2:10

Sachisam u wäch, tz'inowirisam, tolobam canok, jewa' ri u c'ulmam ri Ninibe. Ri animaaj quelebelob che xe'n ib, quebirbit tak ri ch'ecaj, conojel man e c'o ta chic qui chuk'ab quesakmaqui c'ut.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

U Camulixic ri Pixab 32:11

Jacha' ri cot ri cärapap puwi' ri u soc quebutakchi'j ri ral che rapapem, je xuban ri Ajawaxel xebulic' ri u xic', xebuc'amo xerekaj bic.

Ri Job 38:9

Ri in xinya' jun sutz' che ratz'iak, are c'u ri mayul che u pam tak ratz'iak.

Salmib 104:6

Ri cholaj plo ch'ukuwinak u wi' ri ulew je ta ne jun atz'iak. Ri ja' quebuch'uk tak ri juyub.

Salmib 136:6

Che ri xlic'ow ri ulew paquiwi' tak ri ja', junalic c'ut ri u lok'ok'ebal c'u'x.

Salmib 148:7

¡Chk'ijilax ri Ajawaxel kas cho ri ulew, jilijak tak awaj aj plo, xukuje' ri u choil ri plo!

E C'ambal tak Tzij 8:24

Xinuq'uiyisaj c'ä majok chec'ol ri nimak tak plo, c'ä majok chepok' ulok tak ri nima' xukuje' ri qui bulbux.

Ri Isaiy 31:5

Jacha' ri cuban jun chicop che u chajixic ri u soc, cärapap puwi', je cuban ri Ajawaxel ri c'o ronojel u cuinem che u chajixic ri Jerusalen cuchajij na, cucol na, cuto' na u wi', cäresaj na pa qui k'ab ri c'ulel.”

Ri Job 41:32

Aretak cäbin pa ri ja' cuya' can jun saknicojil chrij pa ri ja' ri cäjuluwic jacha' sak tak quismal awaj.