Chapletajic 1:14 - Quiché Bible

^14-15 Xubij c'u ri Dios: “Chec'ol chäj chupam ri räxalaj caj, quitunuj ri uwächulew quitasa' c'ut ri k'ij che ri chak'ab chebajwataj c'ut xukuje' che qui c'utic tak ri k'ij, ri junab xukuje' ri q'uiakal tak k'ij.” Je c'u xbantajic.

Chapletajic 1:14 Referans Kwoze

U Camulixic ri Pixab 4:19

Xukuje' aretak quixca'y cho ri caj, quiwil c'u ri k'ij, ri ic', xukuje' conojel tak ri ch'imil ri e c'o chicaj, mixtzak c'u chupam ri takchibal macaj, che qui k'ijilaxic. Are c'u ri Ajawaxel ri i Dios xebuq'uiyisaj tak ri ch'imil chque conojel ri tinimit cho ri uwächulew.

Ri Jeremiy 31:35

Ri Ajawaxel, ri xucoj ri k'ij rech catunun pa k'ij xukuje' ri ic' xukuje' tak ri ch'imil rech quetunun chak'ab, ri cabanowic chi cuyujula' rib ri plo xukuje' chi quejinin tak ri rekbala', ri cabinax Ajawaxel ri c'o ronojel u cuinem, je cubij wa':

Salmib 148:3

¡Chik'ijilaj ix, k'ij xukuje' ic'! ¡Chik'ijilaj ix, juluwemalaj tak ya'l sakilal!

Salmib 148:6

ronojel xujekeba' ri are' rech cäcanaj amak'el, xuya' jun pixab ri mawi jubik' cäyojixic.

Ri Amos 5:8

Ri Ajawaxel, ri xbanow tak ri ch'imil re Mutz xukuje' tak ri ch'imil re Orion, are' ri caq'uexow ri chak'ab che pa k'ijal xukuje' ri pa k'ij che k'ekumalaj chak'ab; ri quebusiq'uij tak ri ja' re ri plo quebutix c'u puwi' ri ulew; ri cutzokopij ri yojyobic puwi' ri co c'olic cuban che chi copan puwi' ri co tiquilic. Ri Ajawaxel, are' wa' ri u bi'.

Ri Joel 3:15

Ri k'ij xukuje' ri ic' quek'ekumaric xukuje' tak ri ch'imil man quequiya' ta chic ri qui jolk'inic.

Ri Jeremiy 10:2

Ri Ajawaxel cubij: “Mitakej qui banic ri caquiban ri jule' nimak tak tinimit chic mawi mixe'j tak iwib chque tak ri etal cho ri caj, jacha' ri caquiban we nimak tak tinimit ri'.

Salmib 81:3

Chiwok'esaj trompet aretak cäpe ri c'ac' ic', xukuje' aretak cänoj ri ic', are c'u u k'ijol ri nimalaj ka nimak'ij.

Chapletajic 8:22

“Joropa' k'ij ri cäjeki' ri uwächulew, kas amak'el c'o wi ticonijic xukuje' wächinic; cuban na k'ak', cuban na tew, cuban na k'alaj, cuban na sak'ij, cuban na pa k'ij, cuban na chak'ab.”

Ri Isaiy 40:26

Chixca'yampe' chicaj, chiwila' c'ut: ¿Jachin xbanow ronojel wa'? Ri cujach qui wäch chquijujunal, conojel c'ut quebusiq'uij ruc' ri qui bi'. Sibalaj nim ri u cuinem xukuje' ri u chuk'ab, chi man c'o ta jun chque ma ta copanic.

Ri Matey 24:29

“Chanim c'ut, aretak oc'owinak chic ri k'ij ri' re ri c'axc'olil, ri k'ij cäk'ekumar na, ri ic' man cuya' ta chic ri u sakil, ri ch'imil ri e c'o chicaj quetzak na ulok, ri chuk'ab e aj caj queyicop na.

Ri Amos 8:9

Cujiquiba' u bixic ri Ajawaxel: “Pa ri k'ij ri', quinban na chi cuc'u' rib ri k'ij pa tiq'uil k'ij kas c'u pa k'ij quinch'uk na ri k'ij ruc' k'ekumalil.

Ri Joel 2:10

Ri ulew cabirbit chquiwäch, ri caj cäyicopic, ri k'ij xukuje' ri ic' quek'ekumar ri qui wäch xukuje' ri ch'imil quechup tak ri qui repc'unic.

Ri Jeremiy 33:20

“In, ri Ajawaxel, quicha': Man bantajel taj chi ma ta cätz'akat ri c'ulwächinic ri nu banom ruc' ri pa k'ij xukuje' ruc' ri chak'ab, jeri' chi ri pa k'ij xukuje' ri chak'ab ma ta quebopan kas pa ri qui k'ijol.

Apocalipsis 6:12

In xinwilo aretak ri Alaj Chij xujak ri uwak t'ikbal, xuban jun nimalaj cabrakan. Ri k'ij xk'ekaric jacha' jun wakwoj atz'iak. Ri ic' ronojel xux quiäk je jas ri quic'.

Ri Matey 2:2

Xquibij c'ut: “¿Jawije' c'o wi ri cajawinel ri aj judeyib ri xalaxic? Kilom ri u ch'imil pa ri elebal k'ij. Uj petinak c'u che u k'ijilaxic.”

Ri Ezequiel 46:1

“In, ri Ajawaxel. Quinbij: Ri oquibal aj elebal k'ij re ri ucab uwo ja rajawaxic cätz'api pa tak ri wakitak k'ij re chac, cäjak c'u pa ri k'ij rech uxlanem xukuje' pa ri k'ij rech ri c'ac' ic'.

Ri Jeremiy 33:25

Are c'u ri in, ri Ajawaxel, quinbij: In, ri nu banom jun c'ulwächinic ruc' ri k'ijil xukuje' ruc' ri chak'ab, ri e nu cojom tak pixab ri quetakan puwi' ri caj xukuje' puwi' ri uwächulew,

Ri Job 25:5

Chquiwäch ri e u bak'wäch, mawi ne ri ic' cäjuluw taj mawi e ch'ajch'oj tak ri ch'imil,

Chapletajic 9:13

Nu cojom ri nu räxquiak'ab pa ri sutz', cajwataj c'u na jacha' che retal ri c'ulwächinic ri quinban ruc' ri uwächulew.

Apocalipsis 8:12

Ri ucaj tako'n aj caj xrok'esaj ri u trompet. Xban c'ax che ri u roxil ri k'ij, ri u roxil ri ic' xukuje' ri qui roxil ri ch'imil. Jeri' chi ri jujun qui roxil xek'ekumaric, man xquitunuj ta ri qui chaj pa ri jun u roxil ri k'ij mawi' pa ri jun u roxil ri chak'ab.

Ri Lucax 23:45

Ri k'ij xk'ekumaric. Ri tasbal u pam ri rachoch Dios xjixjobic pa u niq'uiajil.

Marcos 13:24

“Pa tak c'ut ri k'ij ri', ri cac'ow ri k'ijol rech ri c'axc'olil, ri k'ij cäk'ekumar na, ri ic' man cuya' ta na ri u sakil.

Ri Ezequiel 46:6

Pa ri k'ij rech ri c'ac' ic' cuchi'j na jun alaj ama' wacax, wakib alaj tak ama'ib tak chij xukuje' jun ama' chij, conojel ma ta c'o jun qui yab.

Salmib 119:91

Conojel ri jastak co e takeninak, jas ri qui cholajil ri pixab la ri e tz'ibam la.

Ri Job 25:3

Ri e pataninel tak rech man c'o ta cajilabal, ri u chäj cajuluw paquiwi' conojel.

Ri Job 3:9

¡C'o ta banom wi chi pa ri ak'abilal ri' ma ta xejuluw tak ri ch'imil, ma ta xopan ri sakil ri sibalaj eyebetalic, mawi ma ta xilitaj ri u paq'uenic ri elebal k'ij!

Apocalipsis 9:2

Xujak ri jul re ri k'ekumalaj c'olbal, xpaki' ulok sib pa ri jul, jas ri u sibal jun nimalaj jorno. Xk'ekumar ri k'ij xukuje' ri quiakik' rumal ri u sibal ri jul.

Chapletajic 1:13

Jewa' ri u tz'akatisaxic ri urox k'ij.

Salmib 150:1

¡Chyo'k u k'ij ri Ajawaxel! ¡Chiya' u k'ij ri Dios chupam ri cak'ijilax wi'! ¡Chiya' u k'ij chupam ri je'lic wocowicalaj räxalaj caj!